بدريه السيد (بداره)

[abomona]

السلام عليكم و رحمة الله
الله ينور عليكم جميعا و انا مش لاقي كلام يوفيكم حقكم
و اللي اقدر اقوله بارك الله فيكم جميعا اعضاء و مشرفيين هذا المنتدي الجميل و الرائع لاحياء تراثنا
و ربنا يوفقكم يا رب

[جابر المراغي]

الاستاذ/ احمد شراره اليك جزء يسير من المعلومات عن الفنانه /بدور محمد على ابراهيم اوبدريه السيد اوبداره كمايحلوا لنا نحن السميعه الاسكندرانيه / لم تكن تعرف القراءه والكتابه مثلها فى ذلك مثل الفنان/عبد الغنى السيد ومحمود شكوكو والفنانه /سعاد حسنى / اشتغلت عامله فى شركة الغزل الاهلية /مصنع الغزل رقم 6 اوالمجمع كماكان يطلق عليه وقتئذ احترفت الغناء بداية فى الافراح وكانت تغنى اغانى ليلى مراد بل كانت تقلدها فى الشكل والملبس وكانت تغنى مع زملائها فى ذلك الوقت حسان شراره وابراهيم عبد الشفيع واحمد الحبروت واحمد برغوت ورمضان عيد وابراهم الاراجوز ودياب وعياله والخواجه عباس فى فرق حمامه العطار والسيد بخيت وخليل الفكهانى وحمامه خالدونعمه السمره وباتعه السلامونى وسعبد الحضراوى ومحمود عبد الله الشهير بالدكش وتشاء الصدفه ان كانت تغنى فى احد الافراح فى احد الشوارع المتفرعه من شارع /ايزيس بحى راغب باشا فيسمعها الملحن /محمد الحماقى الذى كان يسكن السارع المقام به الفرح بجوار الكنيسه الحمراء فينزل الى الفرح ويستمع اليها منبهرا بجمال وصفاء صوتها وتتابع الصدف ان كانت اذاعة الاسكندريه تجرى الاختبارات للمطربين فيقدمها مكتشها الاستاذ/محمد الحماقى لتنجح بامتياز وينجح معها عاشق الاسكندريه /ابراهيم عبد الشفيع

[عصام محمود (ميكى ماوس إسكندرية)]

الاستاذ جابر المراغى اسمح لى اتقدم اليك بالشكر على معلوماتك الرائعه ولكن لدى تعقيب وهو ان الفنانه بدارة سبقت حسان شرارة وابراهيم عبد الشفيع بسنوات فهى من الرعيل الاول لاذاعه الاسكندريه مثل عزت عوض الله وجلال حرب وفايد محمد فايد واحمد الحبروت وابراهيم الاراجوزلكن ابراهيم عبد الشفيع واكرام وسماح وكوكا وافى وعبد الوهاب سيف كانو بعد ذلك علما باننى من عشاقهم جميعا وحسان شرارة جاء الى الاسكندريه فى بدايه الستينيات اى بعدما اشتهرت بدارة بفترة كما ان الدكش حديث العهد جدا مقارنه بحمامه العطار وباتعه السلامونى وريا وسعيد الحضراوى وحسونه ونور الرملى وخليل الفكهانى وعياد الرشيدى تقدر تقول ان الدكش من زمن فوزى انور وحبشى رسمى وعبد اللطيف الكحلاوى وسرحان الصغيرلكن بجد معلومات حضرتك قيمه جدا ومشكور عليها جدا وياريت نتواصل خصوصا وانك فكرتنى باحمد برغوت وبخيت دياب والخواجه عباس واولاد باتا والمسيرى والشيخ امين وحبيب قلبى حسان شرارة فين الايام الجميله دى يا استاذ جابر حقيقى بشكرك جدا