أعمال من تنفيذ الفنان محمد الآلاتي

**الألآتى** · #1 16/04/2009, 04h11

إخوانى الأعزاء

بناءً على طلب خاص من أخى وصديقى الأستاذ رائد المصرى

أقدم لكم وله اليوم نشيد : حى على الفلاح

كلمات : الأخوان رحبانى
وهناك معلومة تقول أنها من كلمات الشاعر عبد الوهاب محمد

ألحان : محمد عبد الوهاب

عزف وتنفيذ ومكساج والذى منه : العبد لله

**رائد عبد السلام** · #2 16/04/2009, 04h53

اقتباس:

المشاركة الأصلية كتبت بواسطة الألآتى

إخوانى الأعزاء

بناءً على طلب خاص من أخى وصديقى الأستاذ رائد المصرى

أقدم لكم وله اليوم نشيد : حى على الفلاح

كلمات : الأخوان رحبانى
وهناك معلومة تقول أنها من كلمات الشاعر عبد الوهاب محمد

ألحان : محمد عبد الوهاب

عزف وتنفيذ ومكساج والذى منه : العبد لله

أستاذنا الكبير
محمد الآلاتي

أولاً : مليون شكر علي سرعة الاستجابة
لطلب العبد لله
ثانياً :أنا اللي لفت نظري للأغنية دي بصوت عبد الوهاب... توزيعها
لإن فيها صوت ترومبيت تقريباً....بيعمل زي خلفية
للمذهب لما يتكرر....طول ما أملي معايا (في المرة الثانية للكورس..)
العجيب بقي إني لقيتك محافظ علي نفس الخلفية دي في توزيعك
يعني صاحي لها وعاجباك...وواخد بالك منها أوي
ودي بقي (الحرفنة ) والتميز الغير عادي في توزيعاتك

بالنسبة للكلمات ...برضه لاحظت إنه في أغنية عبد الوهاب
الكورس غير مصري و ده واضح من لهجته
ده بيؤكد إنها كلمات وتوزيع الأخوين رحباني
زي : ضي القناديل (حليم) ..... دوارين (نجاة)
أخيراً ... الواحد مش عارف يقول لك غير
ربنا يحفظ لك موهبتك الغير طبيعية...

كل الشكر ياعمنا الآلاتي
********
وعلشان الرخامة بتاعتي تكمل
ياريت ترفع لنا الموسيقي بتاعة التوزيع
علشان -علي رأيك- اللي عايز يهبهب !!

**ahmed noor** · #3 16/04/2009, 05h17

استاذى
عمل اكثر من رائع

ما شاء الله على الابداع فى كل الالوان

انا مش بحسد والله

لكن الطمع بداءت اعراضه عليا

ربنا يستر بقه وميحصليش حاجه

**الألآتى** · #4 16/04/2009, 14h18

وهذه موسيقى ( حى على الفلاح )

لمن يريد الهبهبة .. هبهب ياعفيفى ..

**محمودسعد** · #5 17/04/2009, 07h05

بدايه
السلام علي من اتبع الهدي
السلام علي اهل البلد دي سماعي واللي منه سلام كبير لكل الناس اللي شرفونا ونورونا في فرح الالاتي ابو خالد اللي بيمسي علي كل المهبهبين اللي بيهبهبهم الالاتي وانا كواحد من المهبهبين الاوائل بمسي علي فصل تالته تالت وبصبح وامسي علي كل الاداره التعليميه الالاتيه المهبهبيه وعاش مولانا ومزازيك مولانا ويحيا محمد حسن الالاتي ويحيي ابوها وشنبو اللي ماحدش ضربو وعاش الزعيم المفدي محمد بك افندي خديوي الالاتي راعي شئون الموسيقي والتوزيع والتدريب والتعليم والتثقيف والتحليل والمو نتاج والمكساج والتهبيب
عاش مولانا ومزازيك مولانا حامي حمي الموسيقي العالميه الذهبيه التاريخيه الاصليه اللي مالهاش في المهلبيه عاش مولانا وتوزيع مولانا عاش سيدنا اللي بياخد ايدنا عاش عمنا اللي منا ومننا عاش الفقير الغني عاش الحنون ابو صدر يسيع العالم عاش مولانا وجنان مولانا عاش مولانا وجنان مولانا وعاش السيد محمد حسن الالاتي ابو خالد ابو محمد ابو حسام ابو الاصاله ابو الجدعنه وعاش مولانا وتعليم مولانا وعاش مولانا وشاي مولانا وسيجاره مولانا اللي بيشربهم وهو بيطبخ طبخه مولانا
عاش مولانا وطبيخ مولانا
عاش مولانا وتاريخ مولانا
عاش مولانا وتأريخ مولانا عاش مولانا ومزازيك مولانا ودماغ مولانا وعنين مولانا وايد مولانا والهوا اللي بيشموا ويستنشقوا مولانا
عاش محمد الالاتي
وربنا يديلك علي قد نيتك

