ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
عجبي عجبي عجبي
عجبي عليك يازمان
ممخليش الواطي واطي
ولا العالي عندو أمان
وعجبي عجبي عجبي
1أبوياسر
يازمان حالك مابسر
ليه بدلت الحلو بمر
ورخصت الدهب الحر
ومخليتش لو تمن
وعجبي عجبي عجبي
2أبودرويش
قاعد في الجنه وأنا مسرور
وجمب مني بنات الحور
ياحاسد منينا غور
جيت للحبايب وأنا عشمان
وعجبي عجبي عجبي
3أبودرويش
الزمان أد اللي مايساويش
خلا الأصيل ساكن في الهيش
أحسن عيشه الحريه وأبدرويش
ولا أحسن اللي ساكن في اللومان
وعجبي عجبي عجبي
4أبوياسر
يازمان دايمآ بتخون
وممشينا علي كل لون
ماتلقاش واحد في المليون
اللي تسق فيه ويأتمن
وعجبي عجبي عجبي
5أبودرويش
زمن خسيس وعديم واجب
خلا الأصيل مبقاش عاجب
الندل ماشي بيتعاجب
والسبع ساكن في اللومان
وعجبي عجبي عجبي
6أبوياسر
زمن داس علي الأصيل دوسا
وبقيت أرزاقو محبوسا
بقينا اللي نقول عليه موسا
يطلع فرعون وهمان
وعجبي عجبي عجبي
7أبودرويش
زمن خسيس وملكش أساس
بتزل ليه في ولاد الناس
الأصيل في العيشه محتاس
والندل زرع منجا ورمان
وعجبي عجبي عجبي
8أبوياسر
يازمان ليك حته سيف
بتزل بيه الأصلا كيف
الفقير محتار في رغيف
والغني تلقي قططو تمان
وعجبي عجبي عجبي
ــــــــــــــــــــــــــــــــــــــــــــــــــ ـــــــــــــــــــــــــــ
كلام المرحوم يحيي وردود أبوياسر وأبودرويش
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
رغــــــــــــــــــــــــم حــــــــــــــــــــــلاوه الماضــــــــــــــــــــي عايـــــــــــــــــــــز
أنســــــــــــــــــــــــــــــــــــــــــــاه
رد: يحـــــــــــــــــــــــــــــــــــــــــيي
العرض الشجري