فن النميم

**ابو شنب** · #1 24/06/2010, 18h14

[QUOTE=خالد اسوانى;446165]اليكم دور قديم من قول ابو حسن العقباوى ***
بس مقفول
وعايز اشوف مين حيقدر يفكو
قلت اشوف التين الغلّب الناس جنو
لابس توب حرير غلّب الناس جنو
لما سمعوا بية غلّب الناس جنو
واول ما اروة غلّب الناس جنو

[/
مرحب مرحب ابشر ابشر حياك الله والله
دور جميل جدا بس انا ممكن افكوا بعون الله

قلت اشوف التين الغلّب الناس جنو يعنى جنية وقطفة وقطعة
لابس توب حرير غلّب الناس جنو مش عارفها بصراحة
لما سمعوا بية غلّب الناس جنو يعنى أتو وجاين يشوفوا
واول ما اروة غلّب الناس جنو يعنى جنوا وفقدوا عقلهم
والله بيت تقيل وجميل بس بيتهيالى والله اعلم ان الدور دة اللى قالوا احمد الامين ريحان مش ابو حسن لانى سمعتوا قبل كدة فى ليلة قديمة وهحاول ارفعها ان شاء الله والف الف شكر لخالد الاسوانى على مشاركاتة الجميلة ونتمنى المزيد خاصة ليالى الفيدو عشان نتعرف ونشوف الفنانين الجميلين والسلام عليكم
والدور دة مقفول والفنان الى يفتحوا ويفكوا :
غزلان سومرن ومسكن طريق جبلاهن
والصياد عنود خفى الاتر جا بلاهن
قلت سافر يانسيم جيب لى خبر جبلاهن
اول روحى المال والبنون جا بلاهن

**ابو شنب** · #2 24/06/2010, 22h33

السلام عليكم ورحمة الله وبركاتة
اقدم لكم الجزء الثالث من اروع ما قيل فى النميم
بيقول الفنان الليثى:
اسمع يابوحسن انا افهمك مشروح
واسباب مابميل ومنى القليب مجروح
بالله ابتسم لما تاجى حدانا تروح
علشان بسمتك فيا بترد الروح

ولاكدب اللى قال الحب كلة فنون
عليل نزل الفراش مالاقى جنبة حنون
تعالى طلى علية يا أم حواجب نون
مين غير حالتة لاعاقل ولا مجنون

عشان دهب الجميل فتحوا ليها مغارة
وفتحوا الكنز ليها الرصدة عامل غارة
وعلشان الغويش فاتحين هرم سقارة
وفص الخاتم الى فى صباعها يغنى فقارة

باقول يارب باب القبول افتحلى
وبوصف فى حبيبة قلبى لو تسمحلى
ندادك عجزن وكل مابتكبرى تحلى
عسل وكلك عسل وبيتكم خلاية نحلى

وبيقول الفنان الكبيرابوحسن:
حجروك الاهل ومالقيت حنون مراقك
تكتبى بالقلم وتراسلين باوراقك
اذا تبسمت من بين السنون براقك
وشوفتك جنتى ونارى بتزيدها فراقك

كداب الى يقول الخولى يضمن روحوا
لابد ياجى يوم يتعد فية مجروحوا
وجابوا القايمة لية الخبرا ياجوا ويروحوا
خوف النحل يمتص الرحيق فى طروحوا

الليثى اخوى فى وصفتة معدومة
ومين يقدر يقول ورد البساتين دومة
وزى قدم الحمام دوما محنى قدومة
ويقدل فى خلق ودوما يليق فى هدومة
والسلام عليكم ورحمة الله وبركاتة

**ابو شنب** · #3 24/06/2010, 22h46

السلام عليكم ورحمة الله وبركاتة
السلام موصول للجميع وخاصة للاخ عيد سلطان وابن الفنان خالد اسوانى
اما بعد انا انهاردة جايب ليكم ادوار مقفولة والفنان والناصح الى يفكها
بيقول الفنان الكبير الليثى:
نفسها زى عبير ريحة المسك منتانى
انا قلت لية لما كان عالسرير منتانى
انا لما اريتك فقدت العقل منتانى
انت الى اخدتة منى وانا اتهم منتانى

وبيقول فنان تانى مش عارفة:

فى بحرهم غرقون ماوصلت انا لبراهم
وتعبونى الدكاترة من كتر الغز لبراهم
وجروحى تفتحت لا نفعت حقن لبراهم
والنار الى فى قلبى مثل ال ولعت لابرهم

**ابو شنب** · #4 24/06/2010, 22h51

السلام عليكم
الاخ خالد
ذكرت الفنان شحات اسطورة المالكى نرجو التوضيح
وعايزين نعرف مين الفنان دة الى انت قلت علية اسطورة
وعايزين تاريخة لو سمحت وشكرا ليك تانى

