إلى الفـَرحِين بعودة سمعجي

**رائد عبد السلام** · #1 04/05/2009, 04h09

اقتباس:

المشاركة الأصلية كتبت بواسطة abuzahda

الشِعر طفل نغني له

نِدادي فيه ، نِسهَر لِيلـُه

و لمّا يِغضَب نِدعي له

يُنظر لنا أو ينادينا

و الشِعر ذنب و بِنشِيلـُه

و التوبة مش عارفة سَبِيلـُه

لا يروح لها ، و لا بتجِيلـُه

و لا ندعي "توب منه ، علينا" !

.

صوتك ياشاعر ...في الظلام قنديل
ترتيل يصحّي اللي غافل
واللي سمعه تقيل ..

صوتك ياشاعر أمانة
تنشال في نني العين
ولفين؟ يروح اللي مقسوم له
الشعور؟ ومنين ؟
نجيب عينين
للي عايش في الدجي ... مايشوف
نور الحروف ؟

وحشني صوتك يا سيّد
والرفاقة كتير
بس الهوي ....تعتير
وكل قلب ومراده

ياصحبة المشاوير

صوتك ياشاعر ....هدير
صوتك سواقي العطشانين للخير
ومش كتير
علي الأحبة يترووا بصوتك

شمس المحبة في العيون ....بانت
ولو القلوب .....صوّان
من طلـّـتك ....لانت
الشعر مشوار ياصاحبي
وخطوة مكتوبة
صدق اللي قال :
داوِني بالتي كانت

**جرامافون** · #2 04/05/2009, 04h43

الله عليك وعلي حلاوتك يا عم سيد
جمالطالع من الجميلفي وصف الجميل

**سمعجى** · #3 05/05/2009, 08h35

اقتباس:

المشاركة الأصلية كتبت بواسطة جرامافون

الله عليك وعلي حلاوتك يا عم سيد

جمالطالع من الجميلفي وصف الجميل

يا جَميل على النيل مَعَدِّي
يا عمـرو ،، و الـوِدّ وِدّي
أَمْسِــكْ خـَيَـالـَك بـِيَــــدِّي
و اطير في بحر النـَّسايـِم

**يحيى زكي** · #4 05/05/2009, 12h42

والله ياعم كمال انت وعم سيد خليتوا الواحد بيحب الشعر وعايز يعمل زي اللي بتعملوه ماهوش عارف.......خليتوا الواحدبسبب مناظاراتكم الشعرية منشكح واخر انبساط زي مايكون شارب له قرعتين بوظة ؟؟؟

لكم حبي واعزازي
-------------

الله يدري كل ما تضمر
يعلم ما تخفي وما تظهر
وإن خدعت الناس لم تستطع
خداع من يطوي ومن ينشر

**سمعجى** · #5 06/05/2009, 22h35

اقتباس:

المشاركة الأصلية كتبت بواسطة يحيى زكي

والله ياعم كمال انت وعم سيد خليتوا الواحد بيحب الشعر وعايز يعمل زي اللي بتعملوه ماهوش عارف.......خليتوا الواحدبسبب مناظاراتكم الشعرية منشكح واخر انبساط زي مايكون شارب له قرعتين بوظة ؟؟؟

لكم حبي واعزازي
-------------

أخيراً عَرَفت السِر !

هِىّ البوظة يا سيدي ، سِرّ الإبداع الشـِّعري

**abuzahda** · #6 07/05/2009, 10h46

اقتباس:

المشاركة الأصلية كتبت بواسطة رائد عبد السلام

صوتك ياشاعر ...في الظلام قنديل

ترتيل يصحّي اللي غافل
واللي سمعه تقيل ..

صوتك ياشاعر أمانة
تنشال في نني العين
ولفين؟ يروح اللي مقسوم له
الشعور؟ ومنين ؟
نجيب عينين
للي عايش في الدجي ... مايشوف
نور الحروف ؟

وحشني صوتك يا سيّد
والرفاقة كتير
بس الهوي ....تعتير
وكل قلب ومراده

ياصحبة المشاوير

صوتك ياشاعر ....هدير
صوتك سواقي العطشانين للخير
ومش كتير
علي الأحبة يترووا بصوتك

شمس المحبة في العيون ....بانت
ولو القلوب .....صوّان
من طلـّـتك ....لانت
الشعر مشوار ياصاحبي
وخطوة مكتوبة
صدق اللي قال :
داوِني بالتي كانت

عمي رائد
هيّ نص ساعة اللي بقت فاضلة لي كل يوم علشان اطل عالحبايب هنا
و انت - دايماً - الرد عليك عايزله "نص جمعة"
فوحياة الغالية (عليا انا و انت) يا أستاذي تمهلني إلى "الويك إند" ، يمكن ربنا يبيّض وشي معاك يا أستاذي
بس العجلة مش هتمنعني اقولك: ربنا يديم عليّ محبتك يا ابو قلب مفروش جناين

**غازي الضبع** · #7 07/05/2009, 11h15

والله ما عارف أقول إيه ؟
إيه الحلاوة دي
عصافير بتغرد وبرتد على بعض
عم كمال عبد الرحمن ، وعم سيد أبو زهدة
يا سحرة الكلام
وكمان الأستاذ طارق العمري
فينك يا أستاذ عصفور طاير تيجي عشان تكمل اللحن الجميل اللي بيعزفوه فرسان الكلمة دول
والله يا جماعة .. الواحد بيفخر إنه عايش معاكم في نفس الزمن

**Tarek Elemary** · #8 07/05/2009, 12h50

عم غازى إنت راجل جميل و عترة و زىَّ الفل
لكن حرام عليك يا صديقى تحشرنى بين هؤلاء أهنتهم و ظلمتنى
بالله عليك احفظ لهم قدرهم و يمكن بع إستئذانهم تضف لهم رائد الكلمة و الإحساس
و فى كل الأحوال تقبل تحياتى

**رائد عبد السلام** · #9 07/05/2009, 14h28

اقتباس:

المشاركة الأصلية كتبت بواسطة Tarek Elemary

بالله عليك احفظ لهم قدرهم و يمكن بعد إستئذانهم تضف لهم رائد الكلمة و الإحساس
و فى كل الأحوال تقبل تحياتى

إلهي ربنا يبيض وشك
علي طول
وإلي الأبد يا طارق يا اخويا ...
ياأصيل يابن الأصول
روح ...خُـــد من قلبي ...وصُـــــرّّ

**Tarek Elemary** · #10 07/05/2009, 19h17

ليست مجاملة يا صديقى أنت حقا تستحق
هذا قدرك و هذا قدَّرك بكل حيادية و صدق