أم كلثوم اليوم على إذاعة الأغانى ستغنى

[7abib]

المشاركة الأصلية كتبت بواسطة احمد عبد الرسول

على فكرة اعزائى ضيوف واعضاء سماعى المفروض ان اغنية ليلة حب حفلة ديسمبر 1972 مدتها حوالى 110 دقيقة مش 107 ؟ عشان فى مونتاج عند الدقيقة 57 باالظبط عند بداية الكوبلية الثالث بتبدأ الفرقة باالعزف ثم يقوم الجمهور باالتصفيق عند نهاية العزف والمفروض ان الموسيقى تعيد تانى بس فى مونتاج وبتنتهى الموسيقى وبتدخل بعد كدة الست بكلمات الكوبلية لو كل حب فى كل قلب بس على العموم (حنمشيها)احسن مايعملوهالنا ساعة واحدة لانها تقريبا موجودة كدة ف اذاعة الاغانى لانها عمرها مااتذاعت110 دقيقة بس المونتاج دة غير موجود فى النسخة اللى ف اذاعة ام كلثوم انا طول عمرى بسمعها 110 دقيقة على اذاعة ام كلثوم وانا متأكد من الكلام دة 10 مليون ف المية واللى مش مصدق يسمع النسخة اللى بتيجى على اذاعة ام كلثوم

معك حق اخي احمد انا ايضا متأكد من هذا القطع ومستغرب اكثر من تصرف اذاعة الاغاني في قطع هذا الجزء الصغير جدا ... والغريب انهم اذاعوها كاملة من قبل .. وفي ايضا شئ غريب, لازم في كل الحفلات اللي بيذعوها تقريبا تلاقي جزء من الاغنية مكتوم او فجأه الصوت يعلى جدا لدرجة الوشوشة!!! وممكن يذاع نفس الحفل مرة اخرى ولكن اماكن كتم الصوت وعلوه بتختلف تماما عن المرة السابقة, اي ان العيب ليس في التسجيل نفسه... على سبيل المثال حفلة ليلة حب امس هاتلاحظوا كتم الصوت فجأه في الكوبليه الاخير.... ياريت لو يجدوا حل لهذه المشكلة

[احمد عبد الرسول]

هحاول اخى صالح ضغط الاغنية وتحميلها بس كنت عايز اعرف الست غنت اية النهاردة السبت 23 يناير2010

[hakam60]

المشاركة الأصلية كتبت بواسطة احمد عبد الرسول

هحاول اخى صالح ضغط الاغنية وتحميلها بس كنت عايز اعرف الست غنت اية النهاردة السبت 23 يناير2010

كانت سهرة يوم السبت 23 يناير 2010 مع أم كلثوم بأغنيتين
الأولى: ياطول عذابي
الثانية: أهل الهوى -حفل قدم بسوريا وأغلب الظن أنه حفل معرض دمشق يوم 7 اغسطس 1958 ولكن لم يتسنى لي مقارنته حتى الآن للتأكد

[hakam60]

سهرة يوم الأحد 24 يناير 2010 كانت مع أغنية أقولك ايه عن الشوق ياحبيبي
من حفل اقيم بمسرح حديقة الأزبكية بتاريخ 2 يناير 1964 وكانت هي الوصلة الأولى بالحفل ثم شدت بأغنية للصبر حدود للمرة الأولى وختمت الحفل بأغنية بتفكر في مين أو كل ليلة وكل يوم كما يحلو للبعض تسميتها

[hossam352001]

من اقوى حفلات هاقولك ايه و كذلك الحفل على الجودة والصوت نقى جدا.

[احمد عبد الرسول]

ياجماعة انا سمعت النهاردة على راديو ام كلثوم على النايل سات هذة الاذاعة الجديدة موسيقات لبعض الاغانى اللى بتيجى على محطة ام كلثوم على الموجة am سمعت ليلى ونهارى ثم بعدها مقطوعة حبيبى المجهول عبد الوهاب ثم وقدرت تهجر فايزة ثم لا تكذبى على العود عبد الوهاب ثم اخيرآ انت الحب من نفس الحفل الذى يزاع على اذاعة ام كلثوم3-6-1965وكانت تقريبا الساعة1 ظهرآثم بعدها اكتملت المحطة فى سكونها اتمنى ان تكتمل فرحتى وتبتدى الاذاعة الساعة 5 مع انطلاقة ام كلثوم على الموجة am

[احمد عبد الرسول]

الاثنين 25-1-2010 كل ليلة وكل يوم (بتفكر ف مين) من نادى الشرطة فى 25 يناير بحضور الرئيس جمال عبد الناصر1964 وكانت ف الوصلة الاولى والثانية للصبر حدود والثالثة اقولك اية

[EgyLoveR1980]

المشاركة الأصلية كتبت بواسطة احمد عبد الرسول

ياجماعة انا سمعت النهاردة على راديو ام كلثوم على النايل سات هذة الاذاعة الجديدة موسيقات لبعض الاغانى اللى بتيجى على محطة ام كلثوم على الموجة am سمعت ليلى ونهارى ثم بعدها مقطوعة حبيبى المجهول عبد الوهاب ثم وقدرت تهجر فايزة ثم لا تكذبى على العود عبد الوهاب ثم اخيرآ انت الحب من نفس الحفل الذى يزاع على اذاعة ام كلثوم3-6-1965وكانت تقريبا الساعة1 ظهرآثم بعدها اكتملت المحطة فى سكونها اتمنى ان تكتمل فرحتى وتبتدى الاذاعة الساعة 5 مع انطلاقة ام كلثوم على الموجة am

منذ اكتر من شهر و هى بتذيع نفس الشىء
و استنى لحد الساعة 5
تبدا الاذاعة فى ال AM و لاكن على النايل سات سكووووووووووت

[myasser]

المشاركة الأصلية كتبت بواسطة EgyLoveR1980

منذ اكتر من شهر و هى بتذيع نفس الشىء
و استنى لحد الساعة 5
تبدا الاذاعة فى ال AM و لاكن على النايل سات سكووووووووووت

الحقيقة ياريت انها تكون على النايل سات لانها فى الراديو على موجة 936 ذات تردد سئ ولاتسمع بوضوح الا فى مصر الجديدة وحائق القبة حيث تذاع حتى باقى القاهرة ذات صوت سئ واذاعتها على النايل سات ستكون اروع ما يكون لان اهذة الاذاعة عشق خاص لسميعة الست من جيلى فى البدايات وكانت ذات جودة افضل فى الثمانينات حتى انها كانت تصل الى محافظات مجاورة للقاهرة مثل بنى سويف والمنصورة بمسافة 120 كم عن القاهرة