أم كلثوم اليوم على إذاعة الأغانى ستغنى - الصفحة 15

**EgyLoveR1980** · #**141** 15/01/2010, 05h08

اقتباس:

المشاركة الأصلية كتبت بواسطة احمد عبد الرسول

ياجماعة الست غنت اية ليلة امس الاربعاء ياريت حد يقولى 13 يناير

شدت اولا برائعه هلت ليالى القمر لرامى و السنباطى
ثم الامل لبيرم و الشيخ زكريا

**احمد عبد الرسول** · #**142** 15/01/2010, 22h46

شدت ام كلثوم اليوم الجمعة 15_1_2010 برائعة فكرونى من قاعة الاحتفالات بجامعة القاهرة فى يوم2_3_1967

**احمد عبد الرسول** · #**143** 16/01/2010, 23h04

شدت فأبدعت حقآ اليوم السبت16يناير2010 اية العظمة دى من اجمل حفلات دليلى احتار فى رأى حفل(4يوليو1957قصر النيل) تفاريد قانون الاستاذ محمد عبدة صالح فى الكوبلية الاخير (ياعينى) مش ممكن وكمان قبلها ياجمال يامثال الوطنية 23 يوليو1957 نادى الظباط بمصر الجديدة وشىء جميل جدآ ان اذاعة الاغانى تحاول ان تقدم اغنيتين ف السهرة عقبال كدة ما تقدم لنا حفل كامل بثلاث وصلات دى حتباة مفيش اجمل من كدة وعايزين نطمن على استاذنا ابو كارم مش باين بقالة كام يوم

**صالح المزيون** · #**144** 17/01/2010, 03h40

صدقت أخي الأستاذ أحمد حفلة دليلي احتار هذه تكاد تكون من أجمل ما غنت وخاصة في إبداعاتها لكلمة (وطيف بعدك) وتطريباتها فيها بعدة ألحان وقد غنت في هذا الحفل
الوصلة الأولى : إلى عرفات وفي الوصلة الثانية شمس الأصيل
ومعك حق فقد اشتقنا لقلم عزيزنا الأستاذ أبو كارم فعسى المانع خيراً إن شاء الله

**احمد عبد الرسول** · #**145** 17/01/2010, 22h17

ثورة الشك شدت بها ثومة اليوم الأحد 17-1-2010من حديقة الازبكية 4-12-1958

**احمد عبد الرسول** · #**146** 19/01/2010, 00h14

استاذنا الحبيب ابو كارم(وحشنا قلمك) غير متواجد منذ فترة على المنتدى يارب يكون خير واحنا مش عارفين من غيرة نعمل اية ومش عارفين الست غنت اية النهاردة الاثنين 18-1-2010ياريت حد يقولنا على مايرجع استاذنا باالسلامة

**صالح المزيون** · #**147** 19/01/2010, 00h39

أخوي أحمد بعد كده حاخدك غياب ...
لازم كل يوم تحضر معانا درس السهرة على إذاعة الأغاني عشان متفوتش عليك الدرجات ..
ودي آخر مرة وبعد كده لو غبت مش حصورلك المحاضرات ..!! اليوم غنت إنت الحب وهي موحودة في المنتدى

**احمد عبد الرسول** · #**148** 19/01/2010, 10h42

اقتباس:

المشاركة الأصلية كتبت بواسطة صالح المزيون

أخوي أحمد بعد كده حاخدك غياب ...
لازم كل يوم تحضر معانا درس السهرة على إذاعة الأغاني عشان متفوتش عليك الدرجات ..
ودي آخر مرة وبعد كده لو غبت مش حصورلك المحاضرات ..!! اليوم غنت إنت الحب وهي موحودة في المنتدى

استاذى العزيز صالح انا ماقدرش على زعلك ابدآ وانا مش عايز اتاخد غياب بس غصب عنى ساعات بكون ف الشغل مش بقدر اسمع الست بشتاقلها لما ارجع بس اوعدك انى احاول احضر كل المحاضرات ف السهرة وماافوتهاش عشان محاضرة الست اهم من اى حاجة وححاول ازود الدرجات بس انت ساعدنى ف الامتحان بتاع امبارح وقولى الحفلة كانت بتاريخ كام

**7abib** · #**149** 19/01/2010, 20h01

حفلة أمس يوم 18-1 كانت اغنية انت الحب بتاريخ 6مايو1965 كما قال مذيع اذاعة الاغاني ولكنها مختلفة تماما عن حفلة مايو الموجودة هنا في المنتدى, غير ان حفلة امس واضح جدا فيها المونتاج في بعض الاماكن.. بالنسبة لي انا اول مرة استمع لهذا الحفل .. ياريت لو حد يمدنا بالمعلومات الصحيحة

**احمد عبد الرسول** · #**150** 19/01/2010, 20h38

نعم اخى حبيب حفلة الامس انت الحب ممنتجة طبعا على طريقة اذاعة الاغانى اللى دايما بتعملها ف حفلات انت الحب ولكنها بنفس التاريخ 6 مايو1965 ومدتها الحقيقية 105 دقيقة اختصرتها اذاعة الاغانى الى ساعة واحدة دة حفلة انت الحب الاولى اللى مدتها 133 دقيقة تقريبا اذاعتها اذاعة الاغانى ف يوم واختصرتها فى ساعة واحدة بس تتخيل؟ هذة هى اذاعة الاغانى!