طلبات نوتة

**عادل صموئيل** · #1 04/04/2010, 23h45

احبائى
يسعدنى ويشرفنى ان اقدم لكم عمل يعتبر من اصعب اغانى ام كلثوم وهو عمل من المستحيل تدوينه كاملا ولكن انا تحديته فى لحظة طيش
رق الحبيب كاملة
وهذا اللحن له قصة فريدة من نوعها يعنى تم تلحينه فى نصف ساعة يعنى القصبجى كان فى بيت ام كلثوم واعطته الكلام ليلحنه المفروض انه بيلحنه فى ست شهور سعنى بيغير ويبدل الى ان يصل للكمال بعدين يسمعه للست وتبدأ البروفات ولكن ام كلثوم لما اعطته الكلام المفروض انها تركت الكلام ليقرأه وذهبت لقضاء اى شىء فى منزلها وفجأة امسك القصبجى بعود ام كلثوم ونزل عليه الوحى وجاءت بعد نصف ساعة وجده قد اتم تلحين اللحن وهى لما سمعته عجبها وقالت نعمله كده زى ماهو والكلمة التى قلتها استحالة تدوينه كلمة اللحن زى ماهو يعنى اى لحن لأم كلثوم او اىى عملاق لما احنا بنسمعه اول مرة بيكون تقريبا 50% من اللى انتم بتسمعوه فى الراديو يعنى اللحن بيكون شكلوبنعمل عليه خمسين بروفة ويتم تعديل وتغيير فى كل جملة فيه حتى يصل الى الكمال ولكن اللحن فى الاول بيكون فيه احيانا جمل صعبة جدا فى العزف ويتم توضيحها او تبسيطها حتى يفهمها المستمع ولكن ام كلثوم هنا اصرت ان يظهر الللحن كما هو ( يعنى اول قطفة مثل عسل النحل ) وهنا تكمن صعوبته يعنى انتم عارفين محمد القصبجة ان لم يكن احسن عازف عود فى العالم فهو من احسن 3 عزفوا عود ( احدهم فريد الاطرش طبعاً ) وتخيلوا هذا العازف المبدع لما ينزل عليه الوحى ويعزف عود اكيد تكون جمل صعبة ومستحيلة فى العزف ولكن ( الشاطر شاطر ) يعنى المفروض ماحدش يحاول يعمل عملية انتحارية ويعزفه من غير ما يكون حافظ اللحن جدا لأن زى ما انا كررت كتير الالحان دى روح فى الأداء مش قراءة نوتة وخلاص وبالذات هذا اللحن
مع اطيب تحياتى
اليوم عندنا فى مصر شم النسيم والصبح بنفطر بيض ملون وبيض محشى واصناف مختلفة من البيض ( يعنى بندلع نفسنا ) اما الغذاء بيكون شىء من آثار جدودنا الفراعنة يعنى بناكل فسيخ وملوحة واى مصرى بيفتخر انه مصرى وابوه مصرى وبيغنى بلادى بلادى لكى حبى وفؤادى بيثبت وطنيته فى اليوم ده وانتماءه الى اجداده الفراعنة وياكل فسيخ وملوحة لأنها سمك من انواع معينة ومعمولة بطريقة تشبه التحنيط ( طبعا المصريين منكم حيقولوا انت بتحكى حكاية كلنا عارفينها لكن ( خلوا بالكم المنتدى ده عالمى يعنى معانا اجانب ) وللعلم الفسيخ والملوحة احنا بنصدره
يعنى عندنا الكيلو المحترم بيبقى بحوالى 80 جنيه مصرى ممكن تلاقه فى اوروبا ب 800 يورو معلش هم حرامية
وكل عام وانتم بخير وعلى فكرة ام كلثوم كانت تموت فى الملوحة والفسيخ

**armendo** · #2 06/04/2010, 09h12

اعزائى واصدقائى اليكم رائعة المطربة شيرين فى حب مصر ما شربتش من نيلها من تدوين الأستاذ احمد الجوادى مع تحياتى.....ارمندو

**armendo** · #3 06/04/2010, 17h03

الى اخى وصديقى وائل اهدى الية النوتة الخاصة بأغنية يا عينى عالصبر لوديع الصافى والى كل اصدقائى بالمنتدى مع تحياتى......ارمندو

