أغاني الضمة

[elazf]

بلبل الأفراح

يا بلبل الأفراح غني .. غني وسمعني أه يا عيني
على القانون والعود سيدي وأشجيني
مركب حبيبي .. مركب حبيبي فى البحر جايه
جايه وعايمه .. جايه وعايمه على شبر ميه
فيها اللي أحبه .. فيها اللي أحبه يسأل عليا
يا بير زمزم .. يا بير زمزم سلبك سلاسل
والشربة منك .. الشربة منك دوا للمسافر
يا بير زمزم .. يا بير زمزم عتبك حجارة
والشربة منك .. والشربة منك دوا للحياري
يا بير زمزم .. يا بير زمزم عتبك حرير
والشربة منك .. الشربة منك دوا للعليل
يا ست ثومة .. يا ست ثومة أنا دخيلك
وفي كل حفله .. فى كل حفلة اسعي وأجيلك
إلا الحفلة دي .. إلا الحفلة دي أنا مش فاضيلك
يا أبوالمعاطي .. يا أبوالمعاطي أنا دخيلك
وفى كل مولد .. وفى كل مولد أسعي وأجيلك
إلا السنة دي .. إلا السنة دي أنا مش فاضيلك
يا بحر تجري .. يا بحر تجري وتعوم جزاير
كشمير حزامه .. كشمير حزامه ع الخصر داير
ياما قعدنا .. ياما قعدنا ع اللوز الأخضر
وبقيت أنا املا .. بقيت انا املا والحلو يشرب
يا بلبل الأفراح غني
غني وسمعني أه يا عيني
على القانون والعود سيدي وأشجيني

**********

يسعد صباح الحبايب


يسعد صباح .. صباح الحبايب
و الهوى .. سبب العجايب

واجب علينا علينا نمسّى
واجب عليّ إن انا امسّي
الجمع كله والله حبايب

أنا ليّ عند الحلو عادة
كل يوم بوستين زيادة
الأولة من ورد خده
والتانية من ده على ده

يا نازلين البحر تملوا
أنا مستعد أبعت ركايب
واجب عليك تفوت تسلم
يا قمر سلم علينا

يا أم القميص مشغول بتلي
والحلق صنعه عجايب
انا كل يوم يجي لي شاري
قصدك أيه؟؟
نصبح قرايب


**********

بنات العربان

بنات العُربان يا بوي
سايقين لجمال
وعدي ياخوي

بنات العُربان يا بوي
جَمالهم فتّان
حوشني يا خوي

على جَمالهم (جملهم) باراعي
أنا ماشي ع الخط الزراعي
دول ضربوني وكسروا دراعي
خلوني عالغنم راعي
طب هاراعى ازاي
حوشني يا خوي

معاك فلوس عليك تسلم
تقول لك مرحب يا معلم
ما معاكش تقعد مبلّم
وتدألجاك من ع السلّم
زودتني هموم
حوشني يا خوي

معاك فلوس بتفتح لك
فراخ وحمام بتدبح لك
ما معاكش تقعد تردح لك
زودتني جنان
حوشني يا خوي

**********

على يا علي يابتاع الزيت

علي يا علي .. يا بتاع الزيت
والنبي يا علي .. يا بتاع الزيت
ما تقول يا علي .. يا بتاع الزيت
والنبي يا علي .. يا بتاع الزيت
يا حبيبي يا علي .. يا بتاع الزيت

سنك سكين .. سنك سكين
مين ياخدك مين .. ولا الشياطين
صوابعها جريد .. تزغد بالإيد
مناخيرها حديد .. قابّين م البلكونة
والحق يا علي .. يابتاع الزيت

لابسة الكستور .. قالعة الكستور
ماشية مفيش نور .. ركبت حنطور
وإن داسها بابور
إسعاف يا علي .. يابتاع الزيت

واقفة ع الباب .. على رجل الباب
مدهونة بهباب .. ولّعها بجاز
يا واد يا علي .. يا بتاع الزيت
ماتحوش يا علي .. يا بتاع الزيت

[elazf]

الدنيا ح تولع نار


الدنيا ح تولع نار والله الدنيا ح تولع نار اه يا خوفي اخر المشوار

الدنيا ح تولع نار شيكابيكا زي المنشار عمال ألف ليل ونهار مش لاقي حق الدخان
والله الدنيا ح تولع نار اه يا خوفي اخر المشوار

الحزام راح يا دوب مش لاقي اجيب مركوب عثمان خلاص راح ياكل طوب
والله الدنيا ح تولع نار اه يا خوفي اخر المشوار

كان عندي مركوب عنابي خرجت اتفسح ويا صحابي أه من الهوي يا ناس يا خرابي
والله الدنيا ح تولع نار اه يا خوفي اخر المشوار


********


آه يالالي يالالي يالالي


آه يالالي يالالي يالالي يابو العيون السود يا خللي
آه يالالي يالالي يالالي خليك على كيفك تمللي
يا عيني يالالي يا روحي يا لالي يا سيدي يلالي
آه آه .. يا سلام .. آه آه .. يا سلام .. آه آه .. آه يالالي

