إبداعات الشاعر رائد عبد السلام

**رائد عبد السلام** · #1 18/05/2009, 14h03

اقتباس:

المشاركة الأصلية كتبت بواسطة Hisham Khala

يا عم رائد أيه الحلاوة دي و أيه الجمال دا.......

قابلني على هذا الرابط
http://www.sama3y.net/forum/showthre...t=67391&page=2

و إذا كنت يا سيدي عاوز تسمع الكمنجات أبقي شوف هذا الرابط:

http://www.sama3y.net/forum/showthread.php?t=66980

و بإذن الله نعمل شغل كويس مع بعض.

أهلاااااااااااااااا
بالفنان العظيم المثقف
د/ هشام خلف

سمعت أغنية المسابقة ...
وعجبتني جداً ...
اللحن فيه نعومة ...وشموخ في الوقت نفسه
رؤية رائعة في تلحين الكلمة

احتراف برضه يادكتور

تسلم إيدك

طبعاً التعاون معاك يشرفني

أشكرك

**Hisham Khala** · #2 21/05/2009, 19h28

شاعرنا العظيم رائد الكلمة
أنا لحنت جزء الشاويش عطية من (أبطال زمان) من كام يوم و جه دور الغناء و معنديش صوت غير صوتي. شوف حد يغني، اللحن أهو عندك و ممكن أبعت لك ملف بصوتي لما تلقي مغني عشان يعرف سير الكلمات مع اللحن.
اللحن بسيط و عمله على أنه جزء من أوبريت ، ها رفع شغل البيانو ولما تلاقي حد يغني أبعت لك شغل الوتريات و البيانو خلافه..و يعمل مكساج.

**رائد عبد السلام** · #3 24/05/2009, 21h25

اقتباس:

المشاركة الأصلية كتبت بواسطة Hisham Khala

شاعرنا العظيم رائد الكلمة
أنا لحنت جزء الشاويش عطية من (أبطال زمان) من كام يوم و جه دور الغناء و معنديش صوت غير صوتي. شوف حد يغني، اللحن أهو عندك و ممكن أبعت لك ملف بصوتي لما تلقي مغني عشان يعرف سير الكلمات مع اللحن.
اللحن بسيط و عمله على أنه جزء من أوبريت ، ها رفع شغل البيانو ولما تلاقي حد يغني أبعت لك شغل الوتريات و البيانو خلافه..و يعمل مكساج.

فناننا الكبير
د/هشام

عميق شكري وامتناني علي تناول أصابعك السحرية
لــــ (أبطال زمان )

وأبدي إعجابي بهذا اللحن الرشيق الجديد
الذي يجمع بين الروح المصرية
وعبق حواري المحروسة
سيصل معاليك رسالة قريباً بإذن الله
من صديق مشترك
هو ( شيخ الصنعة في هذا المجال )
وطلبت منه تناول العمل
وأنا واثق انه لن يخذلني
برجاء انتظار رسالته
للتنسيق معه

أكرر شكري وامتناني
لشخصك الكريم ...وفنك الراقي
كلمات اللحن هي :

الشاويش عطية

عمرك ما شفت الملايكة

في ثياب أشرار؟
أنا شفت واحد بس كان
عايش عشان اللقمة ...
وكمان (الإيجار)
لابس شاويش والخلقة بتخوّف
بس العينين مراجيح
و بتحدّف هذار
عملاق في جسمه بس زي الوليد
من غير ما ازيد
ولا اجيب انا ف سيرته:
تشوفه غضبان ....حتضحك
وتستهتر بتكشيرته

**رائد عبد السلام** · #4 30/05/2009, 07h32

قصيدة ....كتبتها ردأً علي مشاعر صادقة
من أخي (أبو صلاح )
إلي الحبيب النجيب القريب
سيد أبو زهدة ....صديقي وحبيبي

يسلم لي صوت اللي قال
وراح رحاب الجَمَال

في كل يوم بيزيد

عدد قلوب اللي مال
قلوبنا خيل ... وانت

لها كلها ... خيَّال

تلوي الخزام باتجاه

العشق والتباريح
إنت الحبيب بصحيح

وغيرك انت خيال

*****

بيننا وبينك بحار
لكن هنا ... قريّب

جسدك هو المحار
وجـــــوهرك طيّب

*****

سيري يا روح واصعدي
ودوري في الملكـــــوت

حبيبك اخضــــــــر نـَديّ
ســـــــارح عشان القوت

لــــــــو عايزه له تهتدي
قولي بعلــــــــو الصوت

يا ابـــــــو زهدة لا ترتدي
غير غنوتك ..والصـوت

يومي وأمسي وغــــــدي
تضـــــــرب بهذا السوط

كــــــل اللي طبعه رَدِي
أو عاصــــــي أو هلفوت

الصــــــــدق راح يفتدي
يونس في بطــــن الحوت

ولو الألم ســــــــرمدي
أعذب ما فيه ... الموت

الأرض دي مـــــــرقدي
بعد الشــــــــــقا ما يفوت

والحب ده مقصـــــــــدي
بدأت به .....وح أموت

الحب نــــــــور في يدي
والكـُـــره خيط عنكبوت

**الألآتى** · #5 30/05/2009, 08h12

مشاعر صادقة ترد عليها بمشاعر صادقة أيضاً ..