**عادل صموئيل** · #4 07/04/2010, 22h56

اليكم اغار من قلبى
اتمنى ان تعجبكم انا طبعا كتبت اللحن الاساسى

**وائل علوي** · #5 08/04/2010, 03h06

اقتباس:

المشاركة الأصلية كتبت بواسطة عادل صموئيل

اليكم اغار من قلبى
اتمنى ان تعجبكم انا طبعا كتبت اللحن الاساسى

اخي وصديقي الوفي استاذ عادل
احييك من كل قلبي على سرعة الاستجابة لهذه النوتة
وعندي ملاحظة مهمة وهي ان حضرتك كتبتها على النهاوند
بينما انا سمعتها كتير ومؤخرا في الملف المرفق الذي وضعه الاخ هيثم مشكورا تلاحظ ان عبد الوهاب بيعزفها على العشيران لكن المي مش بيمول بل ناتورال حتى التقسيمة الي قبل الغناء على هذا السلم وهنا انا عندي سؤال هل هذا المقام اسمه عجم عشيران؟؟ لانه قريب جدااااا منه إن لم يكن هو
انا عزفتها زي ما انت كتبتها نهاوند بس محستهاش حلوة اوي زي الي عزفها عبد الوهاب في الملف الموجود في صفحة 171وانا هسمعك السلم الي اقصده بعزفي-تفضل هذا المقام الذي اقصده وانا بدات العزف به مباشرة وهو الذي عزف منه عبدالوهاب في الملف الموجود في صفحة 171وانا هنا ايضا استشهدت بجزء من النهر الخالد لانها على نفس المقام خصوصا المقدمة
ياريت لو تحولها اكون ممنون لك والف شكر على كل ما تقدمه لنا ولتلاميذك ومحبيك
وانا على فكرة حاطط في بالي اطلب منك النهر الخالد لانها احد اهرامات عبدالوهاب ومينفعش ابداااااا ان لا نثري مكتبتنا بها بس لما تخلص موضوع اغار من قلبي الاول
تحياتي
اخوك المتعب وائل

اهلا ياوائل يا متعب
اولا انا كاتبها من المكان اللى فى التسجيل وهو بادىء من نغمة صول وعلى هذا الأساس انت تحس ان اللحن كرد على النواه
وهى مش نهاوند زى مانت حسيت لأن معنى نهاوند 3 بيمول والنهاية على الدو لكن لما تكون الهاية على الصول يبقى كرد
طبعا التقاسيم اللى قبل الغنا ماتركزش فيها اوى من الناحية الأكاديمية لأن عبد الوهاب استعرض اكبر كمية ممكنة من التحويلات اولا لأنه عبد الوهاب وثانيا لأن الاغنية كوبليه واحد يعنى عشان يملا الشريط وانا مافهمتش انت عايز تحولها ايه
مع اطيب تحياتى عادل صموئيل
فيه ملحوظة مهمة : دايما الموسيقى الشرقية تذوقية اكتر منها اكاديمية ( ودى نقطة خلاف خطيرة بينى وبين زملائى مع انى اكاديمى بس الموسيقى الشرقية زى ماقلت تذوقية يعنى لو شغلناها اكاديمية حتروح روحها ) يعنى انت عارف ان فيه سلم كبير وسلم صغير الفرق بينهم ايه فى الأحساس ان السلم الكبير احساه قوى والسلم الصغير احساهسه حزين والسلم الكبير ابعاده واحد واحد نص والسلم الصغير ابعاده نص واحد واحد
هنا الاغنية تحسها واحد واحد نص ولا نص واحد واحد ؟
والعجم عشيران سلم كبير

**salhi_haithem** · #6 09/04/2010, 21h31

اقتباس:

