صوتك
صوتك نسيم مليان دفا
صوتك أحن من الوفا
و كأنه نجم فـ ليلى لاح
رمالى نوره و إكتفى
***
و الحب مافيهوش إقتناع
مافيهوش وشوش ورا القناع
مافيهوش حقيقة غير الهوى
مافيهوش مظاهر أو خداع
***
خلَّانى ليه أفرِد شراع
لمركبى و يقول وداع
أنا قلبى مرسى
و هوه ينسى
أنا إشتريته
و هوه باع
***
عيِّشنى فى الحلم الكبير
و كلام كأنه خيوط حرير
و بقيت مصدق دنيتى
إنتى الأميرة و أنا الأمير
***
يا قلب بيدق بهوى
يا فرحتى أما نكون سوى
يا عمر عطشان من سنين
و كأنه عمره ما إرتوى
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
صوتك
العرض المتطور
