.. إهــداء - لأستاذنا الكبير ..

[abuzahda]

المشاركة الأصلية كتبت بواسطة سعدالشرقاوى

استاذى/ابوصلاح

اننى اقدم احد ارجلى واؤخر الاخرى
فقلمى الكوبيه المتواضع الذى يترجم
عن الفلاح صاحب الكم الواسع
يعجز ان يطاول بالرد قلمكم الباركار
وذالك لقدسية جمال المنطق
وضخامة شخص المقصود بالستة احرف
ادامكم الله لنا سندا وعونا

تلميذكم/سعدالشرقاوى

الله يجبر خاطرك يا عمّي سعد
و لو جعلتني أحد أبناءك ، كتـَّر الله خيرك ، يكون شرف ليّ

و بعدين يا عمّي لا باركر و لا شيفر و لا - حتى - كروس
ده انا حبّيت القلم الكوبيا من يوم ما شفته ما بيكتبش إلا لما ياخد لحسة عسل
يعني قلم معجباني متربي على أغلى ما في الكاتب

أما عن الكم الواسع ، فلولا أن صوري كلها في مصر
كنت رفعتلك صورة بالسكروتة و الصديري و اللاسة و (لامؤاخذة) الكتنلة
و بالمناسبة أنا بحب الأتك الواسع (في الجلابية مش الكلام !)

علشان كده كنت دايماً باشتري القماش (العرض عرضين)
و الخِياطة شُغل إبرة

معلش انا طوّلت على حضرتك ، دفعاً لتهمة الأمركة
معقولة فيه خواجة من ساحل روض الفرج ؟

الله يسامحك يا ابو مندور