حالة العشق المحالة

[Tarek Elemary]

ست الكل يا مدام ناهد
شكراً لكرم أخلاقك
شكراً لحفاوتك و ده اللى بيزود غلاوتك
ألف كلمة شكر ما توصف حلاوتك

[سعدالشرقاوى]

هيّا امّى هيّا أمّك
هيّا صدر حنون يضمّك
هيّا شريان الحياه
يجرى فيه دمّى ودمّك
,,,,,,,,,
آدى العزيمه يابلد
فى قلب (طارق) تتولد
شوفنا البشاير من عنيه
(والبنت حامل فى الولد)
,,,,,,,,,
من يوم ماكنّا الحب كان
وقلبه حبّك من زمان
وجه يصحّى القوّه فيكى
امّا قال( آن الاوان)
,,,,,,,,,
انهضى يا ام البلاد
وارمى عطفك ع الولاد
ينشدوا غنوة حياتك
بالقلوب يوم المعاد
,,,,,,,,,

[Tarek Elemary]

إنت جبت الصورة دى منين؟
==========
هىَّ دى أمى و بنتى
و أحلى حاجة فى دنيتى
هىَّ دى اللحن اللى مالى غنوتى
هىَّ حتى النور ينوَّر سكتى
هىَّ لون الفرح مالى ضحكتى
سلمى ...
ومين فى الدنيا عنده سلمتى؟
فيها من أمى الحنان
حضنها هو الأمان
إبتسامتها تهوِّن كل همى
مهما كانت بلوتى
فيها لون النيل و مصر
و الصفات ما لهمش حصر
المزايا و الهدايا اللى بعتهم ربنا
من يوم ميلادها جايزتى
مهما قلت و مهما عدت
الشكر لله اللى أعطى
مش كتير
بس يا أكبر كبير
أنا باعترف
إنى رضيت بعطيتى

====
إنت جميل يا عم سعد
كلامك و سلامك و حتى أحلامك
ربنا يباركلى فيك