إلى الفـَرحِين بعودة سمعجي

[abuzahda]

المشاركة الأصلية كتبت بواسطة رائد عبد السلام

صوتك ياشاعر ...في الظلام قنديل

ترتيل يصحّي اللي غافل
واللي سمعه تقيل ..

صوتك ياشاعر أمانة
تنشال في نني العين
ولفين؟ يروح اللي مقسوم له
الشعور؟ ومنين ؟
نجيب عينين
للي عايش في الدجي ... مايشوف
نور الحروف ؟

وحشني صوتك يا سيّد
والرفاقة كتير
بس الهوي ....تعتير
وكل قلب ومراده

ياصحبة المشاوير

صوتك ياشاعر ....هدير
صوتك سواقي العطشانين للخير
ومش كتير
علي الأحبة يترووا بصوتك

شمس المحبة في العيون ....بانت
ولو القلوب .....صوّان
من طلـّـتك ....لانت
الشعر مشوار ياصاحبي
وخطوة مكتوبة
صدق اللي قال :
داوِني بالتي كانت

عمي رائد
هيّ نص ساعة اللي بقت فاضلة لي كل يوم علشان اطل عالحبايب هنا
و انت - دايماً - الرد عليك عايزله "نص جمعة"
فوحياة الغالية (عليا انا و انت) يا أستاذي تمهلني إلى "الويك إند" ، يمكن ربنا يبيّض وشي معاك يا أستاذي
بس العجلة مش هتمنعني اقولك: ربنا يديم عليّ محبتك يا ابو قلب مفروش جناين

[غازي الضبع]

والله ما عارف أقول إيه ؟
إيه الحلاوة دي
عصافير بتغرد وبرتد على بعض
عم كمال عبد الرحمن ، وعم سيد أبو زهدة
يا سحرة الكلام
وكمان الأستاذ طارق العمري
فينك يا أستاذ عصفور طاير تيجي عشان تكمل اللحن الجميل اللي بيعزفوه فرسان الكلمة دول
والله يا جماعة .. الواحد بيفخر إنه عايش معاكم في نفس الزمن

[Tarek Elemary]

عم غازى إنت راجل جميل و عترة و زىَّ الفل
لكن حرام عليك يا صديقى تحشرنى بين هؤلاء أهنتهم و ظلمتنى
بالله عليك احفظ لهم قدرهم و يمكن بع إستئذانهم تضف لهم رائد الكلمة و الإحساس
و فى كل الأحوال تقبل تحياتى

[عصفور طاير]

المشاركة الأصلية كتبت بواسطة غازي الضبع

والله ما عارف أقول إيه ؟

إيه الحلاوة دي
عصافير بتغرد وبرتد على بعض
عم كمال عبد الرحمن ، وعم سيد أبو زهدة
يا سحرة الكلام
وكمان الأستاذ طارق العمري
فينك يا أستاذ عصفور طاير تيجي عشان تكمل اللحن الجميل اللي بيعزفوه فرسان الكلمة دول
والله يا جماعة .. الواحد بيفخر إنه عايش معاكم في نفس الزمن

أخي وعم عيالي غازي ابو فارس.. لبيك
هو أنا في ديك الساعة (طبعا دا غير اللي بيدن كوكو كوكو في الفجرية) إني أحضر في تلك الاحتفالية العبقرية؟
طبعا أنا أنضم برضه لرأي أخي الأستاذ طارق، في إن أنا فين وهؤلاء الأحبة فين.. ولكني سأتجرأ وأشارك حبا في اصحاب الفرح عم سيد وكيمو حبيبي..
فإليكم هذه من وحي المكان والزمان:

أذن أذان الفجر في البيت الحرام
لبّى الحمام النِـدا واتوضت العصافير
نهار يشمّر بياضه بالنور على الإحرام
تتبل أرض الحرم زمزم، فتسقي الطير
**
ياللي رششت الندى ف ام القرى بركات
وجعلت مَن زَارَها مأخوذ بأجواءْها
الكعبة بيتك ومن زارها اترفع درجات
إقبل سجودنا، على أرض النبي وطأها
**
أول كلامنا خشوع للّي حمى بيته
ومديح لسيدنا النبي واحبابنا آل بيته
وكل صَحبُه الكرام والخُلفا والتابعين
وشيوخنا أهل الطريق والأوليا الصالحين
وكل من له نصيب زار النبي في بيته
**
يا ابو زهدة سايق عليك سيدنا النبي طه
ما تسوء حبايبك فيك بالغيبة ولظاها
وقول لكيمو حبيبك كم ليكو من مجاذيب
مريدين لنفحات تجلّي الحضرة وشذاها
**
يا كيمو ياللي فتح ربك عليك فتحوات
بالله ما تنسى الأحبة الممسوسين بالوجْد
اجتاز وخطي وفضي القلب للإشارات
وفيض علينا يا سيدنا بالعطا والمد
**
نرجع لأرض النبي – وافخر – أنا جاره
ويا بخته إللي سجد بين منبره وداره
بادعي إله الحرم والكعبة والجبلين
تدوق حبايب النبي نشوة لُـقا الحرمين
ويجتمع شملنا ونصلّي في مزاره

[رائد عبد السلام]

المشاركة الأصلية كتبت بواسطة غازي الضبع

والله ما عارف أقول إيه ؟

إيه الحلاوة دي
عصافير بتغرد وبرتد على بعض
عم كمال عبد الرحمن ، وعم سيد أبو زهدة
يا سحرة الكلام
وكمان الأستاذ طارق العمري
فينك يا أستاذ عصفور طاير تيجي عشان تكمل اللحن الجميل اللي بيعزفوه فرسان الكلمة دول
والله يا جماعة .. الواحد بيفخر إنه عايش معاكم في نفس الزمن

ماأنت ليك حق تنساني ..
ماهو إنت مالكش غير اللي قدامك ....
ماهو إنت .......!!

