خريطة

**علاء قدرى** · #2 28/08/2009, 23h44

اقتباس:

المشاركة الأصلية كتبت بواسطة ناصر دويدار

خريطة

فارد خريطة روحى ع السبورة
ماسك ف أيدى عصاية الأستاذ
بشرح لكل الفصل
حصة الجغرافيا
وتضاريس الحدود
بشاوّر0000
الحب مش بالعافية
هنا البحر وشجرة الصفصاف
هنا الطبلية ساعة اللمة
واخدة شكل هلال
برج الحمام
مزروع فوق التلال
(فيروز)
بتغسل وساخة الأوطان
بالغُنا الشفاف
هناك غيطان قمح
ومكنة طحين
ريحة العجين
قبل الخبيز
أفيون
الفرن فاتح صدره للحطب
حضن الجنون
دكاكين سعادة بتبيع الأمل
شبابيك مفتوحة شمس
سألنى تلميذ خبيث
ف أخر التختة
لما أنت كلك جناين
وعصافير حياة
أمُال عيونك فيها ليه
بير غويط من أنهزام
شاورت بعصاية الأستاذ
أدارى جرح كبير
فى نص الخريطة

فى قلبـــــــــــــــى

الله لما توصل القضية ؛ فى شكل حدوتة ؛ جميلة مرسومة ؛ موش متكررة ؛ زى اللوحة الجميلة ؛ مطلوب بص قراءتها بصورتها الصح ؛ من غير زواق ؛ ولا الفاظ مبهمة ؛ هى دى المعلمه ؛
على فكرة التلميذ ده موش خبيث ؛ لكنة مجروح زيك تمام ؛ بيحلم و امامه واقع ؟؟؟ طب يعمل ايه غير انه يحط ايده على موضع الداء ؛ طالبا منك الدواء و انت لا تملك سوى بضعة كلمات؟؟؟؟
(افضل انت حط لنا علامات استفهام يا عم ناصر و ربنا يعينا على احنا فيه)