يا تري

**Hisham Khala** · #1 02/06/2009, 18h33

اقتباس:

المشاركة الأصلية كتبت بواسطة Basil Mahran

هذه أولي مشاركات و لقيت الغنوة عنوانها """يا تري""" شدني و لما قريت الكلمات حبيت إني أسمعها و أشوف أزاي اللحن ها يعبر عن هذه الكلمات الرقيقة
أنا عندي معلومات و خلفية موسيقية لكن """ياتري""" ألاقي معلومات أكتر عن الكانون اللي موجود في الغنوة ، أنا لحظت أن اللحن مختلف عن الغناء يمكن دا في الغربي """ياتري"""" ينفع في الغنا العربي؟ أنا حسيت أن الكوبلية الأخير عاوز يدي أمل مشكوك فيه. """يا تري""" دا صحيح؟
أنا سألت كتير بس عندي استفسارات أخري
ما هو إيقاع الغنوة و ما هو مقامها؟

شكراً د.هشام على هذه الغنوة الجملية.

الأخ باسل
أشكرك على كلماتك
المعلومات عن CANON FORM ها تلاقيها في موضوع "دروس عملية في التأليف الموسيقي" في قسم الدروس - قواعد الموسيقي.
اللحن الخاص بالمغني مختلف عن الموسيقي التي تؤديه الأوركسترا (كونتربوينت + هارموني) و ينفع في الغناء العربي (مش ها يقول لأ).
الأحساس باللحن ملك لك قد نتفق أو نتخلف عليه و لكن لو أتفقنا عليه يبقي أنا نجحت في توصيل أحساسي و أحساس المؤلف للمستمع.
إيقاع الأغنية: مش متأكد من أسمه و لكن المقدمة على ميزان 3/4 بدون إيقاع و فيها بعض فيرماتا (كرونا = المدة الطويلة). ثم الغناء على ميزان 2/4 و الإيقاع (دم دم 2 كروش+ 1 نوار تك) و طبعاً فيه بريكات في السكة.
المقام صول ماجير و مي مانيير و القفلة على صول ماجير.
و تحت أمرك في أي أسئلة أخري

**Basil Mahran** · #2 03/06/2009, 09h40

شكراً د.هشام على التوضيح
بس أنا أعرف أن ميزان 3/4 فالس و انا مش حاسس ان الغنوة فيها فالس؟

**Hisham Khala** · #3 05/06/2009, 20h22

اقتباس:

المشاركة الأصلية كتبت بواسطة Basil Mahran

شكراً د.هشام على التوضيح
بس أنا أعرف أن ميزان 3/4 فالس و انا مش حاسس ان الغنوة فيها فالس؟

العفو
ليس كل 3/4 فالس و المقدمة الموسيقية ميزانها 3/4 و بدون إيقاع و فيها فيرماتا كثيرة.

**رائد عبد السلام** · #4 27/12/2009, 06h31

الكلام ده كان سنة 80 يادكتور ؟؟؟؟!!

فعلاً زي مااستغرب صديقي الجميل أ/ الآلاتي

الشغل ده -خاصة التوزيع- لسه فيه ناس
بتنفذه اليومين دول يادوب .... وكمان شبّعونا مصطلحات
وتنطيط ..وبيدّعوا الحداثة ...
أكيد أنت مكسب للطب يادكتور
بس أكيد برضه إن المزيكا الاحترافية خسرتك

برافــــــــو ياصديقي الرائع
د /هشام خلف
يا أستاذ (مابعد الحداثة )

**محمودسعد** · #5 27/12/2009, 07h21

اسمحلي اقول كده بس يادكتور
استاذ ورئيس قسم
انا بس عاوز بتوع اليومين دول ييجوا يسمعوا ويفهموا ؟؟؟

**Hisham Khala** · #6 27/12/2009, 08h49

اقتباس:

المشاركة الأصلية كتبت بواسطة محمودسعد

اسمحلي اقول كده بس يادكتور
استاذ ورئيس قسم
انا بس عاوز بتوع اليومين دول ييجوا يسمعوا ويفهموا ؟؟؟

آه يا محمود ، انت و رائد
ليت الشباب يعود

هشام_أوركسترا.jpg

شوف الصورة دي ، انا كنت المايسترو و تصور ان وكيل معهد الكونسرفاتور حالياً هو عازف الكمان القصير ، طول عمره ماهر جداً في العزف. الصورة كانت في نادي هليوبوليس بمصر الجديدة بمناسبة احتفالات نصر اكتوبر و الفرقة كانت عبارة عن 3 كمانجات و اورج و كونترباص و درامز *و جيتار و المسرح كان كبير علينا ، لان كان فيه فرقة رقص فنون شعبية و محتاجة مسرح كبير

**اسلام عاكف** · #7 01/01/2010, 14h44

الله عليك يا استاذ هشام
والله انا فخور اني اعرف استاذ بقيمة حضرتك
ربنا يخلي حضرتك لينا وميحرمناش من اعمالك الجميلة والقيمة

**Hisham Khala** · #8 27/12/2009, 08h31

اقتباس:

المشاركة الأصلية كتبت بواسطة رائد عبد السلام

الكلام ده كان سنة 80 يادكتور ؟؟؟؟!!