المشاركة الأصلية كتبت بواسطة salhi_haithem

اشكرك اخى العزيز وكلامك بيشجعنى اتعب اكتر
مع خالص تحياتى عادل صموئيل

حياكم الله اينما كنتم وايا كانت بلدانكم
الي استاذي غواص في بحر النغم الأصيل عيزنا نرجع زى زمان قول للزمان ارجع يا زمان
مشكووووووووووووووووووووووووووووووووووووووووووووووو ووووووووووووووووووووور استاذ عادل ع الرد الجميل و ياسلام علي الكلمة الحلوة والمعني الجميل و ما اجمل الكلام اذا كان يعبر عما بداخل كل انسان حبيب وما اجمل ألحانك التي تمس العليل فيطيب وما اجمل تدوينك الذي هو رقيق ذا مذاق معطر بالطيب و كنت انت كما كنت يا سيدي و لازلت نجما لامعا ذو وهج و بريق وها نحن كما نحن نستمع اليك و انت كاخ شقيق و ألحانك عبير تعطينا دفئ كطعم الرحيق. الحانك عبر الزمان تنتشر في كل مكان وتنشر بين جاونبنا الحب والحنان وتعطينا املاً جميلاً ينسجم مع انسان تلو الإنسان, الحانك تنسى هموم من معك اياً كان, فلا تلومو شوقي اليه ولا تسألو عني بمكان فأنا هنا مع استاذي اسمع منه اجمل الألحان.
انت سيد الكل ومتربع علي عرش تدوين الغناء الاصيل ولله زيك ما فيش الا القلة القليلة بس اكيد ما فيش حد زيك توا او زمان او مستقبلا. ولي سال بعد اذنك استاذ عادل استعص عليا شويا في اغنية اسال روحك في مقطع و تغيرت شويه شويه واتغيرت و مش بادييا هل هو مقطع صبا على درجة صول او هو مقطع حجاز على درجة صول ام هو صبا على درجة ري
شكرمن كل قلبي و أشكرك على هذا المستوى الرائع من العمل والإقدام دائما للأمام والتميز المستمر و على فكره عمل ايه صحة الوالد العزيز
مع خالص تحياتى اخوكم

اخى العزيز
اولا اشكرك على كلماتك الجميلة التى اوشكت ان تكون شعرا
ثانيا صحة الوالد مازالت متأخرة
ثالثا انا دونت لك بسرعة الجزء الذى سألت عليه فى اغنية اسأل روحك
لو تلاحظ فى المازورتان الثانية والثالثة هو عمل مايشبه صبا على الرى ( عندما عمل صول بيمول ) ولكن اكاديميا لا نستطيع ان نقول انه عمل صبا على الرى لأن المقام يبدأ من دو ( يعنى لو ممقام الاغنية يبدأ من رى كمقام الكرد او البياتى هنا نقول انه عمل صبا
والمهم انك تعرف المقام الاساسى وان تحس بعلامات التحويل , والحركة هنا نحن نعتبرها تلوين للحن ولا نعتبرها تحويل مقامى , لأن التلوين يأتى فى جملة واحدة او جزء من جملة ولكن التحويل ان ينتقل الى مقام آخر ويستمر عدة جمل
ولو تلاحظ هنا فى هذا الجزء ان الموجى قام بعدة علامات تحويل وهو مازال فى مقام الحجاز كاركورد , وهنا مشكلة فى اسماء تلك التحويلات فهى اسماء كثيرة جدا تقرب من اربعين اسما وتحتاج دراسة احترافية عالية جدا تستغرق سنينا طويلة , وانت لو اخذتها بسرعة ستحدث عندك بلبلة , والنصيحة هى بالنسبة للهواة ان تتعرف على المقام الاصلى وتحس علامات التحويل العارضة التى طرأت عليه ثم تحس بالتحويل لمقام آخر اذا حدث لكن فى هذا الجزء هو استخدم مقام الحجاز كاكرد وتجول ثم عاد ليقفل فى مقام الحجاز كاركرد
وما معنى نقلة مقامية او تغيير المقام يعنى مثلا فى مقام النهاوند اذا استمر ثلاث جمل فى النهاوند ثم انتقال الى الراست وعمل عدة جمل ( ولاحظ كلمة عدة جمل لا جزء من جملة ) ثم عاد وقفل على النهاوند هنا نقول اللحن فى مقام النهاوند لأنه قفل على النهاوند , وطبعا هذا يسرى على جميع المقامات مع اطيب تحياتى عادل صموئيل

