الشاب الفنان الراحل امحمد بن زرقة
في الأغنية التي أعادها الشاب خالد فيما بعد
انسى الهم يا قلبي
انسى الهم ينساك يا قلبي
بوح بالسر ما تخليهش مخبي
بالفرح يولو لحزان
***
علاش بيك راك تتربل
تحيَّر فكري وفيا تفشل
ربي يهديك دواك ساهل
انسى الهم ينساك
ان شاء الله تبرا وتستعقل
تسعد ويدوم هناك
***
انسى الهم ينساك يا قلبي
بوح بالسر ما تخليهش مخبي
بالفرح يولو لحزان
***
ربي يفرج ويجو ليام
هذي الغبينة مثل الغيام
يصحا حالك يروح الظلام
اسمح للي عاداك
آخرته يرجع ويعود في ندام
الصبر خيار دواك
***
انسى الهم ينساك يا قلبي
بوح بالسر ما تخليهش مخبي
بالفرح يولو لحزان
***
تعرف هذي الدنيا مرة
ساسها مبني على الغدرة
تطلع واحد لاخر عرة
اشتهى لكل هلاك
واحد غاني في الحين يتعرى
اتدور وتقلب لفلاك
***
انسى الهم ينساك يا قلبي
بوح بالسر ما تخليهش مخبي
بالفرح يولو لحزان
رد: الفنان الراحل امحمد بن زرقة رحمه الله
العرض المتطور