فعلاً زي مااستغرب صديقي الجميل أ/ الآلاتي

الشغل ده -خاصة التوزيع- لسه فيه ناس
بتنفذه اليومين دول يادوب .... وكمان شبّعونا مصطلحات
وتنطيط ..وبيدّعوا الحداثة ...
أكيد أنت مكسب للطب يادكتور
بس أكيد برضه إن المزيكا الاحترافية خسرتك

برافــــــــو ياصديقي الرائع
د /هشام خلف
يا أستاذ (مابعد الحداثة )

آه يا حبيبي يا رائد
طلعت الاغنية من قبور النسيان
انا لحنتها سنة 1980 غالباً في شهر فبراير او مارس و تسجلت في سنة 1981 كنت ساعتها طالب في البكالوريوس و دي صورة في الكلية و انا باعزف علي الكمان مع د. شريف المنجي بيغني الاغنية (المغني الذي اداها في التسجيل هو نصر آبو عطايا)
حفلة2.jpg

و عزفي علي الكمان دليل اني في الاساس كمنجاتي و الوتريات دايماً في دماغي ، أما بالنسبة إلي البيانو فهذا لدراسة التأليف ، كما انه آلة جميلة.

**عفاف سليمان** · #9 03/01/2010, 04h56

في وقتها مؤلف الكلمات كان شايف أن الأيام مش هاتبطل صدود و في وقتها أنا كملحن كنت شايف أن الدنيا هاتضحك لهم و لكني وضعت التساؤلات و الشك في الموسيقي من بداية الأغنية و تيقنت بعد سنين أن رأي مؤلف الكلمات هو الصحيح و أن الأيام مش هاتبطل صدود.
الكانون فورم Canon Form واضح في المقدمة الموسيقية و بأعبر به عن طلوع الشمس في الصبح بدري و عن التساؤلات ، و هو عبارة أن أنصاف العبارات الموسيقية بتتكرر بس متأخرة عن الأولي بنصف مازورة (بمعني آخر: أن اللحن بيعزفه آلتين و لكن آلة تسبق الآلة الأخري بمقدار نصف مازورة)زي طلقات المدفع الرشاش الطلقة الثانية تم إطلاقها قبل وصول الطلقة الأولي للهدف.
نهاية الأغنية فيها الإمتداد Expansion و هو تكرار اللحن بصورة تصاعدية أو هبوطاً ليعطي الأحساس بالقفلة و يعبر عن التساؤل هل الأيام ها تبطل صدود؟

د هشام
بعد هذا اللحن الجميل
والكلمات الرائعه
والصوت الحلو ده
اكيد اكيد
الايام راح تتغير
وميبقاش فيه صدود
اكيد راح يبقى فيه امل
واشراقة شمس يوم جديد
وربيع هياتى تانى من بعيد
وتبقى الدنيا كلها عيد
وفرح وامل وحب ومواعيد
هههههههههههههههههههههه
انا مش بقول شعر
انا بقول اللى حسيته من هذه النغمات
والكلمات والعمل الجميل ده
جميل يا ترى
اشراقة امل
هى الحياه
تحياتى لك وللجميع
بارق واطيب واجمل الاوقات
اختكم عفاف

**Hisham Khala** · #10 03/01/2010, 17h35

اقتباس:

المشاركة الأصلية كتبت بواسطة عفاف سليمان

د هشام
بعد هذا اللحن الجميل
والكلمات الرائعه
والصوت الحلو ده
اكيد اكيد
الايام راح تتغير
وميبقاش فيه صدود
اكيد راح يبقى فيه امل
واشراقة شمس يوم جديد
وربيع هياتى تانى من بعيد
وتبقى الدنيا كلها عيد
وفرح وامل وحب ومواعيد
هههههههههههههههههههههه
انا مش بقول شعر
انا بقول اللى حسيته من هذه النغمات
والكلمات والعمل الجميل ده
جميل يا ترى
اشراقة امل
هى الحياه
تحياتى لك وللجميع
بارق واطيب واجمل الاوقات
اختكم عفاف[/CENTER]

أنا بدأت الحن في الكلمات الجميلة اللي انتي كتبتيها ، إذا ما كانتش هذه الكلمات شعر ، طيب يبقي ايه هو الشعر؟
الأمل طبعاً شئ جميل بس الايام طبعها غدر و آمان.
بعد ما الحن الكلمات انت طبعاً اللي ها تغنيها. مش كده و لا أيه؟