عبد الناصر مات

[سعدالشرقاوى]

والدى الحاج /مصطفىزقزوق
اهلا بعودك الحميد
بين اهلك وعشيرتك
اخوة عبدالواحد
ان ماعرفناه عن عبدالناصر تلقيناه
ولكنك معاصرا اطال الله فى عمرك
وتعرف عنا الكثير
(لقد فقدت افريقيا ابنا بارّا من ابنائها
لقد كان ناصر بالنسبة لنا تجسيدا لاكبر درجات الشرف
والكرامة , فقد كان رجل عمل بطلا ,ورجل ايمان سيطر
على اعظم المواقف صعوبة , وواجه الاحداث بشجاعة
واتّزان)
(ليوبولدسنجور)
رئيس السنيغال)

[بشير عياد]

المشاركة الأصلية كتبت بواسطة سعدالشرقاوى

ياجناح حمامة سلام بقلوعك الفارده
ع التوته بترفرفى وعلى سطحها وارده
على ايه خاصمتى المكان ومن زمن شارده
هفهف جناحك بمسك يعطرّ التوته
خلللاّ نسيم الغيطان يحلوّ يا(مارده)

خماسيّة تتوزن بالدهب
أيه الدهب ده يا عم ؟؟؟؟
روعة روعة روعة
نقلتني من صمت ليل الإسمنت في القاهرة
إلى براح المزارع والتوت واليمام والعصافير
الله الله الله

[محمدعبدالمعطى]

ناصر مماتش
امة ان طل القمر
على الشجر علشان يدارية
وان عدى يامة ع الشوارع ودق ع الابواب
بصيلة يامة بدمعتك بحمرة العناب
وقوليلة يامة معادش ليك هنا فى مصر احباب
وقليلة انك
بتروى يامة بدمعتك ولدك
حبيبك
وقليلة ضاعت شمعتى فى قلب الطريق
وقليلة ادى بسمتى برميها فى قلب الحريق
برميها فى الصهد اللى طالع من قلوب اولادى
برميها فى الحزن اللى مالى البيوت والوادى
وف وسط مادنة من نحاس
نندة مانسمع غير صدى الاصوات
كدقة الاجراس
وصرخة الحراس
عايزين خيالك ياحبيبنا يزورنا
وترد القلوب
كيف يزورنا وهو عايش فينا
يرسم خطانا فى طريق امانيا
ولما تحمى الشمس يمد ايدة
يفرش لنا الضلة
ولما نبرد
يضمنا لصدرة يدفينا
ناصر مماتش
وقومى يامة نفضى توبك
ولمى مناديلك
وامسحى دموعك
ناصر مماتش
ناصر حى فى قلوب الناس
فى كل ضربة فاس
فى طرقة المرزبة ع السندال
وقولى للاندال
صبح حادانا تمانين مليون جمال