مربوع موجوع

**علاء طه ياسين** · #1 16/06/2009, 11h42

الأخ الكبير / طارق العمري
اسمح لي بالمشاركة معاك .. بعد الكلام الحلو اللي إنت كاتبه ..

بداية العشق غنواية ...
وقعدة ف ضل شجراية ...
وبنوتة بشعر حرير ...
بتتمرجح في نسماية ...
وضحكاية كما العصافير ...
بتتسرسب لجوايّه ...
وهبة عطر في المشاوير ...
بلا بداية ولا نهاية ...
ولا نقدر علي المقادير ...
ونبقي قصة وحكاية ...

علاء

**Tarek Elemary** · #2 16/06/2009, 12h03

اقتباس:

المشاركة الأصلية كتبت بواسطة علاء طه ياسين

بداية العشق غنواية ...

وقعدة ف ضل شجراية ...
وبنوتة بشعر حرير ...
بتتمرجح في نسماية ...
وضحكاية كما العصافير ...
بتتسرسب لجوايّه ...
وهبة عطر في المشاوير ...
بلا بداية ولا نهاية ...
ولا نقدر علي المقادير ...
ونبقي قصة وحكاية ...

أهلا بيك و بمشاركاتك التى تضفى عبيرا و بهاءا
و جواً من الصدق و الإنسيابية للمعنى
دمت لى علاء الود و علاء الروعة

**علاء طه ياسين** · #3 16/06/2009, 12h15

الأخ الكبير / طارق العمري
ده إنت اللي وجودك ليه مذاقه الخاص ..
وكلامك ليه متعته وحلاوته ..
وأنا اللي بأتشرف لما أكتب مداخلة في موضوع من مواضيعك ..
ربنا يحفظك ..
ودي حتة دلع كده ..

يللِّي تاعبني ومغلبني
آه منك آه منك ياني
أهرب منك وأبعد عنك
تيجي لحدي وتترجاني
وأَمَّا أَقَرَّبْ ترجع تهرب
وبتوجعني وتتحداني
شكلها باظت شكلها خربت
ولا يمكن تتصلح تاني

علاء

**سعدالشرقاوى** · #4 16/06/2009, 13h43

استاذى/طارق العمرى
شوفت اللخبطه اللى بتقدر تسببها
للى يرد عليك
شوفت الحيره اللى انا فيها
لازم توقفه فى وسط بستان مليان ورود
والمهم الرائحه العطره
لاتستطيع ان تحدد مصدرها
ولا من اى الزهور تنبعث
معلهش المهم اللى
يدخل بستانك
ياكبير
يسنتنشق احلى
عبير

**Tarek Elemary** · #5 16/06/2009, 13h48

اقتباس:

المشاركة الأصلية كتبت بواسطة سعدالشرقاوى

استاذى/طارق العمرى

شوفت اللخبطه اللى بتقدر تسببها
للى يرد عليك
شوفت الحيره اللى انا فيها
لازم توقفه فى وسط بستان مليان ورود
والمهم الرائحه العطره
لاتستطيع ان تحدد مصدرها
ولا من اى الزهور تنبعث
معلهش المهم اللى
يدخل بستانك
ياكبير
يسنتنشق احلى

عبير

يا عم الكل يومك فل يا أبو أحمد
و لو هزيت سنان قلمك هاتتحفنا بكلام اجمد
نسيم العصر تحت التوتة يوحيلك
و حبة شاى على الراكية و أنا مِتَّكى على مَسْنَد

**عفاف سليمان** · #6 19/06/2009, 11h40

اقتباس:

المشاركة الأصلية كتبت بواسطة Tarek Elemary

بكفوف حنانى سقيته طلب يدوق تانى

وهبته كل الحنان و إديته ما إدانى

جرَّحنى بين الصحاب ما عرفت أرد عليه

لما الحبيب يظلمك مين ينصفك تانى؟

شاعرنا الرقيق الثائر العاطفى
الاستاذ طارق
تلك الرباعيات احترت فيها
من جمال معانيها
وخفه الكلمات فيها

