الحاج سلومه بيبنى حكومه

**Tarek Elemary** · #1 15/06/2009, 18h25

اقتباس:

المشاركة الأصلية كتبت بواسطة سعدالشرقاوى

الاخت الاستاذه/عفاف سليمان

صاحبة اجمل حكايات (تحت التوته)
تحت التوته
حكيت عن صبيه
جرينها بطرحتها والضفاير مستخبيه
قلتلها رايحه فين يا صبيه
قالت لك خُد بايدى انا مغَميه
نور لى طريقى ورجعنى
من الايدي العُصبجيه
قلت لها علشانك يا صبيه
تهون الدنيا عليه
ولا يوم تهونى
ولا عيش ساعه ولا ميه
الا لما تكونى فى دارك يا صبيه
لابسه شالك وضفايرك مستخبيه
ولعيونك يا صبيه
هلف القرى اللى حواليه
احكى لهم عن جمالك
وضفايرك الابيه
لا تبان على حد غيرى
الا لشمس تشع فيها نور
ونسيم الهوى يهفهف على خدودك
وانت نازله الترعه تملى الميه
لعيونك يا صبيه راح اتحدى كل الكون
واجيب لك شالك وطرحتك
وعلى شط الترعه جمب التوته
راح احكى قصتك
واغنى غنوتك
يعنى تحرمينا من الكلمات
الجميله دى
عشان عامله لنا حساب وخايفه من النقاد
بتوعنه اللى مابيرحموش
صدقينى همّا حالفين لك ولو حتى كتبتى الاطلال
بعد اذن الشاعر ابراهيم ناجى لازم من التحبيشه
بتاعتهم الحلوه دى

لك عظيم الشكر ياستاذه على00وعلى00وعلى00

شعللها شعللها
ولعها ولعها
هى دي بداية المواطنة؟
يا مواطن؟

**عفاف سليمان** · #2 15/06/2009, 20h49

استاذنا وشاعرنا طارق
يعنى مفيش شجعها شجعها
وبعدين يا سيدى هروح منكم فين ولا من النقد البناء
تحياتى لكم جميعا
والى لقاء جديد
اختكم عفاف

**Tarek Elemary** · #3 15/06/2009, 21h35

اقتباس:

المشاركة الأصلية كتبت بواسطة عفاف سليمان

استاذنا وشاعرنا طارق

يعنى مفيش شجعها شجعها
وبعدين يا سيدى هروح منكم فين ولا من النقد البناء
تحياتى لكم جميعا
والى لقاء جديد
اختكم عفاف

مدام عفاف
الراجل بيقول حالفينلك و لو حتى كتبتى الأطلال
يبقى مش بيشجع
ده أحسن واحد يعمل مقالب دمها خفيف
مثله و مقبول منه أى شيء
انا بس بشاكسه

**سعدالشرقاوى** · #4 16/06/2009, 06h49

استاذى/طارق العمرى
صباح الخيرات والبركات
انا كان قصدى ان الاخت عفاف
تنتهز الفرصه والمثلث بتاعكم ناقص ضلع
وعلى ما الحاجه ناهد تعمّر النت
وانت تروح مشوار
تكون كتبت لها كام قصيده
بس الظاهر لكم عيون خفيه
ومافيش فايده

**Tarek Elemary** · #5 16/06/2009, 06h52

اقتباس:

المشاركة الأصلية كتبت بواسطة سعدالشرقاوى

استاذى/طارق العمرى

صباح الخيرات والبركات
انا كان قصدى ان الاخت عفاف
تنتهز الفرصه والمثلث بتاعكم ناقص ضلع
وعلى ما الحاجه ناهد تعمّر النت
وانت تروح مشوار
تكون كتبت لها كام قصيده
بس الظاهر لكم عيون خفيه

ومافيش فايده

عم سعد
بيقولوا العاشق ينقط بطاقيته
و اللى يصبر ينول
لو كده يبقى عندها من بعد الواحدة صباحا حتى الثامنة صباحا
اضمنلك إن المثلث يكون من غير أضلاع خالص
و صباحك دريم (قصدى أحلام)