إلحقونى إتسرقت

[على عبداللاه]

إلحقونى إتسرقت

أنا هحكيلكوا الحكايه

مـ الأول للنهايه

صحيت الصبح بدرى

لقتنى مش معايا

دورت فى كل حته

حتى فـ جيب الجاكته

ودولابى وفى المرايه

وبرضو مش معايا

يادى النهار

بادئ عكار

وريح معبيه بغبار

أنا مش لاقينى

وأه يا وقعه بنى

مش لاقى حته منى

ولا وشى ولا قفاى

إتسرق منى اللى فاضل

قال وأنا عمال بناضل

بالقصيده

سرقوا أحلامى البعيده

سرقوا كلى

حتى روحى حتى ضلى

رجعونى على الحديده

هاتوا المباحث والنيابه وحققوا

سرقوا أحلام الغلابه

ولسه قاعدين يسرقوا

سرقوا الحروف من غير كسوف

قتلوا الكلام .. حرقوا الدفوف

زرعوا جواى الألم

لكنهم نسيوا القلم

فوق الورق

يبقى مفيش شئ إتسرق

[د أنس البن]

آه يا سى على يا عبد اللا آآآآآآآآآآآآآآآآآآآآه
مين فينا ما اتسرقش
كلنا اتسرقنا واتنشلنا واتنحل وبرنا
وعلشان كده أعتقد انك مش حتلاقى حد يلحقك
لأن كل واحد عايز واحد تانى يلحقه
نعم مش حتلاقى غير القلم

[على عبداللاه]

المشاركة الأصلية كتبت بواسطة د أنس البن

آه يا سى على يا عبد اللا آآآآآآآآآآآآآآآآآآآآه

مين فينا ما اتسرقش
كلنا اتسرقنا واتنشلنا واتنحل وبرنا
وعلشان كده أعتقد انك مش حتلاقى حد يلحقك
لأن كل واحد عايز واحد تانى يلحقه
نعم مش حتلاقى غير القلم

والدى العزيز دكتور أنس
ليك رد فيه معنى الونس
وأنا أعتقد
ونس الأبوه
فى المحبه كبير فتوه
تحتوينا بكل قوه
وأنا الضعيف جدا فى حبك
وإتكتبلى أفضل أحبك
يا أمير حارة الغلابه

ما تعرفش قد أيه بيجينى منتهى السعاده وحضرتك بتتابعنى على الرغم من خوفى الشديد جدا من إنها تكون دون المستوى ... لكن ما شاء الله على المنتدى والكبار اللى فيه ..
وما شاء الله على قرايتهم السريعه للى جواى وحابب أقوله
لكن أقولك على سر
أنا منتظر العتاوله الباقييين
وخايف من تجاهلهم
وحاطط ايدى على قلبى

ومتقبل كل النقد
بكل الوجوه
من كل الأعضاء
وأسعدنى مرور شخصكم الكريم
لمعاليكم شكر بلا حدود
دمتم لى


أنتظر الردود

[صالح المزيون]

أستاذ عبد الاااااااااه
ما هذا الإبداع يا غالي ....
حقيقة إبداع متميز بالفكرة ومتفرد بالمعاني الرمزية من وراءالسطور ... تُصور فتُجيد وتأتي بالجديد
أغبطك أخي على طواعية اللغة معاك وبحق فلهجتك العامية أكثر من رائعة ...

وحاطط ايدى على قلبى
ولانريد منك أن تضع يدك على قلبك بل على رأسك لتعتصر لنا المعاني والأفكار وتسقينا من تلك الأشعار ...
قول ياكبير قول ... قول وما يهمكش حاجة

[على عبداللاه]

المشاركة الأصلية كتبت بواسطة صالح المزيون

أستاذ عبد الاااااااااه
ما هذا الإبداع يا غالي ....
حقيقة إبداع متميز بالفكرة ومتفرد بالمعاني الرمزية من وراءالسطور ... تُصور فتُجيد وتأتي بالجديد
أغبطك أخي على طواعية اللغة معاك وبحق فلهجتك العامية أكثر من رائعة ...

وحاطط ايدى على قلبى
ولانريد منك أن تضع يدك على قلبك بل على رأسك لتعتصر لنا المعاني والأفكار وتسقينا من تلك الأشعار ...
قول ياكبير قول ... قول وما يهمكش حاجة

الغالى جدا / صالح المزيون
كم أسعدنى ردك هذا
وكم ألهب من حماسى للشعر
انا أعتبره وسام بحق أحتفظ به
سلمت من كل شر
أتمنى التواصل الدائم