رحلة إلى تركيـا - الصفحة 7

**NAHID 76** · #61 08/05/2009, 06h16

بسم الله الرحمن الرحيم
أخى الفاضل فؤاد عبد الحميد
عملت لك مصيده وخليت الكفته شكل الطعميه علشان من زمان مدخلتش لنا وكتبت كام قصه وحضرتك مشرفتنيش
وأنت عارف أنى بتفائل بدخولك المواضيع
ازيك ولعل اقلالك يكون السبب خير طمنا عنك ومتحرمناش من تواجدك المميز
تحياتى

**هامو** · #62 08/05/2009, 13h26

عزيزتي ناهد عزيزي د انس
الحمدلله على سلامتكم وانا سعيدة انني اتتبع موضوع رحلتكم الى تركيا
كنت مستنيه رجوعكم اكيد من بعد إبلاغك لي بآخر إتصال كان بيننا قبل السفر
الجميل انه عندما نشاهد الصور نشعر كأننا كنا معاكم صدق
اما من ناحية الهدايا دنتي عملتي عين العقل انك اتخلصتي من الليستا بتاعت الهدايا
والا لو ما عملتي كدا دا ما كنشي حيكون عندك وقت تأخذي ولا صورة
تمتعينا فيها انت ود انس كان كل وقتكم مشغولين بالأسواق لتلبية الطلبات
واعتقد وقت الأجازة اجمل ما فيها انه يستغل الواحد كل ثانية فيها
لأنها تحمل معاه احلى الذكريات
ادعو لكم بالسعادة والهناء انشالله المرة الجاي تكونو عندنا الدعوة مفتوحة
على فكرة في دواء اسمه
Voltaren Emllgel 11,6mg/g
Gel

دا هائل اسئلي د انس عنه
دا كويس للوالدة

ويا جمال الصيف كله

**NAHID 76** · #63 08/05/2009, 14h28

بسم الله الرحمن الرحيم
حبيبتى واختى العزيزه هامو
تعرفى لسه بحس بجمال الرحله الان
بعد مرورك على الموضوع
شرفتى الصفحه ونورتى المكان يا أعز الاحباب
أما عن الهدايا
أنا مكنتش حشوف حاجه فى تركيا غير السوق
معندكش فكره
دى أحسن حاجه أمال أيه
أما الفولترين بالنسبه للوالده
أخذت منها كثيرا لتسكين الالام
ولكم الحكايه يظهر
كما جاء بالقرأن الكريم
وهن العظم منى صدق الله العظيم
تحياتى وسؤالى عن الاسره الكريمه

**د أنس البن** · #64 08/05/2009, 16h01

شكرا أخى الحبيب الفنان أبو حسام الالاتى
ويا ريتك كنت معانا
..........................
أهديك وأهدى للزملاء والإخوه الأحباب هذا الفيلم التقطه فى بداية الرحله الى مدينة بورصه فى الجبل
ويسمع فيه بوضوح صوت المرشد السياحى وهو يشرح لنا ويحكى عن جانب من تاريخ تركيا
ويظهر الفيلم جانبا من المناظر الطبيعيه الجميله

**محمود** · #65 09/05/2009, 15h08

اقتباس:

المشاركة الأصلية كتبت بواسطة NAHID 76

بسم الله الرحمن الرحيم
الدكتور الفاضل واخى الكبير د محمود
اللى دائما أول كلامه سلام
نورت المنتدى ونورت الموضوع وبدخولك أخذ الموضوع بعد أخر من الجمال والروعه
وأنا عرفت صاحبك الى بينزل المول ويشترى ويكيس
والله صاحبك جدع
وبيقدر يظبط أموره
تحياتى لشخصك الكريم

أول كلامي سلام ..

والله انتوا اللي نورتوا المنتدى برجوعكم لأنه فعلا بدونكم كان ناقص حاجة ، تخيلي لو عربية بدون ترانسميشن .. تبقى عربية؟؟

أما عن صديقي فلا أعتقد ان حضرتك تعرفيه لأنه ليس عضوا في المنتدى ، وإن كانت الدنيا صغيرة وحدث من قبل أن تعرفت عللى ناس في ظروف وفي أماكن متباعدة تماما ثم فوجئت بأنهم أصدقاء أو حتى قرايب ، ومثل هذه الأمور تكرر معي أكثر من مرة.

على فكرة .. بيقولوا تركيا فيها عربيات حلوة قوي .. كان نفسي في لكزاس. متهيألي بقى دي سهلة لأنها حتكون إن شاء الله موجودة في أي مكان تروحوه ومش حتحتاج لف كتير ولا عَـطــَلة عن برنامج الرحلة .. شفتي متواضع وطلباتي سهلة إزاي!!

تحياتي

محمود

**NAHID 76** · #66 09/05/2009, 19h05

بسم الله الرحمن الرحيم
أخى الفاضل دكتور محمود
أنا اعتقد أن صديقك أنت
أما عن العربات فى تركيا فعلا أثناء سير الحافلات شفنا مصانع سيارات كتير فى طريق البورصه وخاصه مصنع شاهين
أما سيارتك المطلوبه
أنظر من الشباك حتلاقيها وقفه ب الشوفير كمان
أمال أنت تأمر
تحياتى وأخر كلامى سلام