**وائل علوي** · #7 08/04/2010, 13h07

اخي العزيز عادل
انا عاوزك تحولها على نفس المقام اللي انا بدات فيه عزفي في الملف المرفق وهو يبدا من عشيران يعني بدات بالسلم الاتي( لا عشيران - سي بيمول- دو - ري - مي ناتورال - فا - صول - لا ناتورال جواب) هذا هو السلم او المقام الذي عزفته انا في الملف ورايت الكثير يعزفها من هذا السلم ومن ضمنهم عبادي الجوهر رايته فيديو- بتمنى تكتبها او تحولها اذا امكن على هذا المقام- او الدرجة سميها كما شئت المهم تطلع الطبخة حلوة في النهاية
معلش هتعبك شوية بس انت جرب تحولها
تحيااااااااااااااااااااتي لك
اخوك المتعب وائل
مقلتليش رايك ايه في الجزء اللي انا عزفته من اغار من قلبي على المقام الي عزفت عليه؟؟؟؟
وفي هذه الاغنية انا حاسسها انها واحد واحد نص يعني عجم عشيران
سلام
اخى العزيز وائل
اولا الجزء اللى انت عازفه حلو لكن السؤال انت العود بتاعك مضبوط على ايه يعنى انا عندى بيانو على الكمبيوتر بقيس بيه البيتش وانت عودك كده مضبوط ناقص نصف تون يعنى كلمة اغار انت عندى مبتدىء بنغمة لابيمول وعزفك كرد من لا يعنى الحسينى بمعنى المقام اللى انت كاتبه هنا فيه سى بيمول فقط مش لا بيمول انا هنا مرفق لك اللحن بعد ما رفعته تون
كمان مرفق ملف مضغوط عليه برنامج البيانو يعنى اضبط عودك عليه ( انتى تعرف اسماء اصابع البيانو ؟ )
مع اطيب تحياتى
عادل صموئيل

**وائل علوي** · #8 09/04/2010, 06h25

اقتباس:

المشاركة الأصلية كتبت بواسطة وائل علوي

اخي العزيز عادل
انا عاوزك تحولها على نفس المقام اللي انا بدات فيه عزفي في الملف المرفق وهو يبدا من عشيران يعني بدات بالسلم الاتي( لا عشيران - سي بيمول- دو - ري - مي ناتورال - فا - صول - لا ناتورال جواب) هذا هو السلم او المقام الذي عزفته انا في الملف ورايت الكثير يعزفها من هذا السلم ومن ضمنهم عبادي الجوهر رايته فيديو- بتمنى تكتبها او تحولها اذا امكن على هذا المقام- او الدرجة سميها كما شئت المهم تطلع الطبخة حلوة في النهاية
معلش هتعبك شوية بس انت جرب تحولها
تحيااااااااااااااااااااتي لك
اخوك المتعب وائل
مقلتليش رايك ايه في الجزء اللي انا عزفته من اغار من قلبي على المقام الي عزفت عليه؟؟؟؟
وفي هذه الاغنية انا حاسسها انها واحد واحد نص يعني عجم عشيران
سلام
اخى العزيز وائل
اولا الجزء اللى انت عازفه حلو لكن السؤال انت العود بتاعك مضبوط على ايه يعنى انا عندى بيانو على الكمبيوتر بقيس بيه البيتش وانت عودك كده مضبوط ناقص نصف تون يعنى كلمة اغار انت عندى مبتدىء بنغمة لابيمول وعزفك كرد من لا يعنى الحسينى بمعنى المقام اللى انت كاتبه هنا فيه سى بيمول فقط مش لا بيمول انا هنا مرفق لك اللحن بعد ما رفعته تون
كمان مرفق ملف مضغوط عليه برنامج البيانو يعنى اضبط عودك عليه ( انتى تعرف اسماء اصابع البيانو ؟ )
مع اطيب تحياتى
عادل صموئيل

اخي العزيز عادل هي النوتة وهو ده المقام وهي دي الدرجة اللي انا عاوزها عشرررة على عشررررة بالضبط هو ده اللي انا كنت اقصده -تسلم ايدك نوتة ولا اروع وبالنسبة لدوزان عودي انا مش بدوزنه الدوزان العالمي باستخدام جهاز القياس انا زي ما حضرتك قلت هو ناقص نص التون بس الغريب انه طلع عندك ان انا بدات كلمة اغار من لابيمول في حين انا بداتها من لا حر/ ناتورال وانا بشكرك على برنامج البيانو لانه مفيد جداااا ومكنش عندي وبالنسبة لاصابع البيانو انا بعرف نغمتها يعني اقولك دي مي او سي او دو كده يعني بس معرفش اسمها
تحياتي وخالص شكري لشخصك الكريم
اخوك وائل
اخى العزيز وائل
طالما انت عايز تبقى تلميذى ممكن اديك شوية ملاحظات مهمة
(وطبعا الكلام بتاعى موجه للجميع )
اولا اهم شىء يكون عودك مدوزن على الدوزان العالمى
يعنى انا اى تسجيل انتم بترفعوه لى عشان ادونه اول شىء بحس بالطبقة وده بالمقارنة ببرنامج البيانو لأن برنامج انكور مضبوط على الدوزان العالمى وانا على طول اكتشفت ان عودك مدوزن فرق نص تون لما قارنت عزفك على برنامج البيانو
بالنسبة لأى حد مايعرفش اسماء اصابع البيانو هى سهلة جدا
ومرفق ملف كتبت فيه اسماء اصابع البيانو يعنى اهم شىء تدوزن عودك عليه تاخد صول وتدوزن باقى العود عليها
وبالنسبة لك ولكل المهتمين بالوصول الى اعى درجة فى النوتة الموسيقية لابد ان تبدأ فى استعمال برنامج انكور انا منزله هنا فى قسم الدروس ومنزل معاه ملفات شرح وافية جدا من تأليفى
وحتستفيد منه جدا جدا
مع اطيب تحياتى عادل صموئيل

