[QUOTE=حمدى شبانة;372383]
نسيت نفسى
**********
معايا جواز سفرى
وف جيبى تذكرتى
نويت على سفرى
حسيب ولاد حارتى
---------
أصحابى جت تسلم
وألأهل ودعونى
على الجميع باسلم
والدمع فى عيونى
----------
بصراحه بعد مقريت الموضوع كله لقيت إن البدايه حتي " والدمع في عيوني " أضعف مما جاء بعد ذلك
وفى الطريق سرحت
والعقل ما هدأ
هل بالسفر إرتحت ؟
ولآ التعب بدأ ؟
-------------
عجبتني أووى كلها علي بعضها خطفت عيني وأذني
القلب قاللى إرجع
خليك هنا فى مصر
والعقل قاللى إسمع
حتكون هناك ف قصر
-----------
الجزء ده بقي أنا حاسس إن جيت زمن تاني أنا معاك تفضل في مصر لكن مش هتكون في قصر والتعليق مش علي الاسلوب بل علي الفكره وأنا بتكلم من واقع
بدون شرح ودليل
القلب نطق يقول
عاالأهل وعاالخليل
-----------
حسيت إن الجزء ده ضعيف مش عارف ليه ؟؟
أما من أول دي كصر لسه فيها دخل قلبي علي طول حتي نهاية الموضوع
أتمني تراسلني علي الخاص لأن ممكن ألحن من أول دي مصر لسه فيها لأني بحب الأمل وحتي لو منكسرين
دى مصر لسة فيها :
صباح بخير ... بفلْ
صباح عليك عالكل
وصبية م الشباك
بعيون جميلة تطل
ومصر لسة فيها
الشلُـــة فى الحارة
وبخور على عطارة
و حبيبة بتغنى
يابو سمرة ياسمارة
ومصر لسة فيها
ميُة زلال يا نيل
شهد ياتمر نخيل
نسمة ف ليلة صيف
نجمة وقمرة وليل
ومصر لسة فيها
ف الفجر ديك يأدُن
قبل الأدان ... يأدُن
وفول بلمون و زيت
وسلطة وعيش ملدُن
ومصر لسة فيها
السهرة ف كل ليلة
وغورية وباب زويلة
وف سور الأزبكية
كتاب(دمنةو كليلة)
ومصر لسة فيها
هرم وفيها قلعة
والمش ف الزلعة
والشمس نعرفها
عز الشتا طالعة
ومصر لسة فيها
الميُة فى القلُة
والريحة فى الفلُة
النخل يطرح بلح
طرح الشجر ضلُة
ومصر لسة فيها
حرفين (ح)و(باء)
فيها الإمام وبولاق
حتى القرافة فيها
أموات مع الأحياء
-------------------
بقى كل دا أسيبه
من أجل مال أجيبه
المال بإيه حينفع ؟
اللى يسيب حبيبه
-----------------
للسواق قلت:ياريت
ترجع مكان ماجيت
قاللى حاجة نسيتها؟
قلت: أيوة نسيت
-----------------
نسيت نفسى أنا
نسيت حمدى هنا
لو حمدى منُى ضاع
مـيــــ أكون أناــــــن
**************
أنا شرحت وجهة نظري وإحساسي عن الموضوع أما النقد الفني من تخصص أعضاء أكثر علما وخبره
نسيت نفسى
العرض الشجري