فن النميم

**abomona** · #1 11/08/2010, 18h10

الجزء الاخير من الشريط

**ابو شنب** · #2 11/08/2010, 22h24

السلام عليكم ورحمة الله وبركاته
السلااااااااااام موصول للاخ ابومنى العضو الجميل

بيقول ابوحسن :

للمحبوب بقول خلى الوداد متواصل
ليه بعيد على بينينا عامل فاصل
وقرب تعال شوف الى جرالى وحاصل
جروحى تفتحت ولى الطبيب ماواصل

وشكرا للجميع

**ابو شنب** · #3 19/09/2010, 10h24

السلام عليكم جميعا
بيقول الليثى :
دى مش جيل ضلق فرقت عليه جيلينا
اخر عشره كانت وعالدبش جلينا
ياقاضى الغرام ايه الحصل جلينا
جمعه دهب مشى وقاضى الغرام جا لينا

لما دعانا جمعه دهب جيت على ميعادى
واقضى الليله فوق جمر السيالى قعادى
ياللى باشكرك وفى شكرتك لى عادى
ربنا يسعدك وفوق السعادى سعادى

**ابو شنب** · #4 27/09/2010, 11h02

بيقول الفنان الكبير الليثى:
اريت المسك من الجسم ناضحاها
واخجلت القمر بانوارها الواضحاها
كمان شمس النهار ساعت الطلوع فاضحاها
لولا هيبة الله كان تغيب فى ضحاها

وبيقول احمد ابو الامين:
ريقك كرروه بيه بعد الفطار بيحلوا
والاطفال تقول رمضان كريم ياحلو
ونظرات عيونها من حبل المشنقه بيحلوا
لوغاب القمر تجلس تضوى محلو