امثال من الموال والمربعات فى الفن الشعبى

[عبدالكريم فتاح]

ــــــــــــــــــــــــــــــــــــــــــــــــــ ـــــــــــــــــــــ
سهارا الليل أحنا نحب الليل أحنا
ندوب في الليل أحنا مبالي الليل أحنا
سهارا الليل أحنا
1يحيي
الناس علينا يقولو يقولو زي مايقولو
ياريت هما يطولو دا عليه حاسدينا
سهارا الليل أحنا
2يحيي
لفينا فيه وسرحنا لافكرنا ولا حسبنا
وكمان نرضي بنصيبنا واللي مكتوب لينا
سهارا الليل أحنا
3أبوياسر
غيتنا الشعر والأزجال وعشقنا الموال
وسنين علي دا الحال لاكلينا ولا أرتحنا
ولاد الليل أحنا
4أبوياسر
ياما فنانا وفكرنا ورقصنا أفكارنا
هنفضل عايشين لكارنا وربنا يسامحنا
ولاد الليل أحنا
5أبودرويش
لابنكدب ولا بنمثل ولا بنتاوب ولا بنكسل
الناس من العشاء تعسل وأحنا علي محنا
سهارا الليل أحنا
6أبوياسر
مخلصين لهوانا والمجاريح بتهوانا
وبنترجم اللي جوانا كلمه يترجمها لحنا
ولاد الليل أحنا
7أبوياسر
سوامرنا دايمآ جايبه صغار وكبار وشايبه
وتبقا قلوبنا دايبه ولا شكينا ولا بحنا
ولاد الليل أحنا
8أبودرويش
لفينا بلاد بلاد مخلفناش معياد
ونجوم الليل شوهاد عشان محدش يفضحنا
سهارا الليل أحنا
9يحيي
عريسنا يامحلاه جينا نفرح معاه
في الزفه نمشي وراه ونسقف بأيدينا
سهارا الليل أحنا
10أبوياسر
لم نلاقي جهدنا متسرب علي النوم والراحه نقرب
وبس ياجي المغرب يدينا طاقه وشحنا
ولاد الليل أحنا
11أبوياسر
شبنا في الفن كبرنا كشمعه نضوي لغيرنا
لي أفراح الناس عبرنا وأحنا معدوما أفراحنا
ولاد الليل أحنا
12أبودرويش
ياما سهرنا ليالي وقولنا القول الغالي
علي الحال دا طوالي وأدينا صابرين ع المحنا
سهارا الليل أحنا
ــــــــــــــــــــــــــــــــــــــــــــــــــ ـــــــــــــــــــــــــــ
كلام المرحوم يحيي وردودرشاد عبدالعال وأبودرويش ويحيي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
رغــــــــــــــــــــــــم حــــــــــــــــــــــلاوه الماضــــــــــــــــــــي عايـــــــــــــــــــــز
أنســــــــــــــــــــــــــــــــــــــــــــاه