المايسترو

[unicorn]

الله على جمال مواضيعك يا غازى ,
استاذنا صلاح علام انت فتحت نفسنا و هاتسيبنا كدة ,
أولا الف شكر على الشرح الجميل الممتع دة
ثانيا اسئلة غازى لسة ما خلصتش
انا كمان عندى أسئلة بعد اذنك ,
بجد فى مايسترو يقدر يقرأ المازورة اللى حضرتك رفعتها و لكل الالات فى وقت واحد ؟؟ طيب تيجى ازاى ؟؟ دة على ما يقرا و يشير للكمنجات يكون التشيلو مثلا خلّصها ؟؟؟
المؤلفات الموسيقية لعلى اسماعيل و فؤاد الظاهرى و أندريا رايدر و عمر خيرت هل يمكن اعتبارها polyphonic؟؟
هل تكفى البروفات الكثيرة بين عازفى الأوركسترا لحفظ نوتة باقى العازفين للاستغناء عن دور المايسترو؟
عبد الحليم كان فى بعض اغانيه بيقوم بدور المايسترو فى المقدمات الموسيقية , هل دة فعلا نوع من الاستعراض كما أشيع عنه ؟؟ أم ان دوره كان ضرورى لضبط الايقاع أو تنبيه العازفين لملحوظاته فى البروفات؟
هل وصل اى مايسترو من ولاد العرب انه يقدر يقود أوركسترا غربى ؟؟؟ و لا لسة ما وصلناش لكدة ؟؟
شكرا جزيلا يا استاذ صلاح
و شكرا جزيلا يا غازى

[سيادة الرئيس]

المشاركة الأصلية كتبت بواسطة unicorn

بجد فى مايسترو يقدر يقرأ المازورة اللى حضرتك رفعتها و لكل الالات فى وقت واحد ؟؟ طيب تيجى ازاى ؟؟ دة على ما يقرا و يشير للكمنجات يكون التشيلو مثلا خلّصها ؟؟؟

أيوه و نص
و تيجي مع الموهبة و المذاكرة بيحط عينه ساعدتك بشكل عام و يقرا و التدريب بيكون على البيانو و يقرا بشكل عمودي في صورة كوردات

المشاركة الأصلية كتبت بواسطة unicorn

المؤلفات الموسيقية لعلى اسماعيل و فؤاد الظاهرى و أندريا رايدر و عمر خيرت هل يمكن اعتبارها polyphonic؟؟

طبعا

المشاركة الأصلية كتبت بواسطة unicorn

هل تكفى البروفات الكثيرة بين عازفى الأوركسترا لحفظ نوتة باقى العازفين للاستغناء عن دور المايسترو؟

في العربي ممكن لكن يستحسن إن يكون في واحد من العازفين لإشارات البداية و النهاية
و في الموسيقى الغربية ممكن أيضا في المجموعات الصغيرة زي ( موسيقى الحجرة ) و الرباعيات و الثلاثيات و الثنائيات

المشاركة الأصلية كتبت بواسطة unicorn

هل تكفى البروفات الكثيرة بين عازفى الأوركسترا لحفظ نوتة باقى العازفين للاستغناء عن دور المايسترو؟

ممكن لكن مش حلو

المشاركة الأصلية كتبت بواسطة unicorn

عبد الحليم كان فى بعض اغانيه بيقوم بدور المايسترو فى المقدمات الموسيقية , هل دة فعلا نوع من الاستعراض كما أشيع عنه ؟؟ أم ان دوره كان ضرورى لضبط الايقاع أو تنبيه العازفين لملحوظاته فى البروفات؟

فزلكة فاضية و خبث من إللي قلبك يحبه
عبد الحليم كان لا يقرأ مزيكا

المشاركة الأصلية كتبت بواسطة unicorn

هل وصل اى مايسترو من ولاد العرب انه يقدر يقود أوركسترا غربى ؟؟؟ و لا لسة ما وصلناش لكدة ؟؟

يعني مش عاجبك كل الأسماء إللي فوق و فيه زيادة عن كده كتير و أنا لي صديق دفعتي إسمه ( حسام شاكر ) هوه حاليا من أهم قادة الأوركسترا في النمسا و لو قعدت أعد لك الشباب مش حا نخلص
و على فكرة الإسماء دي من مصر بس و فيه أسماء هامة أيضا في سوريا و لبنان

[الألآتى]

أهلاً ياغازى .. وأهلاً بمواضيعك وقضاياك المهمة التى تثيرها بين الحين والأخر ..

لن أضيف شيئاً عما قاله وشرحه أستاذنا صلاح علام ..

فقد أفاض وأفاد .. يكفى أن أؤكد كلامه .. بأن للقائد أهمية كبيرة جداً وخاصة فى الأعمال الموزعة ..

وحتى فى الأعمال التقليدية الشرقية .. وجود القائد ينظم العمل أكثر ..