**الألآتى** · #6 21/04/2009, 10h30

اقتباس:

المشاركة الأصلية كتبت بواسطة محمودسعد

بدايه

السلام علي من اتبع الهدي
السلام علي اهل البلد دي سماعي واللي منه سلام كبير لكل الناس اللي شرفونا ونورونا في فرح الالاتي ابو خالد اللي بيمسي علي كل المهبهبين اللي بيهبهبهم الالاتي وانا كواحد من المهبهبين الاوائل بمسي علي فصل تالته تالت

إيه الفرح إللى إنت عامله ده ياعم محمود .. ياعم بالراحة علينا شوية . أحسن نتنفخ وماحدش يعرف يكلمنا ..

**محمودسعد** · #7 21/04/2009, 17h32

اقتباس:

المشاركة الأصلية كتبت بواسطة الألآتى

[/CENTER]

إيه الفرح إللى إنت عامله ده ياعم محمود .. ياعم بالراحة علينا شوية . أحسن نتنفخ وماحدش يعرف يكلمنا ..

هو حد بيعرف يكلمك

**unicorn** · #8 21/04/2009, 02h55

اقتباس:

المشاركة الأصلية كتبت بواسطة الألآتى

وهذه موسيقى ( حى على الفلاح )

لمن يريد الهبهبة .. هبهب ياعفيفى ..

لا و الله
لو دى الهبهبة أمال النار و الولعة تبقى شكلها ايه يا مايسترو ,
تسلم صوابعك و يسلم صوتك يا أبو حسام .

**عادل صموئيل** · #9 21/04/2009, 04h38

الله الله يا مايسترو
فكرتنى بأيام زمان وحلاوة زمان
والتحدى بتاع عبد الوهاب اللى كان فى كل لحن يحط مصيبة جديدة يعنى كان فى كل لحن يحط شوية بلاوى موسيقية كان بيخلينا احنا اول ناس نتجنن
وفى اللحن ده عمل شىء غريب يعنى الناس متعودة على مقام الصبا انه اللحن الحزين الغلبان او الحتة الحزينة اللى فى اى لحن جه عبد الوهاب العبقرى وعمل من الصبا نشيد حماسى جامد يعنى شبه من اللى عمل من الفسيخ شربات وتحدى ومعنى المثل ده لأخواننا اللى من الدول العربية انسان يعمل من شىء , شىء مستحيل

**الألآتى** · #10 21/04/2009, 10h40

اقتباس:

المشاركة الأصلية كتبت بواسطة عادل صموئيل

الله الله يا مايسترو
فكرتنى بأيام زمان وحلاوة زمان
والتحدى بتاع عبد الوهاب اللى كان فى كل لحن يحط مصيبة جديدة يعنى كان فى كل لحن يحط شوية بلاوى موسيقية كان بيخلينا احنا اول ناس نتجنن
وفى اللحن ده عمل شىء غريب يعنى الناس متعودة على مقام الصبا انه اللحن الحزين الغلبان او الحتة الحزينة اللى فى اى لحن جه عبد الوهاب العبقرى وعمل من الصبا نشيد حماسى جامد يعنى شبه من اللى عمل من الفسيخ شربات وتحدى ومعنى المثل ده لأخواننا اللى من الدول العربية انسان يعمل من شىء , شىء مستحيل

أستاذ عادل ..

مجرد تواجدك فى أحد أعمالى .. شرف كبير وختم نسر واضح للدلالة على أننى أسير فى الطريق الصحيح ..

ربنا مايحرمنى منك ياكبير ..