أنا و أنتم ليه مصممين نقولها غلط ؟

**صالح الحرباوي** · #1 11/05/2010, 13h44

طيب يا أبو على .... إيه رايك فخامتك اللي بنقوله هو الصحيح ...
.
الأسطوانة (33 لفه أو خلافه) هي شريحة من الأسطوانه العميقة
بسمك رقيق (2 أو 3 ميليمتر .. مثلا)
.
و حسب نظرية الرياضياب الهندسية .. كل شكل مستدير له مساحة وسمك يعتبر اسطوانه ...
أما القرص ... فهو دائرة لها مساحة مسطحة وليس لها سمك .. (وهذا نظري طبعا)
والدائرة .. لها محيط (مستدير) .. بدون مساحة و لا سمك ..

**سيادة الرئيس** · #2 11/05/2010, 17h44

اقتباس:

المشاركة الأصلية كتبت بواسطة صالح الحرباوي

طيب يا أبو على .... إيه رايك فخامتك اللي بنقوله هو الصحيح ...

.
الأسطوانة (33 لفه أو خلافه) هي شريحة من الأسطوانه العميقة
بسمك رقيق (2 أو 3 ميليمتر .. مثلا)
.
و حسب نظرية الرياضياب الهندسية .. كل شكل مستدير له مساحة وسمك يعتبر اسطوانه ...
أما القرص ... فهو دائرة لها مساحة مسطحة وليس لها سمك .. (وهذا نظري طبعا)

والدائرة .. لها محيط (مستدير) .. بدون مساحة و لا سمك ..

اقتباس:

المشاركة الأصلية كتبت بواسطة عادل سيد

بالتأكيد طالما لها ارتفاع تبقي اسطوانه
نهارك فل يا ابو علي

اقتباس:

المشاركة الأصلية كتبت بواسطة Egtpt4eveR

سيادة الرئيس هذا القرص أعتقد اسمه Blu-ray

أما ماذكره الأستاذ الحربوي عن الدائرة فهذا للشرح للتلامذة في حصص الهندسة والرياضيات
وأما ماذكره الأستاذ كُبَّه 01 صحيح أي رَفَعْنا بمعني زيادة أما إذا نطقناها رَّفْعَّنا بمعني نقصان
أما هذة الأسطوانة(القرص المدمج) فهو من نتاج خبرة العلماء والعين متعلاش عالحاجب

وعالأصل دوَّر

لو بتهزروا ماشي

و لو جد يبقى ما ينفعش لأن أسطوانة الفنوجراف إبرتها كانت بتمشي على مسار سطحها إللي بتكون في شكل لولبي ( راجع الصورة ) أما القرص فإبرته بتمشي على مسار مسطح في شكل دوامي

و على أساس ما قلتم ( لو كنتم مش بتهزروا ) أنا أطالب بتغيير إسم أحد فروع ألعاب القوى من ( رمي القرص ) إلى ( رمي الأسطوانة )

**حسن كشك** · #3 12/05/2010, 12h34

يا ابوصلاح
عندنا كمصريين قرصين مقدسين ... من زمان ويمكن من ايام الفراعنه
قرص الشمس
قرص الطعمية
ولن نرضى ان يتشارك معهما أى قرص آخر
ده سبب عدم تسمية الاسطوانه بالقرص

**سيادة الرئيس** · #4 12/05/2010, 17h16

اقتباس:

المشاركة الأصلية كتبت بواسطة حسن كشك

قرص الطعمية

أشكر حضرتك على هذا الرد المدمس

**صالح الحرباوي** · #5 12/05/2010, 19h22

تكلمتو وشرحتو الأسطوانة والقرص
.....
ونسيتو الإبرة ... طيب ما هي الأخرى اسطوانة بشكل قرني ..
أحد جوانبها مساحته صفر ... يعني شوكي
....
الصفر ليس قرص بل هو دائرة
....
ما تلفّوش و تدوروا كثير
ذاكروا كويس ولا حتاخذوا صفر على عشرة
------
وما تنسوش الكبّة (بتاع الخيط) لازمها إبرة عشان تخيّط
-----
دخيلك حبيبي أبو كرم خيّطلهم معنى الكبّة (اللّى معاها صفرين و واحد...)

و ربنا يطوّل العشرة الطيبة

#6 12/05/2010, 19h25

اسمحوا لي بالمشاركة الجميلة دي

فلي وجهة نظر الاسطوانة اسطوانة لما لها من حفر دائرية تمر عليها الإبرة وطبعا الاسطوانة حركتها دائرية يعني بتلف وليس لها حركة غير انها تلف وتدور حول محور ثابت

وماتنسوش الاسطوانة سمكها قل لما عملوها من البلاستيك اللدن واصدرت شركة القاهرة للصوتيات عدد من الأغاني عليها وعندي منها كمان

لكن القرص يختلف صحيح له سمك والا مش حنشوفه بس مالوش لا حفر ولا إبرة طب ليه التسمية دي لأنه شبه قرص الاسبرين عندما نضه في الفم
فالقرص يدخل في جهاز القارئ الآلي بنفس الطريقة سواء في السيارة أو الكمبيوتر يعني من الآخر بيبلعه
بالظبط زي ما نبلع قرص الطعمية

يعني الاسطوانة اسطوانة والقرص قرص ....... مش كدة والا ايه

يعني حنلف وندور على ايه وندخل في الهندسة ومش بعيد القي حد يعمل لها نظرية ومعادلة جبرية عشان خاطر عيوني

**سمر** · #7 12/05/2010, 13h43

اقتباس:

المشاركة الأصلية كتبت بواسطة سيادة الرئيس

لو بتهزروا ماشي

و لو جد يبقى ما ينفعش لأن أسطوانة الفنوجراف إبرتها كانت بتمشي على مسار سطحها إللي بتكون في شكل لولبي ( راجع الصورة ) أما القرص فإبرته بتمشي على مسار مسطح في شكل دوامي

و على أساس ما قلتم ( لو كنتم مش بتهزروا ) أنا أطالب بتغيير إسم أحد فروع ألعاب القوى من ( رمي القرص ) إلى ( رمي الأسطوانة )
[/CENTER]

هاهاهاه و الله مش قادرة اسكت من الضحك. صراحة جواب حلو وفمحله تمام ههههههه

**kabh01** · #8 12/05/2010, 14h08

القرص هو اسم الدلع للإسطوانة .

مثل مصطفى ودرش. بس بالنهاية هو مصطفى

يعني باللبناني بنقول قرص كبّة مش معقول نقول اسطوانة كبّة

قصة كبيرة عم قوللكم! قصة عويصة ولازمها شي مؤتمر قمة على صعيد دولي

اختلفت التسميات و المبدأ واحد مثل الـ
Sphere
و
Ball
و
Marble
و
Globe

كل دول بالنهاية شكلهم كروي وينطبق عليهم قانون حجم الكرة.

فإذا

Cylinder
و
Disc

دول شكلهم الهندسي هو اسطواني و ينطبق عليهم قانون حجم الإسطوانة

بدون الدخول بالتفاصيل المملة

وبس