طلب موسيقى فيلم - الصفحة 4

**محمد احمد احمد** · #1 23/05/2011, 00h57

ازيكوا يا جماعه
حد يعرف موسيقي التصويريه لفيلم النمرود بتاع فريد شوقي موسيقي حلوه اوي وبسمعها كتير في افلام زمان بس مش عارف ايه هي
تاني طلب برضو فيه موسيقي كانت في مقدمة فيلم ابن حميدو وهي دلوقتي معموله علي موجه كوميدي بريميكس حلوه اوي لو حد يعرف يجبها
وشكرا مقدما

**Omnia1989** · #2 02/01/2012, 08h53

سلام عليكم
أنا كنت عايزة الموسيقى التصويرية بتاعت فيلم "شيانى و أشيلك" بتاع محمد عوض
الموسيقى التصويرية للفيلم لشعبان أبو السعد
أنا دورت عليها كثير بس دايماً تطلعلى الأغنية بتاعة الفيلم اللى مالهاش علاقة بالموسيقى التصويرية
أعتقد ان الموسيقى مقتبسة من مقطوعة عالمية، لانها كانت الموسيقى بتاعة علبة الذهب
و شكراً

**محمدعبدالرحيم** · #3 05/12/2012, 13h20

اقتباس:

المشاركة الأصلية كتبت بواسطة زين محمد زين

الي اجمل واقيم منتدي والي اصدقاء المنتدي المحترمين اصحاب الزوق الرفيع اتمني حد يرد عليه بالهديه الي انا بدور عليها بقالي فترة وهي موسيقي تصويريه موجوده في فيلم قديم كان بتاع شكري سرحان وماجدة لما خلته يدخل مدرسة اطفال عشان يتعلم وهو كان نجار وكانت هي من عيلة اعظمه باشا كانت موسيقي بين المشاهد هي موسيقة مرش بس مفيش مثلها اظنها كانت تميل شويه علي الروماني وشكرا لكم جميعا

الموسيقى المقصودة هى موسيقى اجنبية مقتبسة من السوند تراك الخاص بالفيلم الايطالى The Naked Maja

**زين محمد زين** · #4 04/05/2013, 21h56

اقتباس:

المشاركة الأصلية كتبت بواسطة محمدعبدالرحيم

الموسيقى المقصودة هى موسيقى اجنبية مقتبسة من السوند تراك الخاص بالفيلم الايطالى The Naked Maja

مشكور

**alwkeel2002** · #5 25/09/2010, 13h20

براحة انا اشكر كل القائين على المنتدى الجميل
كما ان لى طلب لو سمحتم انا عنى موسيقى كانت فى فيلم اجنبى و مش عارف اسمها ايه هى فى الحقيقة مصحوبة بغناءو كانت تذاع فى الراديو المصرى فى محطة الشباب و الرياضة

**wael181976** · #6 03/10/2010, 16h23

اقتباس:

المشاركة الأصلية كتبت بواسطة alwkeel2002

براحة انا اشكر كل القائين على المنتدى الجميل
كما ان لى طلب لو سمحتم انا عنى موسيقى كانت فى فيلم اجنبى و مش عارف اسمها ايه هى فى الحقيقة مصحوبة بغناءو كانت تذاع فى الراديو المصرى فى محطة الشباب و الرياضة

-----------------
هى المقطوعه الموسيقيه دى مكانتش بتجيى على الشباب والرياضه دى كانت تتر الموسيقى لبرنامج بيجى على اذاعه البرنامج العام اسمه الجريده الناطقه وبجد دورت عليها كتير جدا ومعرفتش اسم الفرقه ايه او اسم المقطوعه الموسيقيه ياريت لو حد عنده اى معلومه يعرفنى

**wael181976** · #7 03/10/2010, 16h58

هناك مقطوعه موسيقيه كانت تستخدم كتتر لبرنامج على اذاعه البرنامج العام اسمه الجريده الناقطه
اتمنى ان يفيدنى اى شخص عن اسم المقطوعه الموسيقيه

**alwkeel2002** · #8 04/10/2010, 16h32

اقتباس:

المشاركة الأصلية كتبت بواسطة alwkeel2002

براحة انا اشكر كل القائين على المنتدى الجميل
كما ان لى طلب لو سمحتم انا عنى موسيقى كانت فى فيلم اجنبى و مش عارف اسمها ايه هى فى الحقيقة مصحوبة بغناءو كانت تذاع فى الراديو المصرى فى محطة الشباب و الرياضة

لو سمحتم لو حد يعرف اسم الاغنية دى ايه او يقد يفسرلى كلماتها بتقول ايه و انا هدور عليها و دى كانت بتتزاع فى الراديو المصرى فى برنامج الجريدة الناطقة
شكرا

**wael181976** · #9 06/10/2010, 01h31

الصديق الوكيل حاطط ملف فيه اغنيه اتمنى يا جماعه اى حد يقدر يعرفنى حتى كلمات الأغنيه بتقول ايه بالأنجيلزى وانا احاول اجيب اللأغنيه هى على فكره الموسيقى بتاعتها كانت مشهوره جدا فى تتر برنامج الجريده الناطقه على اذاعه البرنامج العام
ياريت حد يقد ر بس يفيدنة ويكتب ولو سطر واحد من كلمات الأغنيه

#10 10/10/2010, 22h14

ممكن لو سمحتوا موسيقى فيلم المتمرد