معانى جميلة وتعبيرات أجمل .. وقصيدة رائعة حبيب قلبى رائد ..

**عفاف سليمان** · #6 30/05/2009, 09h13

صباح الخير على اهل سماعى الطيبين
يا سلام عليك يا شاعرنا (رائد)
رائد وانت رائد فى مشاعرك الجميله والنبيله
وكل الشعراء سماعى كلهم نبلاء ومن الطيب والطيبه هم خلقوا
والله انا سعيده بكم الحب الذى يملء قلوبكم واشعاركم
وتسعدونا بهذه الكلمات الجميله للتعبير عن مكنون حبكم لبعض الله يديمها عليكم وعلى الجميع
فمحبة الناس ليست بالسهل
فيمكنك ان تخسر صديق سريعا ولكن من الصعب ان تكون صداقه حقيقيه
ويارب يسعد اوقاتكم جميعا بالخير
وارى ابداعاتكم الشعريه التى احبها من الجميع
تحياتى لكم
اختكم عفاف

**رائد عبد السلام** · #7 30/05/2009, 19h47

اقتباس:

المشاركة الأصلية كتبت بواسطة عفاف سليمان

صباح الخير على اهل سماعى الطيبين

يا سلام عليك يا شاعرنا (رائد)
رائد وانت رائد فى مشاعرك الجميله والنبيله
وكل الشعراء سماعى كلهم نبلاء ومن الطيب والطيبه هم خلقوا
والله انا سعيده بكم الحب الذى يملء قلوبكم واشعاركم
وتسعدونا بهذه الكلمات الجميله للتعبير عن مكنون حبكم لبعض الله يديمها عليكم وعلى الجميع
فمحبة الناس ليست بالسهل
فيمكنك ان تخسر صديق سريعا ولكن من الصعب ان تكون صداقه حقيقيه
ويارب يسعد اوقاتكم جميعا بالخير
وارى ابداعاتكم الشعريه التى احبها من الجميع
تحياتى لكم
اختكم عفاف

طيبة قلبك بتسبقك ياعفاف

شكراً ياست الكل علي تشريفك

وربنا يديم الود .....وأهله

**Tarek Elemary** · #8 30/05/2009, 09h04

اقتباس:

المشاركة الأصلية كتبت بواسطة رائد عبد السلام

يسلم لي صوت اللي قال
وراح رحاب الجَمَال

في كل يوم بيزيد

عدد قلوب اللي مال
قلوبنا خيل ... وانت

لها كلها ... خيَّال

تلوي الخزام باتجاه

العشق والتباريح
إنت الحبيب بصحيح

وغيرك انت خيال

*****

بيننا وبينك بحار
لكن هنا ... قريّب

جسدك هو المحار
وجـــــوهرك طيّب

*****

سيري يا روح واصعدي
ودوري في الملكـــــوت

حبيبك اخضــــــــر نـَديّ
ســـــــارح عشان القوت

لــــــــو عايزه له تهتدي
قولي بعلــــــــو الصوت

يا ابـــــــو زهدة لا ترتدي
غير غنوتك ..والصـوت

يومي وأمسي وغــــــدي
تضـــــــرب بهذا السوط

كــــــل اللي طبعه رَدِي
أو عاصــــــي أو هلفوت

الصــــــــدق راح يفتدي
يونس في بطــــن الحوت

ولو الألم ســــــــرمدي
أعذب ما فيه ... الموت

الأرض دي مـــــــرقدي
بعد الشــــــــــقا ما يفوت

والحب ده مقصـــــــــدي
بدأت به .....وح أموت

الحب نــــــــور في يدي
والكـُـــره خيط عنكبوت

ياللى النهار بسمتك
بتداوى فى المجاريح
كان الهوى ف كلمتك
راكب بساط الريح
فرش الندى سكتك
يا أبو الكلام يا فصيح
أسر القلوب فطرتك
و لسان عفيف و صريح
رددنا ليك غنوتك
و كأنها التواشيح
و الأصل كان منبتك
من بيت كريم بصحيح
غالبة عليك حكمتك
بالرمز و التصريح

**رائد عبد السلام** · #9 30/05/2009, 19h45

اقتباس:

المشاركة الأصلية كتبت بواسطة Tarek Elemary

ياللى النهار بسمتك

بتداوى فى المجاريح
كان الهوى ف كلمتك
راكب بساط الريح
فرش الندى سكتك
يا أبو الكلام يا فصيح
أسر القلوب فطرتك
و لسان عفيف و صريح
رددنا ليك غنوتك
و كأنها التواشيح
و الأصل كان منبتك
من بيت كريم بصحيح
غالبة عليك حكمتك
بالرمز و التصريح

كمّلت لي القصيدة ...

تسلم ياصاحبي..

**Tarek Elemary** · #10 31/05/2009, 06h49

اقتباس:

المشاركة الأصلية كتبت بواسطة رائد عبد السلام

كمّلت لي القصيدة ...

تسلم ياصاحبي..

الكلام إلِك يا جارة
أنت اللى عليه القصد و النية
إوعك تكون مكسوف
إنت ده فعلاً