هل كل الحلوين زيك

**علاء طه ياسين** · #1 27/08/2009, 11h57

يا راسمة وجعي كتاب
ويا مالية مدايني ضباب
ويا واخدة غناوي الفرحة
ويا تاركة دموع وعذاب
طالع من شوقي توسل
طالع من قلبي عتاب
هل كان الحب تمني
هل كان الوعد سراب
هل كل الحلوين زيك
ف عيونهم هوي كداب
هل ينفع طيب أجيلك
ولاّ انتي قفلتي الباب

علاء ياسين

**صبره ابو حسن** · #2 27/08/2009, 13h58

اقتباس:

المشاركة الأصلية كتبت بواسطة علاء طه ياسين

يا الراسمة وجعي كتاب
يا المالية مدايني ضباب
يا الواخدة غناوي الفرحة
والتاركة دموع وعذاب
طالع من شوقي توسل
طالع من قلبي عتاب
هل كان الحب تمني
هل كان الوعد سراب
هل كل الحلوين زيك
ف عيونهم هوي كداب
هل ينفع طيب أجيلك
ولاّ انتي قفلتي الباب

علاء ياسين

الله على الحلاوه والجمال
لا ياسيدى اتفضل البيت بيتك
حد يقدر يقفل باب قدام
الفنان الكبير علاء ياسين

**سعدالشرقاوى** · #3 27/08/2009, 17h30

شقيق الروح/أبوياسين
انت بتقابل الحليوه حمدى السمر؟
اللهجه دخلت فى بعضها

يا الراسمة وجعي كتاب
يا المالية مدايني ضباب
يا الواخدة غناوي الفرحة
والتاركة دموع وعذاب
طالع من شوقي توسل
طالع من قلبي عتاب
يالراسمه
يالماليه

وأخوك حمدى معتكف من بدرى واللا ايه
يا الراسمة وجعي كتاب
يا المالية مدايني ضباب
يا الواخدة غناوي الفرحة
والتاركة دموع وعذاب
طالع من شوقي توسل
طالع من قلبي عتاب
يالماليين سماعنا غناوى
ايه الجمال ده

تحياتى/سعدالشرقاوى

**علاء طه ياسين** · #4 27/08/2009, 20h29

الأستاذ الكريم
صبرة أبو حسن

شكرا خالص علي التعليق الحلو ده ..
بس بصراحة هي قدرت وقفلت الباب ..
ياللا ..
منها لله ..

الوردة دي مني ليك

علاء ياسين

**علاء طه ياسين** · #5 27/08/2009, 20h33

توأمي سعد الشرقاوي
ورفيق دربي
وأخي شقيقي

نشيل الألف واللام السوداني
ونخليها بالصعيدي

ياراسمة وجعي كتاب
ويا مالية مدايني ضباب
وياواخده غناوي الفرحة
ويا تاركة دموع وعذاب

من غير وجودك المنتدي بالنسبة لي يفقد معناه

وحمدي السمر مش عارف ماله مختفي ليه ..
عاوزين حد يطمنا عليه ..
نشوف أخونا طارق العمري هو يعرف سوداني كويس عننا ..
بس مش عارف ليه طارق العمري بقاله يومين تلاته مختفي ..

نتقابل دايما بالخير

علاء ياسين

**على عبداللاه** · #6 27/08/2009, 20h51

المتميز / علاء طه ياسين

فى البدايه مش كل الحلوين زيها .. على الأقل دى قفلت الباب بس أنا أعرف حلوين تانيين قفلوا الباب بعد كسر قله قناوى .. اللى أنا مستغربله بقه إزاى يجيلها قلب تقفل الباب فى وش واحد كلماته أصلا نغم ... هى الخسرانه ..
خدلك ورده بقه

ولا اقولك هكملهملك اربعه

تقبل منى التحيه

**NAHID 76** · #7 27/08/2009, 21h18

بسم الله الرحمن الرحيم
طيب ومالها اللام السودانى
دى حته عطيلها حلاوه
والسودان شقيقه مصر ضمنا التوزيع فى السودان
وكمان علشان نجامل حمدى السمر
بس أيه رأيك ياخال
مش برده جميله
وفيها تنوع وأفاق وسعه كبيره
حساها بالرغم من قصرها أنها واسعه المعانى رحبه وزاخره بالكلام
تحياتى بالمصرى والسودانى

**علاء طه ياسين** · #8 28/08/2009, 11h16

الرائع دائما
علي عبد اللاه

الوعد والقسمة كدا
نعشق عيون بالشكل ده
نمشي ف هواها ألف ميل
وياخدنا ليل من بعد ليل
نعمل عشانها المستحيل
وبرضو ماننولشي الرضا
....
ولك مني باقة الأزهار هذه
....
علاء طه ياسين

**علاء طه ياسين** · #9 28/08/2009, 11h37

المتربعة علي عرش الردود الممتعة بلا منافس
والمدهشة الحضور دائما
مدام ناهد

يا أسمي من كل الكلام
يا زينة يا مثال الأدب
ياضحكتك !!! ... تطلع تطوف
تمسح عن الأرض التعب
يا ستي .. يا ست الشعور
يا نخلة بتسقّط رطب
أجمل حروفي هو ده
اللي علي ايديكي انكتب

علاء طه ياسين