اقتباس:
المشاركة الأصلية كتبت بواسطة حبيب عبد الوهاب
فى مقولة انا بحبها جدا..لاتجذبنى الى اسفل لكى اكره شخصا بعينه ..ولا تجذبنى الى اعلى لكى أحب شخصا لذاته..ممكن تكون القصيدة دى سقطه من سقطاته وعنده قصائد اخرى كويسة احنا مش عارفينها...لو حد عنده قصائد اخرى جادة ورصينة لنفس الشاعر ارجو كتابتها حتى نتعرف بهذا الشاعر جيدا
|
تسلم إيدك ياصديقي
حبيب عبد الوهاب
كلام معقول جداً
أنا مثلاً بحب قصيدة (الوطن الغايب)
للشاعر أمين حداد بيقول فيها:
عندي وطن حزين
خمسين في الميه منه
عمال وفلاحين
طول النهار يزنـّوا
ويباتوا موجوعين
عندي وطن قريب
اسمه حضن الحبيب
عندي وطن نبات
ساكن في البلكونات
يعنى زرع ف قصاري
باسقيه ساعة العصاري
عندي وطن ديوان
اسمه ريحة الحبايب
اسمه بنت الجيران
اسمه : الوطن اللى غايب !!
وكمان قصيدة : الأبجدية
ألف.....أحبك
وب.... باحبك
و: ب... و : ت
دايماً يابت
دايماً باحبك
وال ث باثأثأ
وأقول باحبك
وال ج جوابي
يقول باحبك
وال ح حواسي
وحب عيني
وحُرمالي
حلق في ودنك
يقول باحبك
و خ ودال
خدك يندي
ياخد و يدي
مع شفايفي
أكتب في كفي
أنا باحبك
وال ذال ذكاوة
عريس نقاوه
يقول باحبك
وال ر ترقرق
ربيع بينطق
ورب شاهد
إني باحبك
يا ز ين باحبك
وال سين يا سمره
ياسمسميه
سيفك سرقني
قلبي سبقني
وقال باحبك
وال شين شقاوه
وال صاد صبيه
والضاد بتضوي
ضفيره طايره
ضربت في قلبي
ضحكت عينيا
ضمت عينيكي
قالت باحبك
وال ط طعامه
وطبله دقت
ودماغي طقت
طارت حمامه
قالت باحبك
وال ظ ظريفه
وال عين عوافي
يا عيون عفيفه
يا عش دافي
أناباحبك
وال غين غنايا
أناباحبك
والليل غطايا
كلمةباحبك
وال ف طفوله
وفص فولة
وفي قلبي فالح
فدان موالح
واليوستفندي
يقول باحبك
والقاف قواقع
صدف ولؤلؤ
وقلب طالع
م البحر يبرق
يقول باحبك
والكاف كلامك
بيشر سكر
وكركديه
ويقوللي بيتك
حيبقى بيتي
واللام لقيتك
بتلمي عيني
من الشوارع
وتلقفيني
وياالملايكه
والميم ميعادنا
مأذون بلدنا
يوم الخميس
والنون ولادنا
نايمين في حضنك
وال هـــ هاتيهم
وهدهديهم
وقولي هُو
ورضعيهم
لبن وماء
والواوسامعهم
بيقولوا واء
وال ي يا ليل
مفيش أسيه
وال ي ياسين
بيقول بهيه
والناي يقسّم
ع الغنوه ديّه
وأنا باحبك
بالأبجديه
**************************
أنا أعتقد إن مشكلة أمين حداد وبهاء جاهين
وغيرهم
هو عدم وجود كاريزما شخصية ليهم
يوجد شعراء زي مظفر النواب مثلاً
بمجرد ظهوره في أي أمسية
نجد عاصفة من التصفيق
إنهم يحبون شخصيته وحضوره
تماماً كما يفعلون مع الأبنودي
رغم أنه تاجر ...هل من المعقول أن يعيش
شخص مثله أكثر من ستين عاماً في القاهرة
ولا ينطق لسانه اللهجة القاهرية
وما زال لسانه يقول : الجمرايه ...نجعد ..مش جادر !!
طبعاً هو يحافظ علي لسانه الصعيدي
لإن هذا اللسان هو : (عدة الشغل)
ومرحباً -مسبقاً- بكل الطوب الذي هو
في طريقه إليّ ...لأنني أخطأت في حق
الأبنودي
وتقبلوا خالص تحياتي
__________________
.
" اللهمَ إنكَ عَفُوٌّ كريمٌ تحبُ العفوَ فاعفُ عنَّا "
رد: يا شعراء المنتدى .. ينفع كده
العرض الشجري