**خالد اسوانى** · #5 26/06/2010, 18h05

الفنان شحات كان من اهل النميم فى الماضى ولية ادوار قليلة فى النميم بس الدور اللى كان يجيبوا كانوا الجماعة ياخدوا سبوع يفكوا فية
ومن نوادرة انه كان بيزور صديق لية
ولما بت صديقة سألتة اقول لبويا مين عايزة
قال ليها شحات
وراحت البت لبوها وقالت لية واحد شحات بره عايزك
راح رد عليها بدور بيقول
انا شحات انا ما شحات اسم الكريم شحات
انا اسلف البنك لما تبقى فية الفلوس شاحات
وبنك ما بمضى لية يقضى حياتة بين البنوك شحات
*ولكن مش فاكر القفلة بصراحة

**ابو شنب** · #6 29/06/2010, 14h04

السلام عليكم
جايب ليكم جزء من حفلة قديمة لعمالقة النميم
الفنان احمد الامين والفنان ابوحسن والفنان الظريف الله يرحمهم جميعا

**ابو شنب** · #7 29/06/2010, 14h15

السلام عليكم
اقدم لكم بداية الليلة التى جمهت بين الفنانين الكبيرين الزعواط وابوحسن الله يرحمهم
وهى الليلة الوحيدة المسجلة لعوض الله الزعواط اللى قدرت اجيبها وان شاء الله اجيب تانى بيقول فيها الزعواط:
الليلة الكيروان حسة الحنون سمعنا
وياعبد الكريم القول صريح لية معنى
باقول الليلة دى عند العرب اجمعنا
عايزين الى يجلس جنبنا ويسمعنا
ياسلام يزعواط الله يرحمك ويحسن اليك

**elazf** · #8 15/07/2010, 06h54

بقدر الأمكان هحاول اترجم الابيات دي

فى بحرهم غرقون ماوصلت انا لبراهم غارق فى بحورهم ما وصلت لـ بر هم ( يعني للبر بتاعهم )

وتعبونى الدكاترة من كتر الغز لبراهم تعبت من الدكاترة و غز ابرهم ( أبر الحقن )

وجروحى تفتحت لا نفعت حقن لبراهم جروحي مفتوحه والحقن ما برتهم ( يعني ما شفيت من الحقن ولا شفيت جروحي )

والنار الى فى قلبى مثل ال ولعت لابرهم النار اللي فى القلب زي النار اللي اشعلوها لسيدنا ابراهيم

**ابو شنب** · #9 15/07/2010, 18h18

السلام عليكم
جميل ياخ ابومنى الى انت كاتبه وجايبه من فن النميم ومحاوله جميله منك انا احيك عليها
وشد حيلك شويه معانا وهات من فنك كمان وكمان
بس لى تعليق بسيط وتصحيح لهذه الابيات

امبارح العصر خرجت من حلة الكشاف (من وادى او ملقة الكشاف ودة اسم قريه فى النوبه)
كيف اوحل انا والارض تحتى نشاف (كيف امشى فى الوحل والارض تحتى ناشفه من المياه)
جوز الخدود برتقال جوز العيون كشاف
يابخت الى ارى وياحسرة الى ماشاف

وليك الابيات دى هديه منى :

ومريد زار المريض فى ضلمه والنور ضوه
بيقوله اهوى ليك وهوانا يديك قوه
قاله لا لا لا تهوى ياذى الخوه
لتنشف عرقى بره وتولع النار جوه

بيقول الليثى :
عمره ماوقف لزول ولا خاطاه
عند الجد يقيف والحد ما بيخطاه
اتقدم مشى وشالها ونقلها خطاه
فرد شعره الطويل لحق الكفل غطاه (الكفل اى الخصر او الوسط )

**ابو شنب** · #10 15/07/2010, 18h27

السلام عليكم
سلام للاخ العازف
محاوله جميله منك وانت فكيت 90% من الدور
بس البيت التالت مجيبتوش بالظبط وان كنت جبت معنى جديد للبيت ويمشى برضه

وجروحى تفتحت لا نفعت حقن لا براهم (اى لا نفعت الحقن ولا البراهم للجروح )
وشكرا ليك تانى وكالعاده ليك دور منى هديه لمشاركتك الجميله
وكل مهتشارك هاديك دور هديه منى
وبما انك بتحاول تفك الادوار المقفوله ليك الدور ده حاول تفكه :

اريتها فى المنام لابسه توكه شقايق
وعليها بدور لا خليت اوض لا شقايق
قلت اوقفى كلمين قالت يقسمونى شقايق
اعمى ولا بتشوف شرقيك تلاته شقايق
وشكرا ليك تانى