تمارين عملية لقراءة النوتة

**احمد سنايم** · #1 24/05/2009, 22h08

الاخ العزيز الشاب الموهوب الخلوق المتعلم جدا دكتور هشام يا رب يخليك نزل دروس الهارمونى فى اقرب وقت . ويا ريت لو عندك الهارمونى لاغنية قلبى دليلى يا ريت حضرتك تنزلها المنتدى

لو مش عندك انا طلبت من استاذ عادل يكتبها لنا وهو راجل جميل لا يبخل علينا ابدا وها ينزلها عن قريب ربنا يزيدك علم وموهبة ونجاح وتشرف اسم مصر فى ماليزيا وفى اوروبا بأذن الله شكرا الف الف شكر

**Hisham Khala** · #2 25/05/2009, 03h34

قلبي دليلي كده سهلت يا عم بإذن الله أنزلها.
يا عم أحمد بص على النوت اللي أنا رافعها و انت تعرف تسلسل الهارموني.
على العموم على عيني و راسي نتكلم في الهارموني من الأول.
بتعزف بيانو يمين و شمال؟ مهم جداُ تعرف تقرأ مفتاح صول و مفتاح فا على الأقل و يا ريت مفتاح دو كمان (مش مهم قوي ، بس عشان تكتب للفيولا)
يا تري جاهز بمفتاح فا؟؟؟

**احمد سنايم** · #3 25/05/2009, 08h00

نعم يا دكتور هشام بعرف اقرا نوتة كويس جدا وكنت لا اجيد عزف او قراءة التريولية بدقة لكن استاذ عادل مشكورا عرفنى على استاذ زميلة اسمة انكور من خلالة بعرف اقرا النوتة واعزفها كويس جدا مفتاح فا بيكون على الخط الرابع فقط وسهل قراءتة اما مفتاح دو فبيكون على اكثر من خط انا مش عايز اصحابة ولا اعرفة اصلا .
فى انتظار دروس الهارمونى ربنا يجازيك عنا خير الجزاء والف الف شكر

**Hisham Khala** · #4 05/06/2009, 19h41

بناءا على طلب الاخ العزيز أحمد سنايم
أرفع لك لحن أنا قلبي دليلي تلحين القصبجي ز غناء ليلي مراد
سأرفع النوت لاحقاً عشان عندي مشكلة في Adobe
و سوف أبدأ في الحديث عن الهارموني قريباً جداً

**احمد سنايم** · #5 05/06/2009, 21h33

رائع ممتع مبدع ما كل هذا الجمال يا طبيب القلب عمل مبهج مبهر فعلا ادخل الفرحة و السرور الى قلبى ربنا يفرحك ذى ما فرحتنى شكرا الف الف شكر

**عبلة بنت مالك** · #6 07/06/2009, 04h37

استاذي المحترم الف شكر لك علي هذا المجهود الأكثر من رائع بس ياريت كم اغنيه لام كلثوم بس علي العود وجزاك الله خير ملاحظه انا لسه مبتدئه مع الشكر

**عفاف سليمان** · #7 07/06/2009, 08h02

الاستاذ هشام
بعد صباح الخير على حضرتك واهل سماعى الطيبين
جميله هذه المقطوعات الموسيقيه التى قمت بترجمتها لنا من بعض مقطوعات الفنانه الكروانه الجميله التى تسظل دائما وابدا معنا فايزه احمد
واعشق جميع اغنياتها
زمان غريب يا زمان
ويامانت واحشنى
ابداعات فنيه جميله
وتجديدات رائعه من حضرتك
واسعدك الله دائما بكل جديد
وانتظر الجديد لفايزه احمد من ابداعاتك التوزيعيه الجديده لها
تحياتى لشخصكم الكريم
وللجميع باوقات سعيده
اختكم عفاف

**Hisham Khala** · #8 07/06/2009, 18h21

اقتباس:

المشاركة الأصلية كتبت بواسطة عبلة بنت مالك

استاذي المحترم الف شكر لك علي هذا المجهود الأكثر من رائع بس ياريت كم اغنيه لام كلثوم بس علي العود وجزاك الله خير ملاحظه انا لسه مبتدئه مع الشكر

الأخت العزيزة (عبلة بنت مالك)
أشكرك على مشاركتك و أعذريني أنا مش فاهم طلبك!
هل تريدين نوت لأم كلثوم مكتوبة للعود؟
أم تريدين أن أعزف على العود بعض أغاني أم كلثوم؟
أم تريدين توزيعات لبعض أغاني أم كلثوم يكون فيها العود بيعزف اللحن الأساسي؟
بالمناسبة أنا بأعزف عود و لكن مش تخصصي العود.
أنا بأعزف بيانو أفضل و بأعزف كمان (فيولينة)
و لكن معظم الوقت بأكتب النوت الموسيقية من الذاكرة على الكمبيوتر مباشرة أو على ورقة من غير ما أستعمل أي آلة موسيقية.
أنا كاتب أغاني كثيرة لأم كلثوم ها تلاقيها في المنتدي تحت نوت ألحان زكريا أحمد أو نوت أم كلثوم (النوت الموسيقية) و ستجدين ملف صوتي معها ، و أنا بأحاول التبسيط في الكتابة و عندما أجد نبر مؤخر لا تلزمه الضرورة بأقوم بتعديله عشان قراءة النوتة تبقي سهلة.
الرابط الآتي عليه أغنية أنا في إنتظارك.

http://www.sama3y.net/forum/showthre...t=34296&page=3
وضحي لي ما تريدينه و أنا تحت أمرك.