تحليلات سيادة الرئيس ـ أبو على

[عفاف سليمان]

السلام عليكم ورحمة الله وبركاته
استاذنا سيادة الرئيس
استاذ( صلاح علام)
الصراحه العنوان شدنى
وقلت أدخل واشوف واسمع
واستمتع.....بكل ما قدمه الاستاذ سيادة الرئيس
والمقدمه الجميله الخفيفه
عن عم محمد الفيومى
ولا اخفى لحضرتك سرا أننى لاول مره استمع اليه
وجوه القلب اصونها
طبعا انا بتعلم منكم ومن تحليلاتكم
يمكن اقدر اتعلم ويمكن افهم
لكن يكفينى المحاوله
وبسعد بما تقدمونه مع التحليل والشرح الجميل المبسط الخفيف
تحياتى لحضرتك وتحياتى لمختاراتك الجميله
دمت لنا ولاسرة سماعنا الجميل
اجمل واطيب وارق الاوقات
اختكم عفاف

[الألآتى]

ماقدرش أرد كده ( بقيقى )

لازم أسمع ( وأمعنن ) .. وبعدين أرد على ( ميا بيضا ) .. ولا إيه يابو على .

فإلى اللقاء بعد ماأخلص ( التمعنين )

[الألآتى]

هاهاهاها .. يالهوى ..

شفت عمل إيه ياعم صلاح ..

المسألة مش بس زحلقة على الصبا .. وإلا كانت الحسبة تبقى مظبوطة بالأجناس ..

يعنى الطبيعى إنه كان يطلع من الراست مروراً على طبع السيكا ثم الصبا ..

فيعمل ( بستنكار ) .

لكنه ( إبن الأروبة ) ماعملش كده ..

ده أخد سلم الراست كله لأخره .. وبعدين طلع على الرى بيمول ( الجواب )

وأصبح بقدرة قادر .. فى صبا ( الحسينى )

والمسألة دى لو حللناها .. حانلاقيها مش مجرد خبرة .. لأ .. دى صياعة مقامية ..

لأنه بالطريقة دى .. مالعبش فى حروف السيكا .. خلاها فى مكانها .. يعنى المى سيكا زى ماهى ..

والسى سيكا زى ماهى .. على فرض إنه بيقول من راست الدو .

بس كان نفسى أعرف هو راح فين بعد كده ..

أهى دى العالم إللى الواحد بيتعلم منها ..

[صالح الحرباوي]

سلام و احترام،
الله الله الله ... على هذه النفحات الرائعة التي يستخرجها لنا فخامة الرئيس أبو على من حين لآخر ...
أنا شخصيا اسمعت كثيرا لهذه الرائعة للشيخ محمد الفيومي (الذي كان السبب في تعرفي و انظمامي لمنتدى سماعي) ... لكن كأي سميع غير مختص في المقامات، لم أنتبه لهذه التحولات العبقرية التي شرحها لنا بكل تبسيط و اقتدار المايسترو أبو حسام ...

فشكرا جزيلا لكما ...

[samirjenhani]

المشاركة الأصلية كتبت بواسطة الألآتى

ده أخد سلم الراست كله لأخره .. وبعدين طلع على الرى بيمول ( الجواب )

وأصبح بقدرة قادر .. فى صبا ( الحسينى )


بس كان نفسى أعرف هو راح فين بعد كده ..

أهى دى العالم إللى الواحد بيتعلم منها ..

يا سلام يا أبو حسام ،أنا فعلا نفسي أعرف راح فين بعد الصبا حسيني؟؟ تصوري و حدسي يقول ربما يعود الى الراست، ليكون قد قدم لنا مقام الدلنشين و الله أعلم .هي البقية فين يا أستاذ صلاح؟؟ عشان نرتاح. دائما في اختياراتك الراقية. مع الشكر

[الألآتى]

المشاركة الأصلية كتبت بواسطة samirjenhani

يا سلام يا أبو حسام ،أنا فعلا نفسي أعرف راح فين بعد الصبا حسيني؟؟ تصوري و حدسي يقول ربما يعود الى الراست، ليكون قد قدم لنا مقام الدلنشين و الله أعلم .هي البقية فين يا أستاذ صلاح؟؟ عشان نرتاح. دائما في اختياراتك الراقية. مع الشكر

فعلاً والله ياأستاذ سمير .. ممكن يكون راح على الدلنشين .. أو رجع عن طريق الأثر كرد .. أو أى حاجة

أصل الناس دى .. ممكن تعمل أى حاجة غير متوقعة .. وبتفكرنا بالمقامات الغير مستعملة اليوم ..

أجمل شئ فى أبو على .. إنه بينّقى الحاجات إللى بتوجع .. ويركز عليها .

والله جبتها لنفسك يا بو على
أولا وهذه مقبولة منك انك فهمتنا ان الموسيقي المتعلم يستمتع اكثر من حالاتنا الجهلة في تحليل المقامات
ماشي يا سيدي
الثانية انك لاعب علينا انك اختصرت التسجيل ،،، و مش فاكر ليه (لازم ارجع لمشاركتك لأعرف السبب اللي انا مش مقتنع به اصلا)
يعني بتذاكر من ورانا و لوحدك

التسجيل مش موجود عندنا في المنتدى يا جماعة والراجل متكتم عليه ،،، قال إيه اختصار للتسجيل

ماشي يا بو على

نستنى رأي الغيورين لنصلت العقاب

والعقاب انا اقترحه للعامة

1 - رفع الملف كامل ...... ده ما فيش كلام

2 - وعشان تكفر عن عملتك

ترفع لنا 3 ملفات اخرى مش موجودة عندنا

يعني : طلعت حكاية انت يا عم الريّس

[هيثم أبوزيد]

التسجيل موجود يا أستاذ زمنطر
والغريبة أنك أنت الذي رفعته في اففتتاحك لصفحة الفيومي
هنا

أما لو كان كلامك لمجرد الضغط على الرئيس كي يرفع ملفات جديدة للفيومي، فلا بأس، ونحن معك، والتسجيل مش موجود