محمد بلخياطي

**بلخياطي** · #11 23/05/2010, 19h14

أغنية رهيبة جدا للشيخ محمد بلخياطي

من حقي نبكي (الجزء الأول)

من حقي نبكي وحدي غير أنا *** حرموني من الخوخ في وقتو طايب

خدودها كالتفاح مطبوع بخانة *** يا سيدي وشوفو الرجال وما تكسب

الشعور مخبلين زي البستانة *** الشفايف ضراف والعنق يرهب

تحت العنق جبرت حالة مزيانة *** خلقة ربي رخام للعاشق يلعب

زدت شوية صبت رمان الجنة *** آ خاوتي قلعت ذاك الغلاف وبقيت نقلب

هبطت شوية بعد ذاك تسالمنا *** وعمرت زوج كيوس مدتلي نشرب

اشربنا من الغرام حتى روانا *** والقلب لي مريض ثم جبر الطب

ذاك اليوم صعيب كي يوم الفنا *** وبعد وقع الخلاف والقلب مع القلب

نبكو للأرض والسما والكائنا *** الدمعة تبقى تسيل والخد يصلب

كي ترقد الناس في الليل وتهنا *** تبقى تاكل في الفراش وتتقلب

نخاف الجوارين لا يسمعونا *** هذا نص الليل ما هوش المغرب

آ سيادي عقليتها صعبة مرة شينه *** ويحسن عون خليلتي تبغي تلعب

ما نهنا ما نتوب يا حوجي انا *** ولي ذاق الغرام يبقى يتعذب

حسراه على ايام في زهو وقانه *** وما ينفعني لا طبيب ولا طالب

تفكر خاطري جماعة يمينة *** وهذي الفرقة صعبة والله غالب

.... يتبع (الجزء الثاني "ما نهنا ما نتوب")

في الصفحة الموالية رقم 7 أو اضغط هنا

لقراءة كلمات الأغنية كاملة اضغط هنا