ـا رب هــوِّن ♫ محمد السلاموني

**Hisham Khala** · #1 21/02/2010, 16h16

أنا مش عارف ازاي الاغنية دي عدت و ماخدتش بالي منها
العمل ممتاز
صوتك يا سلاموني ممتاز و خاصة أنك غنيت من غير مصاحبة و دا يكشف الصوت و لو فيه اي عيوب ها تبان.
تاني حاجة أنك محافظ علي المقام و الطبقة الصوتية و الميزان و هذا ساعد عمنا الالاتي في مكساج الصوت علي المزيكا و لو انها صعبة جداً لأن من الطبيعي أن الانسان يبطئ و يسرع طالما ما فيش مترونوم يحكمه و لا ايقاع يمشي عليه ، و لكن محمد السلاموني عنده ايقاعه الداخلي ممتاز. و الالاتي عفريت مزيكا و مكساج و ملاك في طيبة القلب و الاخلاق.
لنا لقاء بإذن الله في "سبحان الله" بس لما رقبتي تظبط شوية.
تحياتي

**M O H A M E D** · #2 21/02/2010, 17h13

يا دي الإحراج .. إيه اللي فكركم بالموضوع ده بس ؟ كان مستخبي و فـ حاله
ده من 2008 !

بشكرك يا أستاذ رأفت المصري على كلماتك الطيبة
و الشكر موصول للفنان د.هشام خلف .. و ألف مليون سلامة عليك
و يا أستاذ محمود سعد .. دا شئ يسعدني لو حضرتك تغنيها بصوتك
و شكراً لكلامك الجميل زيك .. ربنا يسعدك

**كمال عواد** · #3 21/02/2010, 17h53

ايه الموضوع اللى جاى من بعيييييييييييييييييييييييييييييييييد
وداخل يتسحب بصوت حنين ده..انا حملت الاول..وبعدين
جلست اقرا التعليقات خفيفة الظل والمملؤه بكل الحب
واحسست بخفة ظل المشاركه والتى تجعل الانسان فى حاله من الابتسام الدائم الجميل الذى يشع تفاؤل..واستمعت للعمل
والله والله تجربه جميله يا استاذ محمد..وانا فهمت طبعا انك
اساسا مش فى دماغك..ولكنها محاوله بمشاعر فياضه فى الشهر الكريم..ولكنها رائعه بكل المقاييس..خصوصا بعد تدخل
استاذنا الالاتى..واضاف اليها الكثير..لينقلها من الاداء الحر
الى عمل متكامل مصاحب بالنغم..وهذا ما اعطاها مذاقا خاصا
ودفعه لنطلب منك ان تتكرر التجربه...لان صوتك حنين
وشوية حيويه فى الاداء كمان ..وفتح الصوت حبه صغيره.
تكون مطرب رائع..لانك بتغنى صح وعجبتنى جدا نغمة(واهدينى يارب العالمين)

**رائد عبد السلام** · #4 22/02/2010, 16h40

صديقي الرائع
محمد السلاموني
دكتورنا المهذب ... ومطربنا الجميل

التجربة دي
زي ما قال كل الأحبة

بس أنا ح أزود حتة صغيرة :

صوتك وأداؤك يحمل جمال شخصيتك
وحميمية إحساسك ... ووعيك

أنا حاسس إن فيه فنان كبير
ومطرب جبار
ح يخرج لنا من القمقم قريباً

مع إن الغناء صعب فعلاً
غير علي الموهوب
إلا إنك نجحت في الوصول
إلي آذان وقلوب مستمعيك
وده أكبر نجاح

وربنا يكون في عون المنافسين

**M O H A M E D** · #5 24/02/2010, 23h33

أشكرك يا أستاذ كمال عواد .. و هذا من بعض ما عندكم
و التجربة كانت نابعة من الحالة المُبهجة الموجودة في المنتدى وقتها ..
و فعلاً الأستاذ محمد الألاتي حوّل التجربة المتواضعة لعمل فني
و ان كانت نغمة ( اهديني يا رب العالمين ) عجبتك جداً .. فأنا عجبتني جداً جداً جداً الجملة اللي رد بيها الأستاذ الألاتي بعد النغمة دي

رائد باشا عبد السلام ..
بالراحة عليا يا صديقي .. مطرب إيه و قمقم إيه ؟
كل الحكاية إن من جاور السعيد يسعد .. و انا هنا في سماعي جاورت أهل الفن و الإبداع .. بارك الله فيك يا شاعرنا الجميل

أخي رأفت المصري ..
ربنا يكرمك و يسعدك و يرضى عنك .. و كل لحظة و أنت و الجميع بكل الخير

**رافت المصرى** · #6 23/02/2010, 17h18

اقتباس:

المشاركة الأصلية كتبت بواسطة محمد السلاموني

يا دي الإحراج .. إيه اللي فكركم بالموضوع ده بس ؟ كان مستخبي و فـ حاله
ده من 2008 !

بشكرك يا أستاذ رأفت المصري على كلماتك الطيبة
و الشكر موصول للفنان د.هشام خلف .. و ألف مليون سلامة عليك
و يا أستاذ محمود سعد .. دا شئ يسعدني لو حضرتك تغنيها بصوتك
و شكراً لكلامك الجميل زيك .. ربنا يسعدك

مفاجأه
ان الصوت هو صوتك استاذ محمد
يعنى كلمات تخش القلب و
صوت يخش القلب

مع توزيع عمنا الالاتى

بجد الله يكطرمكم انتم الاتنين
انا بستمتع باللحن ده جدا و بقول فى نفسى ليه الحاجات دى م فى الاذاعه بدل الخبط و الرزع اللى خلانا نكره نفتح راديو او نبص ف تلفزيون
كل التحيه يا شاعر جميل و يا مطرب رائع