الورد .. وأعمال أخرى

[ممدوح محفوظ]

نَصَحتك يا ورد و انا مِين الى يِنْصَحنى
تِشُوف الدُنيا بين النَاس وتلمَحْنى
دِ الدنيا حِلوَه ليه تِحْبِس عبيرك ليه
فيها الدَوى للشَباب والى عَجُوز مَحْنى...ء

[ممدوح محفوظ]

احبابك كِتير يا ورد يَابُو الجِفون نَايمين
وصَفوك بِمَغنَى وشِعر يا فُل يا ياسمين
داوى بِعِطرَك وِ وَاسِى كُل قلب عَليل
الكل عُشّاقك ... وحُبك إنت لِمِين ...ء

[ممدوح محفوظ]

يا وَرد فيك المَعانى للصُحْبه والعُشَّاء
تِفْشِى للحَبيب سِره و تُنشُره لو شَاء
مِ الصَاحِب لصَاحْبُه مَوَده والمَعانى كِتير
كلامَك دَ شِعر وزَجَل وباقِى الكلام إنْشَاء ...ء

[ممدوح محفوظ]

انا صاحب الوَرد و كُل الوَرد دَ وردِى
سايِق دَلالُه وجَمَالُه عَ الخُدودْ وردِى
تِسألنِى يا وَرد ليه الحُب و الاشواق
سؤالك عَبيركْ أما فِ الزَجل رَدِى ...ء

[ممدوح محفوظ]

الحب يا وَرد زَى المَيَه للازهار
فراشه رقِيقه تِبوس قَلبك تِخَليه نار
سُهَّار يا عَاشِقين ويا القَمر هايمين
و الى ما حَبْ دِبِلْ وِ عَ الغُصُون يِنهار ...ء

[ممدوح محفوظ]

ظالم حَبيبك وعَامل فى الغرام إشكال
دَ الورد حَبَك و إداك مِ الغرام أشكال
الحُب فِ الوصل و اللُؤيا رِضَى و مَنَال
مِين حَب نَال اما الجَافى عُمره مَ نَال ...ء

[ممدوح محفوظ]

الى قَرارُه فْ إيدُه يهدِيه للطَريق وخَلاص
و الى على الأسر راضى ما يلائى لذله خلاص
و هى الدُنيا كِدَه يا تسُوقها يا تسُوقك
تلاعِبها حَ تلاعبَك ومَ يفيدَك سِوَى الإخلاص ...ء