طلبات نوتة

**وائل علوي** · #1 25/04/2010, 22h25

سلام عليكم اخواني
اليكم اغنية زي الهوى من عزفي المتواضع اتمنى ان تعجبكم
تحياتي...................
اخوكم وائل

**وائل علوي** · #2 26/04/2010, 10h17

اقتباس:

المشاركة الأصلية كتبت بواسطة عمرو الهندواى

وائل ازيك

النوتة اللى اعتمدت عليها فى عزف زى الهوى
نوتة غلط اصلاا ومكتوبة وحش اوى ومش صح فى معظمها
وكمان مش كاملة فا ما تتعب نفسك فى عزف النوتات اللى
من النوع دة
استنى يمكن استاذ عادل يكتبها فى يوم من الايام
وساعدتها حتكون كاملة وصح ان شاء الله
كل التحية

عزيزي عمرو ازيك انت؟
معلش اختلف معاك تماما في ان نوتة زي الهوى الي عزفتها غير صحيحة لعدة اسباب منها انت عارفني مبعتمدش على النوتة في كل حاجة بعدين انا عزفتها من زمان مع ناس بيعزفوا سماعي واثق تماما في عزفهم وقبل كل هذا اثق في سمعي انا وعزفوها معايا كلها على نفس المقام يمكن اتفق معاك ان الكوبليه الاخير الي بيقول فيه( طفيت الشمع) مش مضبوط 100% بس النوتة بشكل عام ممتازة-- وانا ايضا قمت بتعديل في صفحة 2 وصفحة 4 عندي على الورق وانا لا اعلم ما هي النوتة التي تقصدها والموجودة عندك هي اغلب الظن نفس الي عندي بس انا عدلت فيها كما ذكرت -بعدين دي زي الهوى يا راجل يعني مش اغنية نكرة يعني لو تسمعها لاي احد ملهوش علاقة بالموسيقى هيقدر يميزها ويعرف مقامها لانها من الاغاني التي تركت بصمة كبيرة عند الناس وفي النهاية وعلى فكرة في حاجة غريبة انت قلتها وهي ان النوتة مش كاملة!!!! انا اؤكد لك بانها كاملة من الالف للياء يعني حتى المقدمة كلها موجودة وهذه نسخة منها
لك رايك واحترمه ولي رايي وانا واثق منه تماما وتبقى الحياة دائما ظلال واضواء
تحياتي .....
وائل

**adib aburuman** · #3 26/04/2010, 16h14

صديقي العزيز وائل
شكراً لك على النوتة وعلى وقتك أقدم لك نوتة تقاسيم عود فريد التي وجدتها. اذا كانت نفس النوتة الموجودة عندك وعندك تسجيل لها ارجو ان ترسلها لي، وايضا اذا في مجال ان تساعدني في العثور على النوتات التي طلبتها منك سابقاً، او اذا كنت تعرف احد ممكن ان يساعدنا فيها. ارجو ان تبلغني.
صديقك الطربان دائماً
أديب
كل الاحترام والتقدير.

**السنباطيي** · #4 28/04/2010, 17h26

الاخ وائل .. عواد المنتدي ....
البرنامج اهو ويا رب يشتغل .. وتسجلنا اليوم اغنية بمناسبة البرنامج .. هو كامل , وكل الي حتتاجة هتلاقية فية وطبعا بعد اذن اخونا عادل . وهو يقولك علي مميزاته اكتر مني
اخوك احمد

**عادل صموئيل** · #5 27/04/2010, 19h32

احبائى
ماتقلقوش لما اغيب عليكم يعنى انا حتى فى اضيق اوقاتى بدخل المنتدى لازم كل يوم اشوف آخر الأخبار ولو اى حاجة سريعة تستدعى الرد برد
اقدم لكم نوتة وحياة عينيك وفداها عينية بناء على طلب الأخ العزيز عاصم المنشاوى
كما اقدمها لكم من عزفى المتواضع
مع اطيب تحياتى

**Anitta** · #6 28/04/2010, 21h56

احب اقدم البرنامج كامل وانا جربتة لاكن الصراحة انا معرفش هو بتاع اية عليان محدش يسال عنة انا كل الانا منزلاة عشانة اني لايتو مطلوب وانا بنزل البرامج من موقع انا متاكدة انو كامل وكمان انا سطبتة ومتاكدة انه كامل

**عادل صموئيل** · #7 29/04/2010, 15h02

عزيزى وائل وكل الاحباء
اقدم لك شرحا مبسطا لكيفية استعمال البرناج فى اولى خطواته
لكن اهم شىء اولا ان تحول المقطوعة من Mp4 الى mp3 او wave باستخدام احد برامج الكونفرتر

**عادل صموئيل** · #8 29/04/2010, 20h10

احبائى
اقدم لكم نوتة
زقزق العصفور صحانى
وهى من طلب الاخ العزيز نور الصباح
واهديها ايضا للمدرسين يعنى اغنية وطنية جميلة ورقيقة وايضا جديدة يعنى مش مستهلكة فى المدارس ( لأن مع الاسف كل المدرسين اللى بقابلهم مش بيحبوا يتعبوا نفسهم وبيعملوا كل سنة الحاجات اللى عملوها 100 مرة قبل كده )
طبعا اهدى هذه الاغنية للأخت العزيزة جوليانا والابنة الموهوبة انيتا ولكل احبائى مدرسى الموسيقى اعضاء المنتدى والذين يكفى انتسابهم للمنتدى انهم من الفئة الممتازة التواقين الى بذل المجهود وتقديم احى شغل ( ومش من الفئة اللى قلت عليها فوق لأن تكرار نفس الاعمال بيخلى مستواهم يهبط ) لكن احبائى المدرسين اللى فى المنتدى انا متأكد ان مستواهم اكيد بيزيد وانا اتشرف انهم يكونوا من تلاميذى
مع اطيب تحياتى