وطلعت فوق السطوح والناس لا تدري رأيت بنت الجيران على السطوح تجري
ضميتها ضمة العاشق على صدري قالت لي عيب يا فتي ليسمعوك أهلي
ليسمعوا رنة الخلخال فى رجلي ويدخلوك السجون ويحزنوا قلبي
والسجن سجن الرجال والعار عار أهلي خايف عليك بعد 16 سنة تندم
خايف عليك بعد 16 سنة تندم تنسي شبابك واحبابك وتنساني

طلعت فوق السطوح والسطح وقعني كسر دراعي اليمين والتاني يوجعني

والبنت قالت لأبوها روح يا فاجر زوجتني للفقير وحرمتني التاجر

وطلعت فوق السطوح قصدي أشوف الأحباب لقيتهم سافروا وقفلوا الأبواب
حطيت ايدي على شعري لقيته شاب حطيت أيدي على قلبي لقيته داب
حطيت أيدي على عقلي لقيته غاب ما يغيب العقل إلا فرقة الأحباب

طلعت فوق الجبل أشكى الهوي لله لقيت شيخ عالم يقرأ فى كتاب الله
سند الكتاب من يمينه وألتفت قاللي الأوله بنت عمك انا قلت حد الله
والتانيه بنت خالك انا قلت لا والله و التالتة بنت جارك سميتها باسم الله

يا رايحين لحلب حبي معاكم راح يا محملين العنب تحت العنب تفاح
كل حبيبه بجنبه وانا حبيبي راح يا مين يجيب لي حبيبي ع الفراش يرتاح

وطلعت فوق الجبل كل البلاد بانت رأيت بلد حبيبي ودمعتي سالت

دخلت جوه الجنينه عيط الياسيمن والسيسبان أشتكي والورد قال دا مين
قال العنب افتحوا دا العاشق المسكين اللي انكوي من الغرام ماشي شمال ويمين

وطلعت فوق الجبل قصدي اودعهم لقيتهم سافروا والريح متبعهم
أمانة يا ريس الغليون ترجعهم تجيب حبيبي فى أيدي والباقي وصلهم


********




الله يعين الصابرين


آه يالدانه .. يالدانه والله آه يالدانه حنن قليب العاشقين
آه يالدانه .. يالدانه والله آه يالدانه الله يعين الصابرين

ياعيني لاتبكي ندامة والله آه يالدانه كتر البكا مش راح يفيد
داالصبر مفتاح الفرايج والله آه يالدانه الله يعين الصابرين

أسمر سلب عقلي وروحي والله آه يالدانه الأبيض يزودني جراح
ما تحن يا قلبه عليا والله آه يالدانه الله يعين الصابرين


انت الذي عزمتني والله آه يالدانه وعلي فراشك خنتني

ياريت قلبي دلني والله آه يالدانه انك عليقتلي نويت


قال واسمعوا يا أهل المدينة والله آه يالدانه علي حادثة جرت في البلاد
ع الصاحب اللي قتل صاحبه والله آه يالدانه عند الدفاتر والحساب



********




طلياني يا واد طلياني وحبيبي راح ولا جاني
وحبيبي عايز ملبس .. ومنين اجيب ملبس
باب السجن متربس .. وعليا وعلى أعدائي
وحبيبي عايز ترتر .. ومنين أجيب له ترتر
باب السجن مسنكر .. وعليا وعلى أعدائي

يا بتاع النعناع يا منعنع يا بتاع النعناع يا واد أنت
يللا بينا نروح على مصر وألبس لك موضة العصر
وأنا وانت ف شوارع مصر بنتعلم زرع النعناع
يللا بينا نروح اسيوط والبس لك موضة مظبوط
وأنا وأنت نلف في اسيوط بنتعلم زرع النعناع

[elazf]

يا تري الأيام تعود لنا

يا طالعين يا طالعين القصر لفوق يا نازلين يا نازلين سلمولي

على غزال على غزال وعيونه السود هو السبب هو السبب فى اللي جرالي

يا تري الأيام تعود لنا يوماً والمنزل يجمعنا

شق الجبل شق الجبل وأنظر ما فيه وامشي على وامشي على الشوك حافي
ومنين ماراح ومنين ما راح البخت ماشي مشيه معاك مشيه معاك ع الخسارة
يا تري الأيام تعود لنا يوماً والمنزل يجمعنا

ولا يعجبك ولا يعجبك شاب شملول يمشي يطوح يمشي يطوح فى كمه
أكله وشربه أكله وشربه يا ناس من السوء والهم كله والهم كله على أمه
يا تري الأيام تعود لنا يوماًوالمنزل يجمعنا

يا بيض يا بيض يا بيض يا بيض يا صباح الخير يا سمر يا يا سمر يسعد مساكم
أنا بمسي أنا بمسي وبصبح لأن خلي لأن خلي وياكم

