العاشق لما يكون غاوي

[ايهاب عامر]

المشاركة الأصلية كتبت بواسطة علاء طه ياسين

ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين

...
..
.
علاء

السلام عليكم ورحمه اللة وبركاته
اخى الفاضل الاستاذ علاء
جميله كلماتك
الموسيقى تخرج من بين الكلمات فى سلاسه

يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية

رائعه اخى الكريم هذه الجزئيه
تقبل خالص تحياتى