أعمال من تنفيذ الفنان محمد الآلاتي - الصفحة 53

**الألآتى** · #**521** 06/05/2009, 22h47

اقتباس:

المشاركة الأصلية كتبت بواسطة اشرف عبدالرحمن

استاذنا الكبير المايسترو الالاتى اولا اقدم لك تحية خاصة لإختيارك هذه الاغنية الرائعة والتى لا يعرفها الكثيرين .. فأنت تعيد لنا الروائع الغنائية وتحييى الكثير من الكنوز الموسيقية التى لم يلتفت اليها احد هذه الايام .. وهو مجهود كبير ورائع .. هذا بالاضافة الى احساسك الجميل والصادق فى الاداء والتنفيذ الموسيقى الواعى ..وتخياتى للفنان الحساسة صاحب الانامل الذهبية على الكمان استاذ مروان شلبى

أشكر لك كلماتك الرقيقة أخى العزيز دكتور أشرف .. أنا أعلم أننى فى منتدى الذواقة والفنانين .. فلابد أن أقدم لهم مايناسب ذوقهم ..

**الألآتى** · #**522** 06/05/2009, 22h51

اقتباس:

المشاركة الأصلية كتبت بواسطة اشرف عبدالرحمن

استاذ الالاتى نسيت اسأل حضرتك عن الملحن .. ياريت تفيدنا مين ملحن هذه الاغنية وتحياتى لك استاذنا

أعتذر دكتور أشرف عن عدم ذكرى أضلاع الأغنية ..

الأغنية كلمات : عبد العزيز سلام

ألحان : محمد الموجى ..

**محمودسعد** · #**523** 07/05/2009, 02h24

ماذا اقول ولاي شئ اقول وما اكثر من قول قيل في القول او لم يقال
الله يجازيكم بالخير يامن ذكرتوني باتحاد مصر وسوريه
الاتحاد قوه وياحبذا لو كان اتحادا بين اتنين اقوياء فنا وخلقا واحساسا وعلما وحب ايضا
اخي واستاذي الجميل محمد الالاتي وحبيبي وصديقي ومعلمي مروان شلبي
التوزيع رائع كعادتك يا الاتي ياكبير بادبك وفنك الصولو ولا اروع يامروان ياشلبي يافنان ياحسيس
باختصار اتحادكم قوه فنيه عاليه قوي
وارجوكم عيدوها مره اخري وارشح اخي محمد عفيفي ضلعا ثالثا كصوت رائع وفنان جميل قلبا وقالبا وافضله علي نفسي

**الألآتى** · #**524** 09/05/2009, 20h04

إخوانى الأعزاء

عمل مشترك أخر

موسيقى صوت العرب

من مؤلفات محمد عبد الوهاب

أعضاء الفرقة :

الأستاذ مروان شلبى ( عزف الكمان وقائد مجموعة الوتريات )

الأستاذ بشير مروان شلبى ( عزف الكمان )

العبد لله ( الألآت الألكترونية والميكساج )

أرجو أن نكون وُفقنا فى تقديم عمل يليق بمنتدى سماعى وأعضاؤه الذواقة

**ahmed noor** · #**525** 09/05/2009, 20h27

الاستاذ الالاتى .. الاستاذ مروان شلبى

تحياتى وشكرى وامتنانى لسيادتكم ولجميع من شارك فى هذا العمل الرائع

بالبلدى بقه .. بالصوت .. تلاقينا .. مزيكا .. تلاقينا .. توجيهات .. برضه تلاقينا

والله والله .. لو ربنا طول فى عمرى ولفيت ما هلاقى زيكم يا اجمل اساتذه

ومهما هتكلم .. برضه مش هوفى ذره من جمالكم وروعتكم ودلعكم

ربنا ما يحرمنا منكم يا اساتذه يا كبار

مع خالص شكرى وامتنانى .

**Hisham Khala** · #**526** 09/05/2009, 20h30

أنا أيدي أتقطعت من التصفيق ، حقيقي شغل رائع و كله إحتراف
برافو برافو .....
نقطة أخري مهمة أنا كتبت عنها دلوقتي و هي عملية تنزيل الملفات: كل ساعة ملف ، و دي طريقة تطفش الزبون (كما يقولون) فإذا كانت شر لابد منه فلابد أن يستثني بعض الملفات الصوتية: مثل ملفات إنتاج و إبداعات أعضاء سماعي ، و الملفات التعليمية ، فمثلاُ ملفات دروس أ. سمير الجنحاني كلها ملفات صوتية فكيف المتلقي يتابع درس بعد ساعة و الملفات التى توضح فكرة موسيقية معينة فمثلاً skippingلا يمكن استعابها بسهولة إلا من خلال السماع ، و الأعمال العظيمة زي الشغل الجميل اللي أنا سمعته دلوقتي أزاي أقعد أنتظر ساعة عشان أحمله.

