من اجلكم رشحت نفسى(هريدى) - الصفحة 2

**سعدالشرقاوى** · #11 02/07/2009, 16h37

استاذى /عادل سيد
شرفنا بمروركم الكريم
وكم تحمل لنا هذه الصوره الرمزية
من تفاؤل وسعاده وربنا يخللا لك صاحبها
ونفرح بيه
يارب

**سعدالشرقاوى** · #12 02/07/2009, 16h45

شقيقى الاستاذ/علاء طه ياسين
الاسمر ابن النيل
صاحب احلى الغناوى
والمواويل
دايما متألق كالعادة
أستاذ في مجالك وزيادة
تحت التوتة غاوي تمخمخ
وكلامك باعتبره شهادة

علي حال أصبح كله بلاوي
مش ينفع فيه ألف مداوي
وهريدي د أصلا كان حاوي
غشاش .. ودي حالته المعتادة

تسلم لنا .. تسلم أفكارك
ربنا يرمي الفرح ف دارك
وتكمل بالخير مشوارك
وتعيش في محبة وسعادة
ماشى يتنفس اشعار
ولازم ينفعك ودا حال المؤمن كل امره خير

**سعدالشرقاوى** · #13 02/07/2009, 16h51

الاخ الاستاذ/طارق العمرى
جميل ان يكون لك قلب انت صاحبه
والاجمل ان يكون لك صاحب انت قلبه
ما اروع هذه الاضافه
وما اشد حاجتى اليها

يا مصر فيكى كام هريدى
بدوى فلاح أو صعيدى
دا حتى فى البندر لاقيته
ملو الهدوم سيدك و سيدى
***
هباش و باشا و برضه قيمة
ناصب فى رمضان الوليمة
شكل إجتماعى مش ورع
تخدير لحد ما يلم الغنيمة
تسلم لى استاذى

**علاء قدرى** · #14 02/07/2009, 17h22

صديقى الشاعر الجميل \عم سعد الشرقاوى
نقد الشاعر قطعة سكر ؛ توضع على كاس الوضع المؤلم
فتجعله اقل مرارة؛
ضع سكرك فى واقعنا الاليم؛ يا صاحب الرؤية المميزة
والقلب الطيب الجميل

**سعدالشرقاوى** · #15 03/07/2009, 22h52

الاخ المحترم الاستاذ/علاء قدرى
انت السكر يااحلى من السكر
تسعدنى جدا مشاركاتك الدسمه
التى تختصر المفيد فى اقل الكلمات
ربنا يحفظك يابو الكرم

**سيد الموجى** · #16 09/10/2010, 11h46

الشاعر الجميل / سعد الشرقاوى
اعادت قصيدتك الجميلة لذاكرتى إحدى رباعياتى التى اقول فيها

فى البرلمان اياهلنا نايب
لكنملهشى فى الكلام نايب
سألت عضو زميله عنده زكام
دعنه ، عطس عطسة وقال : نايب !
0000000000
دمت ودام إبداعك