استاذ محمد الالاتى ما اسم هذا المقام ؟

**سامى امين** · #1 13/03/2010, 18h15

استاذ محمد زميلى شبه محترف وعزف مبيشالش وقالى دى كرد من الرى قلت لة الاستاذ قال نهاوند قالى يا عبيط ماهو نهاوند الصول يبقى كرد الرى هل كلامة صحيح وهو مش عارف يشترك فى المتدى عشان ابوة منع النت والتليفيزيون عشان احنا اساسا فى ثانوية عامة

**الألآتى** · #2 13/03/2010, 18h48

اقتباس:

المشاركة الأصلية كتبت بواسطة سامى امين

قالى يا عبيط ماهو نهاوند الصول يبقى كرد الرى هل كلامة صحيح

هههههههههههه ...

النهاوند المستعمل فى الأغنية هو النهاوند الكردى ..

وهو يتكون من جنسين

جنس الجذع ( نهاوند ) وجنس الفرع ( كرد )

فإذا كان النهاوند من درجة الصول .. يكون جنس الكرد من درجة الرى

ونجد أن ملحن الأغنية إستعمل جنس الكرد فى بعض الأحيان

ولكنه يرتكز فى نهاية الأمر على جنس النهاوند .. كما أن طبيعة النهاوند واضحة ..

**سامى امين** · #3 15/03/2010, 02h53

استاذ محمد قولى اغنية نهاوند بس مش كردى نوع اخر من النهاوند

**الألآتى** · #4 15/03/2010, 04h58

اقتباس:

المشاركة الأصلية كتبت بواسطة سامى امين

استاذ محمد قولى اغنية نهاوند بس مش كردى نوع اخر من النهاوند

حبيب قلبى ..

النهاوند أربعة أنواع ..

النهاوند الطبيعى ( نهاوند + حجاز ) جمع منفصل

النهاوند الكردى ( نهاوند + كرد ) جمع منفصل

النهاوند الكبير ( نهاوند + نهاوند ) جمع منفصل

النهاوند المرصع ( نهاوند + حجاز ) جمع متصل

وأشهرهم هو النهاوند الكردى .. الذى يقابل سلم دو الصغير ( المينور ) فى الموسيقى الغربية .

وأشهر أغنية للنهاوند الطبيعى ( على رمش عيونها ) لوديع الصافى .

وأشهر أغنية للنهاوند المرصع ( علمنى الحب ) لصباح .

**samirjenhani** · #5 22/03/2010, 12h47

ههههههههههههههههه و الله فعلا الموضوع يدعو الى الحيرة أستاذي العزيز محمد الآلاتي بالنسبة للمبتدئين طبعا ،الأغنية فعلا فيها الكثير من الركوز على الكرد دوكاه مع وجود النهاوند نوا و أحيانا كرد حسيني ، سيذهب الى ظنك أنه الكرد فعلا ، هذا ربما ما جعل البعض يسقطون في هذا الفخ ، لكن لا نقف عند ويل للمصلين كما يقال لأننا عندما نستمع الى آخر الأغنية سنتأكد بدون مجال للشك أن المقام هو النهاوند الكرد اللذي أشار اليه الأستاذ الآلاتي لأن القفلة النهائية كانت نهاوند و التقاليد الموسيقية تأكد أن القفلة عادة ما تكون في المقام الاصلي اللذي هو نهاوند كردي كما جاء على لسان الاستاذ أبو حسام فالقفلة فعلا كانت نهاوند و لم تكن كرد و ان كانت القفلة كردي سوف أكون مع اللذين قالوا أن المقام هو كرد و ليس نهاوند، عفوا أستاذي على دخولي معكم على الخط بالرغم من أن اجابتك كانت شافية و مقنعة مع تحياتي لكم جميعا.

و هذا رابط الأغنية لمن يريد الاستماع http://www.sama3y.net/forum/showpost...84&postcount=3

**الألآتى** · #6 22/03/2010, 17h02

أشكرك أستاذى سمير باشا ..

إضافتك أسعدتنى ..

كثيراً ماتصادفنا هذه الحيرة فى العديد من الأعمال الموسيقية ..

فى هذه الحالة .. ألجأ لأذنى وأدندن الجملة اللحنية .. فأجد نفسى إرتكزت على المقام المقصود ..

وفى هذه الأغنية بالذات .. عمد الملحن لإستعمال جنس الكرد كثيراً .. مما أربك حسابات الكثيرين ..

وهناك الكثير ممن لا يعرفون أن للنهاوند أشكال متعددة .. ويعتقدون أن النهاوند الطبيعى فى موسيقانا الشرقية .. هو نفسه الدو مينور فى الموسيقى الغربية ..

وفى الحقيقة أن النهاوند الشرقى هو النهاوند الحجازى .. وليس الكردى المعروف بالمينور ..

بدليل أن العجم هو نفسه الدو ميجور .. مع تغيير درجة الركوز للعشيران لدواعى التميز الشرقى ..

أشكرك أخى العزيز وأتمنى وجودك دائماً فى مثل هذه الإستفسارات ..

**سامى امين** · #7 10/04/2010, 15h00

مستر محمد اغنية انا كل ما اقول التوبة بتاعت حليم مقامها حجاز ولا كرد ولا نهاوند وبجد بجد يا مستر محمد انا بحبك جدا وانت مشرفنى ومطول رقابتى اودام اصحابى اشباة محترفين ولما بتحدى بعض فى المقامات هما يطلعوا صح وانا غلط بحس انى عبيط القرية ولما بتاكد منك من المقام بيطلعوا هما البهاليل وانا الصح

**سامى امين** · #8 14/04/2010, 17h11

مستر محمد اغنية على اللى جرا بتاعت عليا التونسية صحابى الكفتجية اشباة محترفين بيقولوا كرد انا قلت دى نهاوند كردى مين فينا اللى كفتة انا ولا هما

**الألآتى** · #9 14/04/2010, 18h24

اقتباس:

المشاركة الأصلية كتبت بواسطة سامى امين

مستر محمد اغنية على اللى جرا بتاعت عليا التونسية صحابى الكفتجية اشباة محترفين بيقولوا كرد انا قلت دى نهاوند كردى مين فينا اللى كفتة انا ولا هما

والنبى يابنى .. حرام تقول عليهم محترفين أو شبه محترفين ..

وبعدين إنت مش محتاج تسأل ..

شوف ( عُليا ) أنهت المذهب على أى درجة .. وإنت تعرف المقام ..

وهى بتقول .. ع إللى جرى .. ع إللى جرااااااا .. وبعدين تدخل مزيكا أول كوبليه ..

حاتلاقيها بتقف على حرف الركوز بتاع النهاوند ..

وبعدين ده نهاوند صريح .. مافيهوش لبس أو حيرة .. نهاوند على أبوه يعنى ..