قصر الوهم العالي

**رائد عبد السلام** · #1 11/08/2009, 11h30

اقتباس:

المشاركة الأصلية كتبت بواسطة علاء طه ياسين

قلبي الشجر الطارح ضله
بقا مبيستحملشي مذلة
وانت مجرد كلمة ف غنوة
غصبن عني نطقها لساني

كنت باعيش في خيالي ليالي
ابني ف قصر الوهم العالي
وانت تدوس علي نقطة ضعفي
وانا فاكراك بتضحي عشاني

كنت مبتحبش غير نفسك
ضعفك كان عمال بينافسك
مش شايف غيرك في الدنيا
يعني بكل بساطة أناني

علاء طه ياسين

كان عمنا جاهين بيقول لعم أعمامنا فؤاد حداد :
أنا أشهر منك وأنت أشعر مني !
فيرد عليه عمنا حدّاد : وأنت أشطر مني علشان بتقص
الشعر بمقص محترف ..

افتكرت الحوارية الفلسفية دي
أثناء قراءتي لواحدة من أغانيك الجميلة

أنت شاعر .....وشاطر
الله ينور ياعلاء

**ahmedazmy_2009** · #2 11/08/2009, 17h23

انا قرأت ليك اكتر من عمل بس بجد العمل ده مختلف
كلام بسيط ومعاني عميقة بحييك من كل قلبي ودايما
منور المنتدى بموضوعاتك تقبل مروري

**علاء طه ياسين** · #3 14/08/2009, 09h48

المدام المدهشة الطلة
ناهد

أعتذر عن تغيبي في الرد وذلك لسوء خدمة النت في قريتي ..
وحين عاد النت
ووجدت ردك
فرحت جدا بيه ..
وحاولت أثأر لنفسي
بس المهم الثأر مش يكون بالكلام ..
يكون بالأفعال ..
ادعيلي ..
لك مني هذه الزهرة
علاء

**علاء طه ياسين** · #4 14/08/2009, 11h48

الخال الشاعر
رائد عبد السلام

مش قولت لك قبل كده
انا فيا حاجة منك
...
مرورك لموضوعوعاتي يزيدني شرف
وشهادتك ليا وسام
...
بس رجاء
متغيبش عننا كتير
...
أقدم لك باقة ورد

علاء

**علاء طه ياسين** · #5 14/08/2009, 11h50

الأستاذ الفاضل
أحمد عزمي

بداية تقبل مني هذه الوردة

ونورت موضوعي في أول تعليق ليك علي مواضيعي
وأشكرك جدا علي اهتمامك ومتابعتك
وأتمني التواصل دائما

علاء