كلمات بعض الأغاني - للموسيقار محمد عبدالوهاب

[عمر التهامى]

المشاركة الأصلية كتبت بواسطة جميل سلمان

لا القلب يرحم ولا العزال بينسونى
ولا الفؤاد عن هواك بالدنيا دى سالى
--
والسالي من السو وهو النسيان فياتي المعنى ان الفؤاد لن ينسى هواك في هذه الدنيا!

وشكرا

الشكر لك يا استاذ جميل لم استطع غناءها بسبب هذا الجزء الناقص و قد اكملته مشكورا

[جميل سلمان]

اهلا بك اخي عمر وان شاء الله نسمع الاغنية بصوتك طالما انك اكملت غنائها

[جميل سلمان]

سكت ليه يا لساني

كلمات:أحمد رامي

سكت ليه يا لسانى عن شكوتك من الزمان
في غير أنيينك يا قلبي ولا رضيت الهوان

كترت عليك الأسية وطال عليك البعاد
وجار حبيبك علي والحب روحه الوداد

لو كان صفاني ما كان ضناني
وفضلت ابكي له لما جفت مدامع عيني

ياما شكيت له وشكيته ورجعت اشكي لروحي
ما كانش يرحمني منه الا بكاي ونوحي

أقابل الناس ودمعي محتار يفارق جفوني
وكل من شافني بنعي يفتكره خلقت عيوني

فضلت وحدي اقاسي وجدي
وصبر القلب لما عودت قلبي الأسية

[عمر التهامى]

المشاركة الأصلية كتبت بواسطة جميل سلمان

اهلا بك اخي عمر وان شاء الله نسمع الاغنية بصوتك طالما انك اكملت غنائها

ان شاء الله بس احكم الموال و احاول اسجلها بصوتى و ارفعها الى منتدانا العزيز

[جميل سلمان]

دور عشقت روحك
كلمات محمد متولي
***

عشقت روحك وعشق الروح مالوش نهاية
وايه يفيدك لو طال النوح وزاد أساي

يا روحي شوف ذلي وهواني
حرام عليك هجرك ضناني

قادر تداوي الفؤاد وليه تسيبه يقاسي
عليل كواه البعاد دواه في إيدك يا قاسي

آه آه آه آه آه آه آه آه آه آه
قادر كده والفؤاد وليه تسيبه يقاسي

واسيني يوم فرح قلبي
ده البدر بات سهران يواسيني
والورد شاف حالي في حبي
صبحت دموعه تسيل على شاني
وانت اللي لي يا نور عيني
يكفى أسيه واعطف علي هجرك ضناني

[hani1969]

يا ريت كلمات أغنية يا وردة الحب الصافى مع الشكر الجزيل

[جميل سلمان]

المشاركة الأصلية كتبت بواسطة hani1969

يا ريت كلمات أغنية يا وردة الحب الصافى مع الشكر الجزيل

تكرم

يا وردة الحب الصافى
كلمات:أحمد رامي
***

ياوردة الحب الصافى
تسلم إيدين اللى سقاكى

ياهل ترى ايه انكتب للفؤاد!
شوك الضنى ولا عبير الوداد

منيتى قلبى بالامل والقلب لو طال الأجل
ايه رح ينوبه وياكى
ياهل ترى إيه انكتب للفؤاد
شوك الضنى ولا عبير الوداد

هب النسيم من بهاكِ
عطر بحسن الأمانى
ياريت يدوم لى بهاكِ
واقطف زهور الأماني