أعمال من تنفيذ الفنان محمد الآلاتي

**unicorn** · #1 30/09/2009, 00h59

اقتباس:

المشاركة الأصلية كتبت بواسطة abuzahda

عمّي محمد

ممكن ، و حياة حسام و كريم

تقولنا أسماء المطربين من حيث التقسيمة ؟

يعني مين غنى إيه ؟

كوبليه ... كوبليه

علشان تعليقي على الغناء يكون له طعم و معنى

بس وحياة أولادك تصارحني

إوعى تقوللي: ربنا أمر بالستر

أنا مستني الغلاف بتاع الألبوم متضمناً كل عناصر هذا العمل المفاجأة

أهو دة اللى كنا خايفين منه يا استاذ سيد ,
إحنا سايبينها عايمة عشان ما حدش يتعرف , تقوم تيجى برضه عشان تكشف المستور
تصدق بالله , و الله كنت متأكد إنها هاتيجى منك إنت بالذات يا أستاذ سيد
الترتيب يا باشا زى ما المايسترو قدمه بالظبط ,أ. المشاعلى و بعدين العبد لله و بعدين غازى
على فكرة هما ظلمونى و خلونى أسجّل أول واحد و قعدوا يضحكوا على شنبى و هو بيغنى غنوة حريمى
آه لو سمعوها أهلى فى البلد ........
هايرجعونى لمقابر العائلة مفصص فى شوال

**abuzahda** · #2 30/09/2009, 01h59

على فكرة هما ظلمونى و خلونى أسجّل أول واحد

بالجملة دي بقيت مطرب أصلي - من بتوع اليومين دول - يا معلم

أيوة ! صح كده !

أنا بشوفهم في الفضائيات يا محمد

أول ما المذيعة تطلب منهم يغنوا ، يقولوا كلام من ده:

معلش أصل عندي برد
أصل حواجبي بتنأح عليا
أصل خلوني اغني أول واحد

برافو يا نجم

هعيد سماعها على ضوء توضيحاتك علشان اعرف مين اللي كان بغني و هو بيغرق ده (قطع نفسي و انا بسمعه) ، مصيبة ليكون انت يا حمو ! ، معقولة اسكندراني يغرق ؟!