أعمال من تنفيذ الفنان محمد الآلاتي

**الألآتى** · #1 09/05/2009, 20h04

إخوانى الأعزاء

عمل مشترك أخر

موسيقى صوت العرب

من مؤلفات محمد عبد الوهاب

أعضاء الفرقة :

الأستاذ مروان شلبى ( عزف الكمان وقائد مجموعة الوتريات )

الأستاذ بشير مروان شلبى ( عزف الكمان )

العبد لله ( الألآت الألكترونية والميكساج )

أرجو أن نكون وُفقنا فى تقديم عمل يليق بمنتدى سماعى وأعضاؤه الذواقة

**ahmed noor** · #2 09/05/2009, 20h27

الاستاذ الالاتى .. الاستاذ مروان شلبى

تحياتى وشكرى وامتنانى لسيادتكم ولجميع من شارك فى هذا العمل الرائع

بالبلدى بقه .. بالصوت .. تلاقينا .. مزيكا .. تلاقينا .. توجيهات .. برضه تلاقينا

والله والله .. لو ربنا طول فى عمرى ولفيت ما هلاقى زيكم يا اجمل اساتذه

ومهما هتكلم .. برضه مش هوفى ذره من جمالكم وروعتكم ودلعكم

ربنا ما يحرمنا منكم يا اساتذه يا كبار

مع خالص شكرى وامتنانى .

**الألآتى** · #3 10/05/2009, 00h15

اقتباس:

المشاركة الأصلية كتبت بواسطة ahmed noor

الاستاذ الالاتى .. الاستاذ مروان شلبى

تحياتى وشكرى وامتنانى لسيادتكم ولجميع من شارك فى هذا العمل الرائع

بالبلدى بقه .. بالصوت .. تلاقينا .. مزيكا .. تلاقينا .. توجيهات .. برضه تلاقينا

والله والله .. لو ربنا طول فى عمرى ولفيت ما هلاقى زيكم يا اجمل اساتذه

ومهما هتكلم .. برضه مش هوفى ذره من جمالكم وروعتكم ودلعكم

ربنا ما يحرمنا منكم يا اساتذه يا كبار

مع خالص شكرى وامتنانى .

ربنا مايحرمنا منك ومن ذوقك ياأحمد .. وإن شاء الله بكره تكبر ونجيب لك بنطلون طويل ..

**Hisham Khala** · #4 09/05/2009, 20h30

أنا أيدي أتقطعت من التصفيق ، حقيقي شغل رائع و كله إحتراف
برافو برافو .....
نقطة أخري مهمة أنا كتبت عنها دلوقتي و هي عملية تنزيل الملفات: كل ساعة ملف ، و دي طريقة تطفش الزبون (كما يقولون) فإذا كانت شر لابد منه فلابد أن يستثني بعض الملفات الصوتية: مثل ملفات إنتاج و إبداعات أعضاء سماعي ، و الملفات التعليمية ، فمثلاُ ملفات دروس أ. سمير الجنحاني كلها ملفات صوتية فكيف المتلقي يتابع درس بعد ساعة و الملفات التى توضح فكرة موسيقية معينة فمثلاً skippingلا يمكن استعابها بسهولة إلا من خلال السماع ، و الأعمال العظيمة زي الشغل الجميل اللي أنا سمعته دلوقتي أزاي أقعد أنتظر ساعة عشان أحمله.

قولي أنت بتستعمل أي برنامج لعمل المكساج الجميل؟

**سيادة الرئيس** · #5 09/05/2009, 21h01

بقول إيه ما تخدوناش في دوكه

ملاقوش في الورد عيب قالوا له يا احمر الخدين

فين سولو الكمان على الشيلوهات في المرجع

مرفق المطلوب

و ما تخدوناش في دوكه

لكن ده ما يمنعش إن الشغل زي الفل و تسلم إيديكوا

**mohamedafify** · #6 09/05/2009, 21h16

منتهى الابداع حاجة ولا فى الخيال تنفيذ مقطوعة رائعة زى موسيقى صوت العرب والشغل طالع ولااحسن استوديو ماشاء اللة على التوزيع اللة ينور على الالاتى وعلى عازف الكمان الاستاذ مروان احساس غاية فى الروعةربنا يديم الاعمال الجماعية دى لانها بتعيد اعمال جميلة جدا
تحية من كل قلبى لمن ساهم فى هذا العمل الجميل
تحياتى محمد عفيفى

**الألآتى** · #7 10/05/2009, 00h19

اقتباس:

المشاركة الأصلية كتبت بواسطة mohamedafify

منتهى الابداع حاجة ولا فى الخيال تنفيذ مقطوعة رائعة زى موسيقى صوت العرب والشغل طالع ولااحسن استوديو ماشاء اللة على التوزيع اللة ينور على الالاتى وعلى عازف الكمان الاستاذ مروان احساس غاية فى الروعةربنا يديم الاعمال الجماعية دى لانها بتعيد اعمال جميلة جدا

تحية من كل قلبى لمن ساهم فى هذا العمل الجميل

تحياتى محمد عفيفى

ربنا يخليك ياأستاذ عفيفى .. يابو لسان وقلب زى البفتة البيضا ..

**محمودسعد** · #8 10/05/2009, 00h50

ياااااااه
ده ايه ده
علي غفله كده ومن بعد القفله لقيت نفسي جوه الحفله
عشان المنتدي ماكانش بيفتح معايا زي مايكون مش عاوزني وكل ماسجل دخول الاقيه يقوللي اخرج بره يا ؟
اخرج غصب عني
وعلي غفله فتح واول مافتح لقيت النفحه الالاتيه دي
ولقيت شويه ردود عسل زي اصحابهم وزي الالاتي
والحبر اللي في الكيبورد خلص من كتر الكتابه للالاتي ومزازيك الالاتي وافكار الالاتي واليات الالاتي
ومش فاضل الا اني اكتبلك بدمي
بحبك يامجنون
واتاري ياختي ماكناش بنسمع ؟

ياالاتي

**كمال عواد** · #9 11/05/2009, 14h56

ابداع مابعده ابداع وتعاون مثمر بناء..وشغل وتريات عالى المستوىمن الا ستاذ مروان شلبى
وتوزيع ولاابدع من المايسترو الاستاذ الالاتى
وهذه هى الوحده فعلا على حق بين الشقيقتين
مصر وسوريا.......واسف لبعدى عنكم اليومين
الماضيين...نظرا لظروف العمل.........
انتم بهذه الصوره تعطون للمنتدى القيم بعدا اخر..من المحبه والوئام....احسنتم اساتذتى

**الألآتى** · #10 10/05/2009, 00h17

اقتباس:

المشاركة الأصلية كتبت بواسطة سيادة الرئيس

بقول إيه ما تخدوناش في دوكه

ملاقوش في الورد عيب قالوا له يا احمر الخدين

فين سولو الكمان على الشيلوهات في المرجع

مرفق المطلوب

و ما تخدوناش في دوكه

لكن ده ما يمنعش إن الشغل زي الفل و تسلم إيديكوا

والله الكلام ده تقولو لقائد مجموعة الوتريات .. هو يتكلم عن نفسه .. أنا ماليش دعوة ياعم .. أنا رايح أستخبى تحت الترابيزة ..