تحياتى لك استاذنا وشاعرنا الرقيق

وتحياتى لمخيلتك الجميله
وسلمت يداك والينا مزيدا من الرباعيات الجميله
فكاننى ارى صلاح جاهين يدك طولة العمر ورحمة الله عليه
تحياتى باسعد الاوقات
اختكم عفاف

**Tarek Elemary** · #7 23/06/2009, 11h40

اقتباس:

المشاركة الأصلية كتبت بواسطة عفاف سليمان

شاعرنا الرقيق الثائر العاطفى
الاستاذ طارق تلك الرباعيات احترت فيها من جمال معانيها
وخفه الكلمات فيها تحياتى لك استاذنا وشاعرنا الرقيق

وتحياتى لمخيلتك الجميله
وسلمت يداك والينا مزيدا من الرباعيات الجميله
فكاننى ارى صلاح جاهين يدك طولة العمر ورحمة الله عليه
تحياتى باسعد الاوقات
اختكم عفاف

شكراً عزيزتى مدام عفاف
و أنا فين و جاهين فين .... أنا أجدع طبعاً

تحياتى و شكراً لمرورك الكريم

**سعدالشرقاوى** · #8 23/06/2009, 13h20

اخى الحبيب
استاذى/طارق العمرى
حقيقى
من اول لحظه الناس عرفوك
فى سماعى لقيتهم بيحبوك
ورغم الشـّدة اتعلموا منك
وتاريخ تعيينهم يوم ماشافوك
,,,
ولثقافتنا يدوب تتكلم
منك كل الناس تتعلم
كلمة حق بتنطق بيها
ومابتقبلش كلام مترمم
,,,
يارب الدنيا تسيبك لينا
لمّا نحقق بيك امانينا
اصل نشاطك شيء مش عادى
وعين الناس بتبص علينا
,,,
ابحتر كلمه وكلمه اساوى
ولوحصّلت ماقال الراوى
هيّا تحيّة حب بسيطه
من اخوك/سعدالشرقاوى
,,,

**Tarek Elemary** · #9 23/06/2009, 14h02

اقتباس:

المشاركة الأصلية كتبت بواسطة سعدالشرقاوى

اخى الحبيب

استاذى/طارق العمرى
حقيقى
من اول لحظه الناس عرفوك
فى سماعى لقيتهم بيحبوك
ورغم الشـّدة اتعلموا منك
وتاريخ تعيينهم يوم ماشافوك
,,,
ولثقافتنا يدوب تتكلم
منك كل الناس تتعلم
كلمة حق بتنطق بيها
ومابتقبلش كلام مترمم
,,,
يارب الدنيا تسيبك لينا
لمّا نحقق بيك امانينا
اصل نشاطك شيء مش عادى
وعين الناس بتبص علينا
,,,
ابحتر كلمه وكلمه اساوى
ولوحصّلت ماقال الراوى
هيّا تحيّة حب بسيطه
من اخوك/سعدالشرقاوى

,,,

عم سعد الرائع
أروح فيك فين يا سليل الفلاح الفصيح و العربى الفصيح

تسلملى يا عم سعد

**NAHID 76** · #10 01/07/2009, 16h43

بسم الله الرحمن الرحيم
الشاعر الثائر طارق العمرى
والله من أول مربع موجوع لحد أخر رد
حاجه تفرح القلب
شباب زى الورد وردود أحلى من الشهد
وأيه
كلها بالشعر والسجع
لسه الدنيا بخير طالما فيها هذه النخبه الرائعه التى تهتم فى هذا الزمن بالشعر والجمال وهموم المهمومين
والله جميله البنوته
الى بتخلى القلب يهفهف
تحياتى لكل من أثرى الموضوع