يا تري الأيام تعود لنا يوماً والمنزل يجمعنا

ايا تري الأيام تعود لنا يوماً والمنزل يجمعنا

***********

أول كلامي

أول كلامي المسا ليكم ياللي ما شفتش زيكم من بدري بسعى وبجيكم
وانا فى الغرام ماشى ويا النظام ماشي زي القطر القشاشي

انا واد حدقه انا واد بلدي اخد معايا الواد عنتر
ماسك له جوزه وبيكركر نفسها احلي من السكر
خدلك نفسين ع الماشي اشرب يا حشاشي

انا واد حدقه انا واد مجدع اخد عصايتي على دراعي
أخش بيها اجدع حته أخد فى وشي أتخن سته
وأضرب نفرين ع الماشي ويا الغضب ماشي

***********

برهوم يا برهوم

برهوم يا برهوم يابوزيد هلال
تحت التاج هلال منور نور علينا اي والله نور علينا

برهوم يا غالي يا ثروتي ومالي
حبك يحلالي يا حبيبي حبك يحلالي

برهوم يا محبوب ابعت لي مكتوب
قلبي فيك بيدوب يا حبيبي قلبي فيك بيدوب

برهوم فى العالي والعالي الله
لأدبح جوز حمام صغير واعزم خلق الله اي والله واعزم خلق الله

برهوم يا حشاش يابو جوزه نحاس
ولع و أدي الناس يا حبيبي ولع و أدي الناس

***********

سلام يا سلام يا كريم توبه

سلام يا سلام .. يا كريم توبه سلام لله .. يا كريم توبه
خلاص راح أتوب .. من دي النوبه

يا طيبين الأصول يا أعز من ناسي .. غايب انا عن جمعكم لكني مش ناسي
وجنة الخلد من غيركم ما تنداسي

أصل الزبيب من العنب والطمي من نيلي .. مشغول بمحبتك ولا يوم تهنيني
ياللي انا الورد وانت الماء بتسقيني .. ان غبت دبلت انا وإن جيت بتحييني

يا طالعين الجبل يا نازلين اتنين .. ما فات عليكم جدع أسمر كحيل العين
طرف شاله يغني للهوي يا زين .. والطرف التاني يسأل بيت الحبايب فين

[elazf]

أغنية فكاهية من أغاني الضمة وغالباً اللي غناها هو الصحبجي " محمد عثمان ود النجي" وهي بلهجة اهل النوبة عندما يتكلموا عربي مكسر ويتم غناها بنفس اللهجة إلى الأن اسمها " علشان جريكو"

علشان جريكو

علشان جريكو .. علشان جريكيه
علشان جريكو .. داوري ( دوغري ) يا سلام
ودي هاجه ( حاجه ) جنان .. وارجصي ( ارقص ) يا بهيتة ( يا بخيت ) ويا عثمان
عشان جريكو .. وعشان جريكيه

لك فرمة جنان .. بعيون أزلان ( غزلان)
فى جمالك مين .. مين يا سلام
علشان جريكو .. علشان جريكيه

الشفايف سكري .. والهدود ( الخدود ) عنبري
ودي هاجه ( حاجه ) تهلي ( تخلي ) العمر يطول

عشان جريكو .. وعشان جريكيه

هم همم هامي هم همم هامي

هم همم هامي تم تمم تامي
تم تمم تامي تم تمم تامي

اللي سودانية .. واللي هبشية ( حبشية )

يا هوانم ياولاد الهبش ( الحبش ) .. سودانية وجاية من الهبش

الهظوظ ( الحظوظ ) يا عمنا .. هاجة لازج ( حاجه لازق ) فدمنا

هنعيد الهظ ( الحظ ) من تاني
عشان جريكو .. وعشان جريكيه

محمد عثمان النجي .. الحمد لله انه جيه

مرة أكل هتة ( حتة ) منجولة .. مش عارف إزاي معمولة

هليته ( خليته ) ماشي مستولة ( مسطول ) .. الحمد لله انه جيه

الدنيا هتولع نار .. وبهيتة ( بخيت ) زي المنشار
والله الدنيا هتولع نار .. وبهيتة زي المنشار

عمال ألف انا ليل ونهار أنا مش لاجي هج ( حق ) الدخان
و الله الدنيا هتولع نار .. طب وبهيتة ؟ زي المنشار

كان عندي مركوب عنابي أنا كان عندي مركوب عنابي
أنا رحت اتفسّه ( أتفسح ) ويا اسهابي ( اصحابي )
أهمن الهوي يا ناس يا هرابي ( خرابي )
و الله الدنيا هتولع نار .. وبهيتة ( بخيت ) زي المنشار

الهزام ( الحزام ) راه ( راح ) يدوب .. مش ارف ( عارف ) أجيب مركوب
عثمان خلاص راه ياكل توب ( طوب )
والله الدنيا هتولع نار .. وبهيتة زي المنشار

بكره الهرب تروه يا أهوانه ( بكره الحرب تروح يا اخوانه )
بكره بلادنا تصبه ( تصبح ) جنه
الهرب تشقلب أهوالنا ( الحرب تشقلب أحوالنا )
والدنيا هتولع نار .. وبهيته زي المنشار