أمل أجيال

**علاء قدرى** · #1 19/05/2009, 15h21

الشاعر الجميل /طارق العمرى
سيبقى الحلم ما بقيت حياة
وسنظل نحلم الى ان ياكلنا تراب الاشتهاء
حلم الشاعر بتغير العالم حلم جميل
و يوتوبيا ستظل مفقودة الى ان نلقى الله
يبقى املا اراه صعب المنال
ان يصبح العالم اقل قسوة
وللشاعر هنا دوره
يعطينا بعض الحلم للحظات
عسى ان يصيب باقى البشر ما اصابه من
متعة النظر للجمال الذى خلقه الله عز و جل
كى يتغير الحال
سعيد بشعرك الجميل ؛و احساسك المتجدد دوما نحو الخير؛و كل ما هو جميل

**Tarek Elemary** · #2 19/05/2009, 16h16

قالوا الأمل يتولد ... من قلب رحم اليأس

نور النهار ينفرد ... من ضهر ليل الأمس

بكفوف ولاد البلد ... تبلغ مناها النفس

يا حزن مهما تطول ... هاتفوت جفون عينى

لساك فاكرنى هاقول ... للدمعة طاوعينى

أنا بالأمل راح انول ... و الناس تراعينى

**علاء طه ياسين** · #3 19/05/2009, 18h23

أستاذ طارق العمري

أخضر يا حلم الطفولة ..... يا فجر ليل منسى
يا شاغلنا من سنة أولى ..... و العمر بيك مكسى
نوصل معاك للرجولة ..... و فوق شطَّها نرسى
والله مفيش كلام بعد كده يتقال .. صدقت حلم الطفولة أجمل حلم بيعدي في حياتنا .. وبيروح بسرعة .. ومش بنحس بيه ..
يا قطر العمر يا مسافر ..... ورايح حتة مجهولة
انا فوق الرصيف واقف ..... بشنطة ذكريات أولي
حزين القلب وف وشي .... بيبان الحلم مقفولة
أستاذ طارق .. انت رائع
علاء ياسين

**Tarek Elemary** · #4 19/05/2009, 18h35

الله ينور يا لُولّْ (دلع علاء)
الخط بقى تمام والتنسيق
بس الأروع المشاركة الجميلة دى و الله رائعة
أنا قلتلك إنت قادم قادم و لديك المزيد و سيصدق حدسى
تقدم يا جميل الموسيقى و نابض الحروف

**سعدالشرقاوى** · #5 20/05/2009, 19h29

استاذى/طارق
الشعر الحكيم
وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
مذا بعد ذلك يقال
كفاياك تكون مدرسه وانا منّك اتعلّمت
وعشانى فى المنتدى مدّيت اديك سلّمت
قلبك كبير يتّسع وف محـــتواه انسان
وكمان فصيح اللسان لو قمت واتكلّمت

**Tarek Elemary** · #6 21/05/2009, 05h32

اقتباس:

المشاركة الأصلية كتبت بواسطة سعدالشرقاوى

استاذى/طارق

الشعر الحكيم
وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
مذا بعد ذلك يقال
كفاياك تكون مدرسه وانا منّك اتعلّمت
وعشانى فى المنتدى مدّيت اديك سلّمت
قلبك كبير يتّسع وف محـــتواه انسان

وكمان فصيح اللسان لو قمت واتكلّمت

يا عم سعد إنت اللى مدرسة و متفرد بلونك الزاهى و عفويتك وتلقائيتك المحببة للنفس و الأذن معاً
دامت المشاعر يا أحلى شاعر

**محمد المراغى** · #7 27/05/2009, 09h34

وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
و لو الهوان يتعِشِقْ
يبقى الحبيب يكره
الله عليك يا استاذنا الكبير طارق
على كده انا لسه قدامى المشوار طويل علشان اتنقل من مرحله الخواطر لمرحله الشعر
تحياتى لقلمك المبدع

**Tarek Elemary** · #8 27/05/2009, 11h19

إنت جميل يا مراغى
بس لم تحاول فقط
عليك بالمحاولة و لا تخجل
من النتائج فى الأول
تحياتى

**علاء طه ياسين** · #9 19/05/2009, 19h14

الأستاذ الجميل طارق العمري
آجي لحد عندك أبوس علي راسك واستسمحك ..
وأقولك .. متزعلشي مني .. وعلي أد عشمنا فيك .. متحرمنيش منك .. ماشي ..
علاء

**Tarek Elemary** · #10 22/05/2009, 13h17

لا عليك يا صديقى .... لا زعل بين الأصدقاء
ربنا يديم المعروف و الود الصادق و العقل الناضج علينا جميعا ويجمعنا على ما يحب ويرضى
آمين آمين آمين