أمل أجيال

[Tarek Elemary]

قالوا الأمل يتولد ... من قلب رحم اليأس

نور النهار ينفرد ... من ضهر ليل الأمس

بكفوف ولاد البلد ... تبلغ مناها النفس

يا حزن مهما تطول ... هاتفوت جفون عينى

لساك فاكرنى هاقول ... للدمعة طاوعينى

أنا بالأمل راح انول ... و الناس تراعينى

[علاء طه ياسين]

أستاذ طارق العمري

أخضر يا حلم الطفولة ..... يا فجر ليل منسى
يا شاغلنا من سنة أولى ..... و العمر بيك مكسى
نوصل معاك للرجولة ..... و فوق شطَّها نرسى
والله مفيش كلام بعد كده يتقال .. صدقت حلم الطفولة أجمل حلم بيعدي في حياتنا .. وبيروح بسرعة .. ومش بنحس بيه ..
يا قطر العمر يا مسافر ..... ورايح حتة مجهولة
انا فوق الرصيف واقف ..... بشنطة ذكريات أولي
حزين القلب وف وشي .... بيبان الحلم مقفولة
أستاذ طارق .. انت رائع
علاء ياسين

[Tarek Elemary]

الله ينور يا لُولّْ (دلع علاء)
الخط بقى تمام والتنسيق
بس الأروع المشاركة الجميلة دى و الله رائعة
أنا قلتلك إنت قادم قادم و لديك المزيد و سيصدق حدسى
تقدم يا جميل الموسيقى و نابض الحروف

[سعدالشرقاوى]

استاذى/طارق
الشعر الحكيم
وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
مذا بعد ذلك يقال
كفاياك تكون مدرسه وانا منّك اتعلّمت
وعشانى فى المنتدى مدّيت اديك سلّمت
قلبك كبير يتّسع وف محـــتواه انسان
وكمان فصيح اللسان لو قمت واتكلّمت

[Tarek Elemary]

المشاركة الأصلية كتبت بواسطة سعدالشرقاوى

استاذى/طارق

الشعر الحكيم
وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
مذا بعد ذلك يقال
كفاياك تكون مدرسه وانا منّك اتعلّمت
وعشانى فى المنتدى مدّيت اديك سلّمت
قلبك كبير يتّسع وف محـــتواه انسان

وكمان فصيح اللسان لو قمت واتكلّمت

يا عم سعد إنت اللى مدرسة و متفرد بلونك الزاهى و عفويتك وتلقائيتك المحببة للنفس و الأذن معاً
دامت المشاعر يا أحلى شاعر

[محمد المراغى]

وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
و لو الهوان يتعِشِقْ
يبقى الحبيب يكره
الله عليك يا استاذنا الكبير طارق
على كده انا لسه قدامى المشوار طويل علشان اتنقل من مرحله الخواطر لمرحله الشعر
تحياتى لقلمك المبدع

[Tarek Elemary]

إنت جميل يا مراغى
بس لم تحاول فقط
عليك بالمحاولة و لا تخجل
من النتائج فى الأول
تحياتى