قولي أنت بتستعمل أي برنامج لعمل المكساج الجميل؟

**سيادة الرئيس** · #**527** 09/05/2009, 21h01

بقول إيه ما تخدوناش في دوكه

ملاقوش في الورد عيب قالوا له يا احمر الخدين

فين سولو الكمان على الشيلوهات في المرجع

مرفق المطلوب

و ما تخدوناش في دوكه

لكن ده ما يمنعش إن الشغل زي الفل و تسلم إيديكوا

**mohamedafify** · #**528** 09/05/2009, 21h16

منتهى الابداع حاجة ولا فى الخيال تنفيذ مقطوعة رائعة زى موسيقى صوت العرب والشغل طالع ولااحسن استوديو ماشاء اللة على التوزيع اللة ينور على الالاتى وعلى عازف الكمان الاستاذ مروان احساس غاية فى الروعةربنا يديم الاعمال الجماعية دى لانها بتعيد اعمال جميلة جدا
تحية من كل قلبى لمن ساهم فى هذا العمل الجميل
تحياتى محمد عفيفى

**الألآتى** · #**529** 10/05/2009, 00h14

اقتباس:

المشاركة الأصلية كتبت بواسطة Hisham Khala

أنا أيدي أتقطعت من التصفيق ، حقيقي شغل رائع و كله إحتراف

والله بقى إيدك تتقطع .. إيدك ماتتقطعش .. أهى إيدك وإنت حر فيها .. يعنى نعمل شغل وحش علشان ماتقطعوش إيديكوا .. ده إيه ياختى ده ..

اقتباس:

المشاركة الأصلية كتبت بواسطة Hisham Khala

نقطة أخري مهمة أنا كتبت عنها دلوقتي و هي عملية تنزيل الملفات: كل ساعة ملف ، و دي طريقة تطفش الزبون (كما يقولون) فإذا كانت شر لابد منه فلابد أن يستثني بعض الملفات الصوتية: مثل ملفات إنتاج و إبداعات أعضاء سماعي ، و الملفات التعليمية ، فمثلاُ ملفات دروس أ. سمير الجنحاني كلها ملفات صوتية فكيف المتلقي يتابع درس بعد ساعة و الملفات التى توضح فكرة موسيقية معينة فمثلاً skippingلا يمكن استعابها بسهولة إلا من خلال السماع ، و الأعمال العظيمة زي الشغل الجميل اللي أنا سمعته دلوقتي أزاي أقعد أنتظر ساعة عشان أحمله.

لا ياعم ..أنا ماقدرش أقول الكلام ده فى الإدارة .. حايقولوا متعصب لأقسامه .. وكل واحد متحيز لأقسامه ..

إنت عايز تعمل لنا كومبينه فى الإدارة ولا إيه يادكتور ..

عموماً الكلام ده مؤقت .. ولن يستمر طويلاً حتى تستقر الأحوال ..

اقتباس:

المشاركة الأصلية كتبت بواسطة Hisham Khala

قولي أنت بتستعمل أي برنامج لعمل المكساج الجميل؟

مش البرنامج إللى بيعمل المكساج يادكتور .. الشاطره تغزل برجل .. ؟ ..

أنا باستعمل برنامج Samplitude .. ومستريح له ..

**الألآتى** · #**530** 10/05/2009, 00h15

اقتباس:

المشاركة الأصلية كتبت بواسطة ahmed noor

الاستاذ الالاتى .. الاستاذ مروان شلبى

تحياتى وشكرى وامتنانى لسيادتكم ولجميع من شارك فى هذا العمل الرائع

بالبلدى بقه .. بالصوت .. تلاقينا .. مزيكا .. تلاقينا .. توجيهات .. برضه تلاقينا

والله والله .. لو ربنا طول فى عمرى ولفيت ما هلاقى زيكم يا اجمل اساتذه

ومهما هتكلم .. برضه مش هوفى ذره من جمالكم وروعتكم ودلعكم

ربنا ما يحرمنا منكم يا اساتذه يا كبار

مع خالص شكرى وامتنانى .

ربنا مايحرمنا منك ومن ذوقك ياأحمد .. وإن شاء الله بكره تكبر ونجيب لك بنطلون طويل ..