كلمات اغاني محمد فوزي

[غواص النغم]

يوم الخميس

يا ولاد بلدنا يوم الخميس هكتب كتابى حبقى عريس
الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

حكتب كتابى عالحلوه زوبه
وافقت عليا من خطوبه
ابوها قالى ليه السؤال ده انت فى بلدنا زينة الرجال
انا اشتريتك عشان لاقيتك كسيب وعتره وحمش فى بيتك
عشان عايزها حتبقى جوزها الغالى لك يبقى رخيص
اكتب عليها يوم الخميس

الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

حعملها ليلة ولا كل ليلة
دى حتبقى قصة بين كل عيلة
حجيب عوالم ومغنى ليها والزفه تبقى فرجة يوميها
وحروش سكر وريحان معطر زوبه عندى بالدنيا واكتر
حعمل وليمة غالية وقيمة يوميها هرقص كمان واهيص
يوم هنيايا يوم الخميس

الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

يا ولاد بلدنا يوم الخميس هكتب كتابى حبقى عريس
الدعوه عامه وحتبقى لمه
وحيبقى ليا فى البيت ونيس
يا يا ولاد بلدنا

صلاح فايز

[غواص النغم]

بتقوللي ايه يجرى

بتقوللي ايه يجرى لو ننسى بعضينا
ماتسأل الذكرى راح تعمل ايه فينا
*****
قضيت شهور وايام واقول وكله كلام
في الصبح اقول ح انسى دمعي وافراحي
والليل اذا امسى القى الهوى صاحي
اسهر واقول بكرة نرجع لبعضينا
وتقوللي ايه يجرى لوننسى بعضينا
ماتسأل الذكرى راح تعمل ايه فينا
****
اكذب عليك واقول نسيت وانا مشغول
واضحك وانا قلبي في الضحك متداري
يبكي على حبي وانت ولا داري
وتجي لو تدرى علشان تواسينا
وتقوللي ايه يجرى لوننسى بعضينا
ماتسأل الذكرى راح تعمل ايه فينا
****
إمام الصفطاوي

[غواص النغم]

مين هيَّ ..مين هيَّ..
مين هيّ وحي إلهامي وفنِّي
فين هيَّ إللي طيفها بيشاغلني
شاغلة فكري وشاغلة قلبي من جمالها
هي روحي ولحن حبي يادلالها
قولوا لي مين تبقى هيَّ
*****
كل نسمة أسألها عنها ياترى فاتت عليها
ولا شافت يوم عينيها ولا باست يوم إيديها
واسأل واعد الليالي ياليل إشتياقي
وافضل اصور في بالي هنايا يوم التلاقي
ياريت تكلمني وتقوللي مين هيَّ
ياريت تطمني وتقوللي فين هيَّ
قولولي مين تبقى هيَّ
*****
عايش على الأوهام راضي بحرماني
صابر على الأيام ياكثر اشجاني
كاس الهوى قاسي وشربته مع طيفها
إمتى ياليل كاسي يكون شفايفها
شاغلة فكري وشاغلة قلبي من جمالها
هي روحي ولحن حبي يادلالها
قولوا لي مين تبقى هيَّ
*****
عبدالعزيز سلام

[غواص النغم]

الساعة
إنتي ياساعة قوليلي بالحق
وانت ياقلبي انا سامع دق
*****
سيبت الساعة ووقفت بعيد
وبرضه الدق أتاريه عمّال بيزيد
سامع دقِّة حلوة ورقّة
قلت حقة دا حب جديد
إوعى تقول لأ انا سامع دق
إنتي ياساعة قوليلي بالحق
وانت ياقلبي انا سامع دق
*****
قوللي ياقلبي قوللي جرى ايه ؟
إللي فتني افتن لي عليه
إوعى تخبي تخبي ليه؟
دا انت فجنبي ومشغول بيه
إنتي ياساعة قوليلي بالحق
وانت ياقلبي انا سامع دق
*****
صالح جودت

[غواص النغم]

قلبي رجعلك قلبي

قلبي رجعلك عشان تسامحه
عشان ليالي فرحك وفرحه
بلاش تسيبه يرجع بجرحه
بلاش فراقنا يطول ويكثر شوقنا
قلبي رجعلك قلبي
****
بتقولِ مش حتسامح ..ولاتنسى ذنب امبارح ..وامتى دا كان ذنبي ؟!!
مش كنت تسأل قبلى.. وبدال ماتظلم اولى .. تعرف حقيقة حبي ؟
ماكانش الهجر منّه وفارقك غصب عنّه
كم من قلوب ظالمة الهوى
يستكثروا نفرح سوا
وقلبي جالك عشان تسامحه
قلبي رجعلك قلبي
****
كنت لما اقابلك .. اعمل مخاصمك.. وانا قلبي عايز يطير وراك!!
واتاري عيني ..وانا من حنينيى.. مش قادر اصبر على جفاك!!
كانت سحابة في نهارغرامنا
راحت وراحت ايام خصامنا
حبيبي هات لي قلبك أصالحه
قلبي رجعلك قلبي
****
أحمد عبدالوهاب

[غواص النغم]

يااللي انت بعيد

ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
*****
انا اللي قلبي عمره ما مال الا لما شافك يا حبيبي
سلم سلامه ساعتها وقال: لقيت منايا ونصيبي
وعنيك ياجميل ..بعثت مراسيل.. وفهمت كلامها ولاغيته
اه ولاغيته
*****
كان الميعاد ..شهرين اثنين.. حلفت ترجع بعديهم..
من يومها فاتوا كام شهرين ؟ عديت في قلبي ثوانيهم
إبعث لي وقول ..بعدك حيطول ..ولاَّ حتعود للي جافيته
اه اللي جافيته
*****
قالوا حبيبك جاي قريب ..ياهل ترى حيصون وعده ؟
ماليش سواه في الدنيا حبيب ..يواسي نار قلبي فبعده
خايف الأيام ..تطوي الأحلام ..وتضيع أملي اللي بنيته
اه اللي بنيته
*****
بينك وبيني ياروحي بلاد !! وازاي اعيش من غير روحي ؟
ياما خلفت ميعاد وميعاد ..غير اللقاء يشفي جروحي
واللي بقاسيه ..ع الناس باداريه .. ويبان للعين مهما داريته
اه مهما داريته
*****
ياللي انت بعيد ..والنار بتزيد.. والقلب شبكته ونسيته..
طال بعدك ليه ؟.. ونويت على ايه ؟
ياخوفي لاتنسى اللي هويته
ياللي انت بعيد
*****
حيرم الغمراوي