واللا بلاش ....
بس لمّا أشوف وشك الــــــــ......عسل

شفت طارق العمري قال لك إيه !!
أنا لو منك (.......)
واللا بلاش دي كمان ...
الطيب أحسن

[رائد عبد السلام]

المشاركة الأصلية كتبت بواسطة Tarek Elemary

بالله عليك احفظ لهم قدرهم و يمكن بعد إستئذانهم تضف لهم رائد الكلمة و الإحساس
و فى كل الأحوال تقبل تحياتى

إلهي ربنا يبيض وشك
علي طول
وإلي الأبد يا طارق يا اخويا ...
ياأصيل يابن الأصول
روح ...خُـــد من قلبي ...وصُـــــرّّ

[Tarek Elemary]

ليست مجاملة يا صديقى أنت حقا تستحق
هذا قدرك و هذا قدَّرك بكل حيادية و صدق

[محمودسعد]

شكلك كده انا مش واحشك
مع اني بسال دوغري عليك
اوعاك يكون فيه شئ حايشك
دانا اللي روحي ملك ايديك
حمدلله علي سلامه وصولك ياعمي وعم عمي

[abuzahda]

المشاركة الأصلية كتبت بواسطة محمودسعد

شكلك كده انا مش واحشك

مع اني بسال دوغري عليك
اوعاك يكون فيه شئ حايشك
دانا اللي روحي ملك ايديك
حمدلله علي سلامه وصولك ياعمي وعم عمي

الله يسلمك يا عمنا كلنا كده على بعض
و بعدين يا عم انا لسة جاي من عيد ميلاد دينا
لاقيتك منوّر الدنيا هنا
أعمل إيه في شغل الأرواح ده ؟
يعني كنا بنكتب المشاركات في نفس البرهة(حلوة برهة دي) بس في مكانين يشبهوا بعض
الاتنين فيهم فرح و محبة
*
*
بس انا عندي مشكلة يا عمي محمود ...
كلما اجي أكتبلك ، ألاقي الكلام لابس المواويل ! ، هيّ المواويل تقرب لك إيه بالظبط؟

يا عم قول تاني ...
أغاني الحب و الموال
تِبَرَّد جرحنا بصوتك

و نِفهم كلمة بمعاني
تخُش القلب لو تنقال
و يكتر فرحنا بصوتك

تقول يا ليل ، تزيح الليل عن المعنى
و يطلع صبحنا بدليل ، بساعة أنس تجمعنا ..
مع الأحباب
كإن حساب بيطرحنا و يجمعنا
و مين يِحسِب صدى صوتك ؟

[abuzahda]

المشاركة الأصلية كتبت بواسطة عصفور طاير

أخي وعم عيالي غازي ابو فارس.. لبيك
هو أنا في ديك الساعة (طبعا دا غير اللي بيدن كوكو كوكو في الفجرية) إني أحضر في تلك الاحتفالية العبقرية؟
طبعا أنا أنضم برضه لرأي أخي الأستاذ طارق، في إن أنا فين وهؤلاء الأحبة فين.. ولكني سأتجرأ وأشارك حبا في اصحاب الفرح عم سيد وكيمو حبيبي..
فإليكم هذه من وحي المكان والزمان:

أذن أذان الفجر في البيت الحرام
لبّى الحمام النِـدا واتوضت العصافير
نهار يشمّر بياضه بالنور على الإحرام
تتبل أرض الحرم زمزم، فتسقي الطير
**
ياللي رششت الندى ف ام القرى بركات
وجعلت مَن زَارَها مأخوذ بأجواءْها
الكعبة بيتك ومن زارها اترفع درجات
إقبل سجودنا، على أرض النبي وطأها
**
أول كلامنا خشوع للّي حمى بيته
ومديح لسيدنا النبي واحبابنا آل بيته
وكل صَحبُه الكرام والخُلفا والتابعين
وشيوخنا أهل الطريق والأوليا الصالحين
وكل من له نصيب زار النبي في بيته
**
يا ابو زهدة سايق عليك سيدنا النبي طه
ما تسوء حبايبك فيك بالغيبة ولظاها
وقول لكيمو حبيبك كم ليكو من مجاذيب
مريدين لنفحات تجلّي الحضرة وشذاها
**
يا كيمو ياللي فتح ربك عليك فتحوات
بالله ما تنسى الأحبة الممسوسين بالوجْد
اجتاز وخطي وفضي القلب للإشارات
وفيض علينا يا سيدنا بالعطا والمد
**
نرجع لأرض النبي – وافخر – أنا جاره
ويا بخته إللي سجد بين منبره وداره
بادعي إله الحرم والكعبة والجبلين
تدوق حبايب النبي نشوة لُـقا الحرمين
ويجتمع شملنا ونصلّي في مزاره

يا عم يا مفتون بأصل باب السعد
قالوا: الحقيقة تكون ، رغم الهزار و الجَد
ده اللي يزور السَبط بينبسط له الحال
إشحال ، يا عم جمال ، و انت بجوار الجَد ؟