بديعة صادق- 22 أغسطس 1923 - 7 يناير 2010

**emad jm** · #1 15/04/2010, 11h38

[QUOTE=بو بشار;47993]السلام عليكم
احببت ان اضيف بان لها اغنية كويتية اسمها

سلو الكاعب الحسناء

اغنية سلوا الكاعب هي اغنيه كويتيه على ايقاع الصوت الكويتي ملحنها اسمه احمد الزنجباري ومؤلفها الشاعر الكويتي احمد مشاري العدواني رحمهما الله تعالى علما بأن الشاعر هو ممن كتبوا لأم كلثوم وعبدالحليم حافظ ونجاة الصغيره وفايزه احمد ونجاح سلام
وشكرا

**محمود دمراني** · #2 09/05/2010, 07h34

مع هذه الاغنية ضي عنيي للفنانة المتعددة المواهب بديعة صادق ويتميز بنقاءه
سماعاً طيباً

**د أنس البن** · #3 09/05/2010, 08h39

يا أستاذ محمود ألف شكر على الغنوه الجميله واللحن الجميل والآداء الراقى المعبر
رحم الله الست بديعه صادق
يا ريت أختنا بديعه على تسمع الملف ده .. أعتقد انها ح تكون سعيده جدا بسماعه

**محمود دمراني** · #4 05/06/2010, 06h38

ديالوج رائع وجميل بصوت الفنانة المخضرمة ذات الصوت الرائع والمعبر
الفنانة التي لم تأخذ نصيبها من الشهرة وأن كان صوتها في ذاته عنوان الشهرة هذه الفنانة التي رحلت عن عالمنا دون أن تنال ما تستحقه من تكريم وتقدير على عطاء استمر سنوات طويلة من الابداع
الديالوج بعنوان /احنا الزهور/بالاششتراك مع عبد الغني السيد
سماعا طيباً محمود دمراني

**د أنس البن** · #5 05/06/2010, 06h44

الله الله .. كأنها زهور بتتكلم والله يا أستاذ محمود
تعالى يا ست بديعه أحمد على .. إسمعى غنوه جديده للراحله الغاليه
شكرا يا محمود بك .. ألف شكر

**محمود دمراني** · #6 05/06/2010, 06h45

ربيع العمر بصوت الفنانة بديعة صادق
التسجيل موجود سابقاً ولكن التسجيل هذا اوضح و أنقى
سماعاً طيباً
محمود دمراني
_____________________________
التحميلات (94 ) النسخة السابقة أوضح هنــــاااا

**د أنس البن** · #7 21/08/2010, 07h57

عروسة الحب حبوها
"من أغانى زفة العروسه"

بديعه صادق

**بديعه أحمد على** · #8 19/12/2010, 22h45

السلام عليكم و رحمه الله و بركاته اخوانى و اخواتى الاعزاء وحشتونى جدا
دعائى يوميا و فى كل صلاه (رب اغفر لى و لوالدى و للمؤمنين يوم يقوم الحساب - رب ارحمهما كما ربيانى صغيرا - رب وسع قبر امى و ابى و اجعلهما روضتان من رياض الجنه) آمين يا رب العالمين

من فتره ما دخلتش المنتدى الجميل ده خايفه دموعى تخونى و ابكى لكنها لسه معايا بروحها و باحس بيها كل يوم و بتجينى فى المنام و النهارده مش اول يوم تهف عليا وقلت الذكرى السنويه قربت (يوم 7 يناير) تعيشو و تفتكرو

قلت ادخل اشوف الجديد و اتفاجئت بالروائع الجديده تسلم يا اخى محمود على الاعمال الجديده اللى اضفتها لرصيد التراث دى فعلا حاجات نادره و جميله اسعدتنى ربنا يسعدك و يبارك فيك

بالتأكيد دمعت لما سمعت الاغانى الجديده من الفرحه و الشوق لامى اللى يطمنى انها ان شاء الله فى الجنه و نعيمها
و تسلم يا اخى العزيز الدكتور انس وحشتنى فعلا ربنا يباركلك و يديك الصحه و العافيه و يخليك لنا دايما

و بالنسبه للاخ اللى بيسأل عن الاغنيه اللى غنتها الوالده فى فيلم سى عمر بصراحه مش فاكره اسمها هى كانت شكوتها انها اغنيه جميله جدا و طويله و لملحن كبير لكنهم قطعوها فى الفيلم و حطوا جزء صغير منها و الوالده الله يرحمها اتكلمت عن الاغنيه دى عن اسمها و الملحن و حكايتها فى المقابله الصوتيه اللى اجراها معاها منتدى سماعى يمكن اللى يسمع المقابله بتمعن يقدر يلقط اسم الاغنيه و الملحن و قصتها كلها

غنت كمان فى فيلم خاتم سليمان كانت بتزف ليلى مراد (على زكى رستم) و طلعت صوت و صوره فى خاتم سليمان

اللى عنده الفيلم يقدر يطلع الاغنيه و يشوف بديعه صادق جنب ليلى مراد فى الفيلم ده
يا ريت كل اللى عنده نوادر تانيه من تراث الفنانه الكبيره بديعه صادق ما يبخلش علينا بيها
بكل الحب و التقدير
اختكم فى الله
بديعه أحمد على