**armendo** · #9 11/04/2010, 14h27

اخى هيثم اليك النوتة المطلوبة لمارسيل خليفة مع ارق تحياتى.....ارمندو

**وائل علوي** · #10 08/04/2010, 22h59

اقتباس:

المشاركة الأصلية كتبت بواسطة عمرو الهندواى

استاذ عادل لا تتردد اذا كنت تريد مساعدة لاعادة

جهاز حضرتك كما كان انا تحت امرك فى اى مساعدة
كل التحية

اخى العزيز عمرو هنداوى
اشكرك الف شكر وللعلم انت بالنسبة لى انسان مهم جدا فى الكمبيوتر
يعنى انت اديتنى شوية برامج مهمة جدا بعتمد عليها فى كل شغلى ومن اهمها الترانسبوزر والتحويل من انكور الى بى دى اف يعنى اهم ميزة انه بيطلع الملف حجمه صغير عشان سيرفر المنتدى كنت قبل كده بطبع النوتة واصورها بالسانر كانت بتطلع حجمها اد كده عشر مرات المهم انا صلحت الجهاز والفايرس كان خفيف والحمد لله شلت الويندوز بس انا اكتر كلمة بتخضنى كلمة نفرمط الهارد لأن دى سهلة بيقولوها للناس اللى عندهم على الهارد العاب وكلام فارغ لكن انا عندى حاجات مهمة جدا ومع انى بحاول كل شوية انقلها على سيديهات دى فى دى لكن كل يوم ممكن يزيد عندى ملف نوتة مهمة او اى شىء انا بستعمل انتى فايرس افا جارد 9 ( الشمسية )
لكن بخاف من الفيروسات اعمل ايه وللعلم ان مالقيتش انتى فايرس اثق فيه لأن فى مصر ماعندناش انتى فيرس ممكن تشتريه اصلى
وعندى سؤال فيه فى بعض المنتديات ناس بتقول ازاى تعرف جهازك عليه فايرس ولا للأ عن طريق start تكتب commond لى آخره صح الكلام ده ولا تهريج
مع اطيب تحياتى عادل صموئيل

عزيزي عادل انصحك تعمل باك اب لكل الملفات اللي عندك وتحفظها على هارد دسك خارجي احسن من السيديهات زي ما انا عامل تفاديا لاي طواريء ولا تحفظ اي ملفات على بارتشن السي احفظها على الدي- وانا شخصيا عامل نسخ احتياطية على كثر من مكان-يعني عندي نسخة على اللاب توب وعلى الدسك توب وعلى هارد دسك خارجي وعلى ديفيدي وعلى فلاش ميموري حجمها كبير- والهاردسك الخارجي اللي عندي حجمه 320جيجا يعني ممكن يشيل جميعععععع الاغاني العربية والافلام كمان
وبالنسبة لبرنامح الانتفايرس انا بنصحك ببرنامج اسمه افيرا وهو مجاني من الموقع الرسمي انا شخصيا بستخدمه بقالي سنة و10000%%% قوي جداااا
وتفضل الرابط-- وهو يعمل التحديث اليا منغير ان تشعر به وهو خفيف جدا على الجهاز مش زي بعض البرامج مثل النورتن ثقيل جداااا
تحياتي اخوك المتعب وائل
اخى العزيز المتعب وائل
مش افيرا ده الايقونة بتاعته شمسية حمراء ؟ ما هو ده اللى انا بستعمله حاليا ومن مدة طويلة مضت
والف شكر عادل صموئيل