**وسام اكرم** · #9 29/04/2010, 22h20

الاخ العزيز و الاستاذ الفاضل عادل صموئيل المحترم
تحية طيبة و أرجوا أن تكون بألف خي انشاء الله دوما.
أشكرك جدا على النوتة الجميلة (زقزق العصفور صحاني) و هي بسيطة و تصلح لكي تكون درس قيم جدا في تعلم قرائة النوتة للمبتدئين. و لكن لدي ملحوظة بسيطة لوا سمحت حظرتك:
دليل المقام يحتوي على علامة بيمول واحدة على ال(سي) و تم وضع علامة البيمول امام كافة النوتات على درجة ال(مي) في كافة المازورات؟
انا اعدت كتابة النوتة مع دليل مقام يحتوي على علامات الخفض بيمول لكل من ال(سي و الري) و مرفقة مع الملف الصوتي...
مع خالص أحترامي و تقديري
المخلص
وسام اكرم
عزيزى وسام
طبعا انا اشكرك على الملحوظة
ولكن نوعية هذا اللحن ممكن يتكتب بطريقتى وطريقتك يعنى ماتفرقش كتير لن اللحن بسيط لكن فى الالحان ااالاصعب طبعا لابد ان يكون الدليل واحد حتى لو دونه عدة اشخاص وبعدين لاحظ انك قلت ان التدوين سهل جدا ومن اهم علامات السهولة اللى انا عملته يعنى اقل علامات فى الدليل والإحساس بعلامة التحويل اثناء اللحن وعموما على انكور ممكن تغيير الدليل يتم فى لحظة وانا ارفقت لك نسخة على العجم هنا مع النماذج بتاعتك
مع اطيب تحياتى عادل صموئيل

**Anitta** · #10 30/04/2010, 23h18

انا حبيت اجمع كل النوت ال PDF في طلبات نوتة كلها لغايت دلوقتى ورفعتهم على الفور شيرد لانى شايفة انو حلو للرفع ومكان امين نعين فية نوت استاذنا العظيم استاذ عادل ويارب يعجبكم ويارب احاول ماتاخرش في رفع النوت اول باول علشان محدش يحذفها لو سيرفر المنتدى امتلئ على الاخر وممكن اي حد يرفع علية النوت بس ارجوا عدم التكرار علشان المساحة او اي حاجة تانية بس انا مش عاملة كدة عالشان نبطل نخش المنتدى انا عاملة كدة حفاظا على مجهود الاخوة الاعضاء وتعب الاستاذ عادل وارجو ان الرابط ميخرجش خارج المنتدى وانا اطلب من من يستطيع ان يمنع خروجة خارج المنتدى ان ينصحنى للحفاظ على جودة المنتدى لان دة تعب اعضاء المنتدى العظام

الإبنة العزيزة انيتا
اشكرك من كل قلبى لأن شعورك جميل جدا , يعنى اجمل شىء فى الانسان مش انه يستفيد بس ولكن يفيد غيره يعنى تواجد النوت فى اكثر من مكان بيحفظها من الضياع , يعنى حصلت مرة ان احد الاخوة المشرفين ( وتلاقى ده فى اول صفحة من موضوع طلبات النوتة ) هو كانت نيته حلوة انه عايز يخفف الزحمة فى الصفحات انه حاول يحذف الطلبات اللى انا نفذتها من الموضوع عشان تبقى النوت مركزة وعدد الصفحات اقل , لكن الحذف الكتير ده شىء خطير جدا وبيحتاج خبرة عاية فى امور المنتديات ولكن مع الاسف اتحذذف الموضوع كله غصب عنه , فما كان من الاعضاء الاعزاء اللى عندهم النوت اللى اتحذفت انهم ابتدوا كل واحد ينزل النوت اللى عنده يعنى انقذنا جزء كبير من النوت القيمة اللى اتحذفت , وانا عندى مشكلة يعنى انا بدون النوت وبحفظهم على my Documents بس كل عشر ايام بنقلهم على فولد داخلى فى الكمبيوتر وتخيلى خلال سنوات طويلة كم عدد النوت اللى انا دونتها , انا مش بمسح حاجة لكن الملفات الداخلية بنقلها واحفظها على سيديهات بس المشكلة انا عندى مليون سىدى يعنى صعب جدا احاول ارجع لهم لذلك بعتمد عليكم فى استمرار تواجد النوت لمن يطلبها لأن انتم بتحفظوها بطريقة مركزة احسن منى
المهم انا بشكرك من كل قلبى بس اهم حاجة انك انتى تحاولى تحتفظى عندك بكل النوت حتى اللى مش محتاجاها دلوقتى لأن انا بحس انك موهوبة ولسه صغيرة يعنى اكيد بمرور الوقت حاتستفيدى من النوت المحفوظة عندك والمشكلة الاساسية فى النوت الشرقية ان من الصعب الحصول عليها لكن فى اوروبا مثلا النوت الغربية لأى مقطوعة او سيمفونية مالية الدنيا لذلك تلاقى اللى بيحتاج النوت الشرقية بيحاول يحصل على المتاح منها بكل الطرق
مع اطيب تحياتى عادل صموئيل