تحليلات سيادة الرئيس ـ أبو على

**حسن كشك** · #1 04/07/2010, 02h26

وكمان اعيد لذكرياتكم .... السلام الوطنى فى ختام الارسال
للواء / محمد عبد الوهاب

**حسن كشك** · #2 04/07/2010, 02h55

وكمان صورتين لمذيعتين ( رحمهما الله )
أكيد فاكرينهم

أمانى ناشد

سلوى حجازى

بس مالاقتش صورة ( ماما سميحة ) مقدمة برنامج جنة الاطفال
فاكرينه يا اطفال

**ثومة 72** · #3 04/07/2010, 07h35

ايه يا عم حسن ايه الروائع دى يا اسد الاسماعيلية

بجد صور تحفة للمذيعة امانى ناشد والمذيعة سلوى حجازى رحمهما الله وغفر لهما

وحلوة حكاية الصور بتاعة التلفزيون لحدى ما يفتح الا ما كنتوش بتزهقوا وتملوا من الصورة دى كل يوم ؟؟؟

**حسن كشك** · #4 05/07/2010, 13h24

اقتباس:

المشاركة الأصلية كتبت بواسطة ثومة 72

ايه يا عم حسن ايه الروائع دى يا اسد الاسماعيلية

بجد صور تحفة للمذيعة امانى ناشد والمذيعة سلوى حجازى رحمهما الله وغفر لهما

وحلوة حكاية الصور بتاعة التلفزيون لحدى ما يفتح الا ما كنتوش بتزهقوا وتملوا من الصورة دى كل يوم ؟؟؟

نزهق ازاى ... دا احنا كنا مدمنين للصوره دى ... وكنا نفتح التلفزيون قبل ما تظهر الصوره كمان ونستمتع ب ( وششششششششششششش ) والنقط السوداء والبيضه اللى كانت بتملا الشاشه بدون ارسال ونتخيلها مليون حاجه .... ياثومه التلفزيون كان بيفتح الساعة 6 ويقفل الساعة 9.30 او 10 بالكتير اوى وقتها ....
طيب ها اقولك حاجه .
جمال عبد الناصر فى بداية دخول التلفزيون مصر .... كان هناك طرازان اول دخولهم مصر
تلفزيون (PYE) هولندى تقريبا وكان 17 بوصة وكان كله مصنوع من البلاستيك والناس بتخاف يسيح من الحراره فكانوا بيقفلوه كل مده عشان يبرد وتلفزيون ( Toshiba ) وكان يابانى 15 بوصه وكان الهيكل من الصاج ومكانش مطلوب اوى عشان يابانى الصنع ( تصورى ) وكان سعر التلفزيون حوالى 70 الى 75 جنيه مصرى وكان يعتبر سعر غالى مايقدرش اى حد كتير يشتريه فى مصر وكان بيتباع بالحجز ....
فجمال عبد الناصر نزله للناس بالتقسيط ... تقريباً مقدم 20 جنيه اواقل والباقى على دفعات خمسه جنيه فى الدفعة ... وبرضوا عشان الناس اللى مايقدروش على التقسيط ... قام جمال عبد الناصر بتكليف وزارة الاعلام ( الارشاد تقريبا وقتها ) بعمل اكشاك كبيره فى الميادين والحدائق ويتم وضع جهاز تلفزيون فى واجهتها ... والناس تتلم بكراسيها فى الحدائق والميادين عشان تتفرج على التلفزيون فى ساعة العصارى الجميله . وكانت الاكشاك منتشره فى كل مصر
...
واحنا عندنا فى العيله ... كان ابن عمى الكبير بيدرس الطب فى المانيا الغربية وقتها .... وقام سنه 1959 بشراء جهاز تلفزيون وارساله الى والده ( عمى ) وكان من طراز (Grounding ) ... وكنا نروح بيت عمى ونفتح التلفزيون ونتفرج على الوشششششششششش لأن مكانش فيه ارسال تلفزيونى وقتها فى مصر ....ومكناش مصدقين ان البتاع ده ابو شاشه زجاج غامقه ممكن نشوف فيه المذيعين والافلام ....
أيام .....كانت جميله

**ثومة 72** · #5 05/07/2010, 23h07

نزهق ازاى ... دا احنا كنا مدمنين للصوره دى ... وكنا نفتح التلفزيون قبل ما تظهر الصوره كمان ونستمتع ب ( وششششششششششششش ) والنقط السوداء والبيضه اللى كانت بتملا الشاشه بدون ارسال ونتخيلها مليون حاجه .... ياثومه التلفزيون كان بيفتح الساعة 6 ويقفل الساعة 9.30 او 10 بالكتير اوى وقتها ....
دا انتو كنتو مدمنين جاااااااااااااامد وبتقعدوا تحلموا كمان يا عينى عليكم والله عينى باردة ماشاء الله راحة البال ... ربنا ينولهالنا يا رب
طيب ها اقولك حاجه .
جمال عبد الناصر فى بداية دخول التلفزيون مصر .... كان هناك طرازان اول دخولهم مصر
تلفزيون (PYE) هولندى تقريبا وكان 17 بوصة وكان كله مصنوع من البلاستيك والناس بتخاف يسيح من الحراره فكانوا بيقفلوه كل مده عشان يبرد وتلفزيون ( Toshiba ) وكان يابانى 15 بوصه وكان الهيكل من الصاج ومكانش مطلوب اوى عشان يابانى الصنع ( تصورى )؟؟؟ حاجة غريبة مع ان اليابانى دا قوى ولا بسيح ولا بدخن له سجارة تلفزيون محترم نفسه واللى حواليه....
وكان سعر التلفزيون حوالى 70 الى 75 جنيه مصرى وكان يعتبر سعر غالى مايقدرش اى حد كتير يشتريه فى مصر وكان بيتباع بالحجز ....
فجمال عبد الناصر نزله للناس بالتقسيط ... تقريباً مقدم 20 جنيه اواقل والباقى على دفعات خمسه جنيه فى الدفعة ... وبرضوا عشان الناس اللى مايقدروش على التقسيط ... قام جمال عبد الناصر بتكليف وزارة الاعلام ( الارشاد تقريبا وقتها ) بعمل اكشاك كبيره فى الميادين والحدائق ويتم وضع جهاز تلفزيون فى واجهتها ... والناس تتلم بكراسيها فى الحدائق والميادين عشان تتفرج على التلفزيون فى ساعة العصارى الجميله . وكانت الاكشاك منتشره فى كل مصر
...(عايزنا نرجع زى زمان ... قول للزمان ارجع يا زمان)

واحنا عندنا فى العيله ... كان ابن عمى الكبير بيدرس الطب فى المانيا الغربية وقتها .... وقام سنه 1959 بشراء جهاز تلفزيون وارساله الى والده ( عمى ) وكان من طراز (Grounding ) ... وكنا نروح بيت عمى ونفتح التلفزيون ونتفرج على الوشششششششششش لأن مكانش فيه ارسال تلفزيونى وقتها فى مصر ....ومكناش مصدقين ان البتاع ده ابو شاشه زجاج غامقه ممكن نشوف فيه المذيعين والافلام .... ههههههههههه اضحكتنى (ابو شاشة غامقة) اضحك الله سنك وقلبك يا عم حسن هههههه
ههه
أيام .....كانت جميله

[/QUOTE]