تاريخ آلة السمسميه فى محافظات القناة

[حسن كشك]

ياكابتن محمود
ياحبيبى مش للدرجه دى
السمسميه فن جميل خاص بينا اهل القناه من زمان اوى
وأنا تقريبا عاصرت كل الفنانين وحضرت حفلات ضمه كتير
وعارف كثيرين من فنانى السمسميه معرفه شخصيه تقريبا
اللى عايش منهم واللى انتقل لرحمة ربنا
وعارف الناس دى أد ايه كانوا عظماء وغلابه ولو احنا ماحافظناش على تاريخهم ... خلاص هايضيع زى حاجات كتير ماضاعت ... وماحدش هايفتكرها فكان هذا الموضوع كنوع من الوفاء لذكراهم وتوثيق لتاريخ بلادنا
وياريت كل واحد عنده ولو اغنيه ... ولو ذكرى ولو موقف لفنانى السمسميه فى بلده .... يسجلها هنا ...وتكون مرجع لتاريخ السمسميه ....
تحياتى لك وشكرا على مجهودك

[حسن كشك]

أغنية البمبوطيه الشهيرة
برضه من الفرقه السويسيه المجهوله بالنسبه لى
إهداء للكابتن محمد العقيلى السويسى
يمكن يعرف حاجه عن الفرقه دى

ملحوظة : اللحن المرفوع هو اللحن التجارى المعروف جداً والشائع لكن اللحن الاصلى ... مختلف كثيراً عن هذا اللحن ... والاغنية الاصلية تبدأ من عند ... قبطان طالع يتمشى... ولحنه ابطأ كثيراً من اللحن المرفوع .... وبه بعض الاختلافات فى الكلمات
سنحاول بأذن الله البحث عنه ورفعه

[محمودالعقيلى]

وصلة حظ سويسى تلت ساعة
للفنان عازف السمسمية سيد عبدالسلام

[حسن كشك]

المشاركة الأصلية كتبت بواسطة alokely

وصلة حظ سويسى تلت ساعة
للفنان عازف السمسمية سيد عبدالسلام

جميل كابتن محمود
وواضخ انها سمسميه معدله وتم اضافات مكبر صوت اليها .... وليست السمسميه ذات الخمس اوتار فواضح من اللحن والمقامات المعزوفه .... انها اكثر من خمسة اوتار بكثير ....لكن الملحوظة التى لم تعجبنى .... انها خرجت بصوتها عن الصوت الجميل الرقيق لأله السمسميه الاصيله الجميل فأصبحت صارخه جداً .... كما ان مجموعة الكورس ... غنت جزء دور آمنت بالله ... والذى سمعناه من المطربه الكبيره ( لور دى ... كاش ) بطريقه اربكت عازف السمسميه .... سيد عبد السلام المتميز .
تحياتى كابتن محمود .... ومنتظرين منك اكثر

[حسن كشك]

قضية فنيه بخصوص السمسميه

ظهرت على صفحات النت اغانى تحمل اسم
السمسميه الجديدة .... او مولد السمسميه الجديدة .... او السمسميه على العود .... او السمسميه على الدرامز
كل هذه الاغانى الهابطة لا تنتمى الى اغانى السمسميه بأى شكل من الاشكال وإنما تزييف لتاريخ واصاله السمسميه الاصيله ... وسأرفع أجزاء من تلك الهوابط هنا للتعرف عليها

[حسن كشك]

فلنستمع الى مايفعلونه
لتشويه فن السمسمية
والاغانى اللى ظهرت فى السوق وكلها بتقول السمسمية الجديدة
والمصيبه ان فيه واحد بيقول على نفسه مطرب
واسمه عمرو حجازى ... من الشرقية
وشوفوا عدم الحياء .... بيهدى اغانيه لابناء الاسماعيلية وقناة السويس
عارفين اغنيته اللى بيقول عليها سمسمية طلعت ايه
الاغنية الهابطة ...
انا عامل دماغ تمام ... مش بانجو ولابرشام
(مزيف رقم 2)
وواحد تانى
بيقول السمسميه على الدرامز واسمه بيسا
وعامل حاجه عبيطه برضه مستوحاه من الاغنية السابقه
(مزيف رقم 3)
وآخر من مدعى الفن ملقاش فن ينتسب اليه الا السمسمية
واستوحى الحان اغنية فات الميعاد وسماها سمسميه
(مزيف رقم1 )
فعلا البانجو والبرشام عملوا فنانين
طيب هما مالهم ومال السمسميه
ها تسمعوا .... ولو لقيتوا صوت يدل ان فيه اله سمسمية ... يبقى عندهم حق
بس خدوا بالكم من ان اله القانون مش هى اله السمسمية
آدى السمسمية اللى عاوزين يعرفوها للاجيال

[محمودالعقيلى]

ودى كمان ياريس حسن

الفنان سيد عبدالسلام

[محمودالعقيلى]

فرقه الطنبوره والسمسميه البورسعيدي
1999
بدرُ أريد

[محمودالعقيلى]

مع الفنان بكر حسن
وعازف السمسمية موسى احمد موسى
الصحبجية

[محمودالعقيلى]

الفنان بكر حسن
وفرقة سيد عبدالسلام
ياما قالو عليك يا لليل